VAFILIPI 4:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ Mure mu vikholwa shia shindu shiosi, shia mweka khandi numuhulila khurula khwinzi. Shia shindu shiosi, shia mwahulila khandi numulola nikholanga. Nyasaye uchilanga nu khumenya mu milembe, aliitsa khuva na munyi.

VAFILIPI 4:9 Iomraidhean Croise

YAKOBO 1:22

Muvuli khwikaata vene, lwa muhulishitsanga likhuva lia Nyasaye lionyene; navutswa mukhole ka likhuva lienelo livoolanga.

VAFILIPI 3:17

Vasuuvili vashianje, mukhole ka inzi kholanga; khandi mulonde mwiima kwa vandu vamenyanga khulondokhana khu mwiima mulahi, kwa khwamumanyinya.

2 PETRO 1:10

Khulwa yako, vasuuvili vashianje, muchelitsi ni tsingulu khuli munyala khutsililila mu limenya lienyu khumanyinya ndi ni kilikali Nyasaye neye wamulaanga, khandi namurovola munjila yatoto. Niiva muliitsa khukhola kenako, shiumuliitsa khukwa mu vwoni tawe;

YOHANA 13:17

Lwa mumanyi nunundi vindu yivi, muliitsa khukasitswa, niiva muliitsa khuvikhola!

VAFILIPI 4:7

Milembe chirulanga khu Nyasaye, chiavira limanya liosi liu mundu, chilalinda vulahi mioyo chienyu nende tsinganakani tsienyu khuvirila mu Yesu Kristo.

VAROMA 16:20

Nyasaye, uli shirula shieru shi milembe, aliitsa khumukhonya khukuura Shetani. Timbavasi tsiu Mwami weru Yesu tsive na munyi voosi.]

VAKORINZO 13:11

Lukhumalilikha, vasuuvili vashianje, nyoli milembe chiu khuheelishitsana! Lunjishitsi mwiima kwenyu. Muhulishitsi makhuva kaanje ka namuvoolela; muhulishitsane vene khuvene; khandi mumenye mu milembe. Nyasaye uhaananga vuyaanzi khandi uchilanga milembe nichivaho, aliitsa khuva na munyi.

LUKA 6:46

“Khulwa yako, shichila shina munaanganga, ‘Mwami, Mwami,’ navutswa mwayambakhana khukhola kamuvoolelanga?

MATAYO 28:20

khandi muveechitsi khulonda shia shindu shiosi shiamali khumuvoolela. Ni kilikali, niitsa khuva na munyi khumatukhu koosi, khutukha khulitukhu li shiheeli.”

MATAYO 7:21

“Shikali mundu unanganga ‘Mwami, Mwami’ aliitsa khwinjila mu Vwami vu mwikulu tawe; navutswa woyo wonyene wu kholanga ka Tata wanje uli mwikulu yenyanga neye uliitsa khwinjilamu.

2 VATESALONIKE 3:4

Mwami achilanga nu khuva ni lisuuvilitsa mu munyi ndi mukholanga, khandi muliitsa khutsililila khukhola shia shindu shiosi shia khumuvoolelanga.

1 VATESALONIKE 1:6

Mwalonda mwiima kweru nende ku Mwami. Khali niiva mwanyakhana muno, mwasuuvila likhuva khuvirila mu vuyaanzi vwa Roho Mutakatifu.

1 VATESALONIKE 5:23

Khusaalanga ndi Nyasaye ukhuheetsanga milembe, amukhole khuva vatakatifu mu shia shindu shiosi; khandi atsililile khulinda liiva lienyu liosi -- mwoyo, murima, nende mmbili -- khurula khu vutamanu vwosi, lwa Mwami weru Yesu Kristo aliitsa khukalukha.

VAROMA 15:33

Nyasaye uhaananga milembe ave na munyi voosi. Amina.

YOHANA 2:5

Mama wa Yesu yavoolela varumishi, “Kholi shia shindu shiosi shia amuvoolela mukhole.”

LUKA 8:21

Navutswa Yesu yavachipa, “Mama wanje nende vamwavo vaanje ni yavo vahulilanga likhuva lia Nyasaye mavakhola ki likhuva lienelo lienyanga.”

1 VATESALONIKE 2:14

Vasuuvili vashieru, vindu vilala viele vikholekha khu munyi, khandi khu makanisa ka Nyasaye mu lusomo lwa Yudeya, viakholekha khandi khu vandu vamenyayo vali mu Yesu Kristo. Mwanyashitswa munjila indala yeneyo na vandu vi shivala shienyu vene, khuli vo vanyashitswa na Vayahudi,

1 VAKORINZO 10:31

Khulwa yako, kave muliitsa khulia inoho khung'wa inoho shia shindu shiosi shia mukholanga, mukhole viosi khuhaana vukhumi khu Nyasaye.

LITSUSHITSWA 5:1

Musa yalaanga halala Vaisraeli voosi navavoolela, “Munyi Vaisraeli, hulili malako koosi kamuheetsanga nunundi. Mweche khandi mukalonde munjila yenyekhanga.

VIKHOLWA 9:6

Navutswa sinjila utsi mu litaala likali, wa uliitsa khuvoolelwa ka ukhola.”

ISAYA 41:10

lekha khuria, shichila ndi nivi! Lekha khuheenda mwoyo, shichila ndi Nyasaye wowo! Niitsa khukhutinyilitsa, niitsa khukhukhonya; niitsa khukhulinda nu khukhuhonyinya.

2 TIMOTEO 4:22

Mwami ave na munyi. Tsimbavasi tsia Nyasaye tsive na munyi voosi.

1 VAKORINZO 14:33

Nyasaye shianyala khuva Nyasaye uchilanga vukoyanu nu vuvaho tawe, navutswa neye uchilanga milembe nichivaho. Khuli kali mu makanisa koosi ka vandu va Nyasaye,

YOHANA 15:14

Munyi muli valina vaanje, niiva muliitsa khukhola kamuvoolelanga mukhole.

1 YOHANA 3:22

khandi neye ukhuheetsanga shia shindu shiosi shia khureevanga, shichila khulondanga malako keke, nu khukhola kamuyaanzitsanga.

MATAYO 1:23

“Loli! Mwana wi shikhana muchima aliitsa khuvelekha nu khwivula mwana wi shiyayi. Aliitsa khukulikhwa lira Imanuweli” (kavoolanga, “Nyasaye ali na khutsi.”)

ISAYA 8:10

Muloshitse ka mwenyanga khukhola, navutswa shiumukuura tawe. Mulomolome likhuva, navutswa shindu shivulakhuho shitsitsanga khwikholekha, shichila Nyasaye ali na khutsi.

1 VAKORINZO 4:16

Khulwa yako, musayanga numuyaanza mulonde mwiima kwanje.