1 Samuweli 1:10 - IBAYIBOLO 2024

¹⁰ Pachifukwa icha kutamiwa nkani mumoyo wache, u Hana akiputa kwa Mwene, bo akulila nkani.

1 Samuweli 1:10 Iomraidhean Croise

Ubwandilo 30:1

Bo u Lakelo ennya ukuti atakumupapila u Yakobo abana, akanda pakumubikila akabini umukulu wache yula. Po akamubuzya u Yakobo akati, “Umpe abana, nanti awe, chizapo infwanje bulo.”

Ubwandilo 50:10

Bo bafika pabuzilo ubwakukomelapo inyinulo ubwa Atadi, kubufumilo bwizuba ubwa Yolodani, bakamulila ni chitima ichikulu nkani. Po kulakula bakakonka inyiho zyabo pakumulila uwise amasiku seveni.

2 Samuweli 13:36

Bo amala bulo pakunena, abana abamwene bakafika, bo bakulila nkani. Wepe u mwene, poka na bambombo bache bosi bakalila nkani.

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yobu 10:1

“Naloli ubumi bwane nalita nabo, po nkwiza pakunena amilumbusyo ghane umwakusatuka. Nkwiza pakuvumbula vyosi vivyo vikumbaba mumoyo wane.

Yobu 7:11

Polelo ntakwiza pakusona umulomo wane po nkwiza pakunenapo zimo napapo indi mumayimba. Nkwiza pakwilumbusya napapo indi mububavu.

Yobu 9:18

Ngali atakanyitikizya sona ukuti infutaye, loli ngali anjivya bulo na mayimba.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ivyili 14:10

Umoyo ghuzimenye zizyo zikumubaba umuntu, po atalipo nayumoyumo yuyo angagabana ukuhoboka kwache nu muntu uyunji.

Yesaya 38:15

Nkimba ninga nena ichoni? Pakuti umwenecho u Mwene weyuyo angwisizizye ububine bunubu. Nkwiza pakuyimba mubumi bwane bosi, pachifukwa icha bubavu ubwa moyo wane.

Yesaya 54:6

U Mwene akwiza pakukwitizya sona po ngati ukaba muchi wache, yuyo achimbiziwe nukuyimba mumuzimu, ngati muchi umulindu yuyo akamukana.” Momumo akunenela u Chala wako.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 22:10

Utakamulililaye u mwene umufwe pamo pakumufwifwitilila, loli umulililaye yuyo epamo muchisu chache nukusendiwa pakuba muzya, pachifukwa ichakuti atakwiza pakunyokelako sona nukuchennya ichisu chicho akapapiliwamo.

Nkuto 3:15

U Mwene ampiye intamyo impalapala, pakuba chakulya chane sona ni chakung'wela chane.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

Abalongi 21:2

Po aba Izilayeli bala bakabuka ku Beteli nukwikala pasi pamaso pa Chala mupaka pachamabwila, bo bakukolomoka nukulila nkani

Luti 1:20

U Nabomi akababuzya akati, “Mutakanyitizyanje ukuti Nabomi, loli mutinji Mala, pakuti Uwamaka Ghosi anjivya nkani.

1 Samuweli 1:11

Po akalapa ichilapo akati, “Wee Mwene Uwamaka Ghosi, nanti wennya bulo intamyo zyane nukunkumbuka, sona nanti utakunduvya ane ne wambombo wako pakumpa umwana umulumendo, umwana yula nkwiza pakumupa u Mwene amasiku ghosi agha bumi bwache, sona atakwiza pakumwapo nalumo isisi zyache.”

1 Samuweli 1:9

Isiku limo bo bamala bulo pakulya nukung'wela mu Shilo, u Hana akimilila. Pakabalilo kalakala umuputi u Eli akikalagha pachitengo papipi nu mulyango uwa Nyumba iya Mwene.