VAFILIPI 4:8 - IBIBILIA INDAKATIFU MU LUTIRICHI LWITAKHO NENDE LWISUKHA

⁸ Mulimalila, vasuuvili vashianje, mure mu tsinganakani tsienyu vindu vinyala khumukhola khwitsominywa; nivili vindu vilondokhana nu vwatoto, vindu vichilanga luyali nu lunyolekha, vindu vichilanga likhola liu vulunji nilikholwa, vindu vichilanga vunihu nu vuvaho, vindu vichilanga vuyaanzi nu vuvaho, khandi vindu vichilanga tsimbavasi nitsivaho.

VAFILIPI 4:8 Iomraidhean Croise

YAKOBO 3:17

Navutswa lukhuraanga lwene, vusitsa vurulanga mwikulu nu vunihu; vwayaanza milembe, nu vuhoma, nu vu vulina; vwa yitsula tsimbavasi khandi vuchilanga vandu vakhola vikholwa vilahi; shiuvuli vu khwihonela vandi, inoho khuva nu vwikhola kholitsi vwa vandu khuva valunji tawe.

TITO 2:7

Yivi mwene uve nu mwiima mulahi mu shia shindu shiosi, kwa vandu vanyala khulonda. Uve mundu watoto khandi muluvililu muliechitsa liolio.

VAKORINZO 8:21

Navutswa lienya lieru nu khukhola ku vulunji; shikali imbeli wu Mwami wonyene tawe, navutswa khali imbeli wa vandu.

VAGALATIA 5:22

Navutswa vikholwa virulanga khu Roho nu vuyaanzi, khuyaanza vandi, milembe, likhutsila, mwoyo mulahi, vulahi, vusuuvilwa,

1 PETRO 2:12

Mutsililile khumanyinya mwiima mulahi mu vandu vambakhananga khusuuvila Nyasaye, khu khali niiva valalomoloma vindu vitamanu khulondokhana khu munyi, vanyala khulola vikholwa vienyu vilahi, khandi vakhuminyi Nyasaye khulitukhu liu khwitsa khwekhwe.

VAHEBRANIA 13:18

Mutsililile khukhusaalilakhu. Khwamanya ndi tsinganakani tsieru tsiu mukari ni tsindahi, shichila khwikombanga khumatukhu koosi khukhola kali malahi.

1 TIMOTEO 4:12

Mundu yenyekhanga avuli khukhulechelitsa, shichila ushili muvukha; navutswa manyinyi mwiima mulahi khu vasuuvili mulilomoloma liolio, mu mwiima kwokwo mu limenya, mu vuyaanzi vwovwo, mu lisuuvila liolio, khandi mu vunihu vwovwo.

VAEFESO 5:9

shichila vulavu navwo vuleranga vuhinda vwi shia lichesa liosi lilahi, li likhola liu vulunji nende liatoto.

TITO 1:8

Yenyekhanga ave mwinjilitsi wa vacheni, khandi wayaanza khukhola malahi. Yenyekhanga ave unyala khwilinda munjila indahi yene, wi likhola liu vulunji mu likhola, mutakatifu nende mwiima mulahi.

1 YOHANA 3:3

Shia mundu wosi uli ni lisuuvilitswa yili mu Kristo, atsilililanga khwinihitsa mwene, khuli Kristo ali munihu.

1 PETRO 1:22

Lwa muli nunundi vanihu, shichila mulondanga katoto, muve nu vuyaanzi vwatoto khu vasuuvili veshie; muyaanzane vene khuvene nu mwoyo kwosi.

TITO 3:14

Khutukha vandu veru veeche khurumishila vwiyangu vwavo khukhola vikholwa vilahi, khulu khwinyolela vindu viu khuvakhonya mu limenya liavo. Vavuli khumenya limenya li shikhaya, livula vukhonyi vwosi.

VAROMA 13:13

Chendi khumanyinyi mwiima mulahi, khuli vandu va khumenyanga mu vulavu vu mbasu kwi litukhu, khuvuli khukorela mulisieva inoho khutanda, mu shifwavi shiu vuheeyi nende mu shifwavi, mulikwana inoho khushendekha.

TSINGANU 20:7

Mundu wi likhola liu vulunji namenya limenya lilahi, vaana veve vali ni ikhaavi lwa aliitsa khuva niyakhutsa.

YAKOBO 1:27

Idini ya Nyasaye, uli Tata weru ahuchililanga khuva indahi, khandi yatoto nu khulinda vavisandu nende vakhutsakhali mu vutiinyu vwavo; khandi khwilinda mwene munjila indahi khuvula khukoyanyinywa ni vindu viu mu shivala.

1 YOHANA 3:18

Munyi vaana vaanje va nayaanza, vuyaanzi vweru vuvuli khuva vutswa vwa makhuva inoho khwilomolominya khwonyene; navutswa khutukha khumanyinyi vuyaanzi vwa khuli navwo mu vikholwa khandi mu katoto.

TITO 2:2

Voolela vasakhulu vahindila vavuli khuva vavirililu; vave vacheli, khandi vu khwilinda munjila indahi yene; vave ni lisuuvila liatoto, vuyaanzi nende likhutsila.

VAKORINZO 13:7

Navutswa khumusaalilanga khu Nyasaye ndi muvuli khukholakhu shindu shiosi shitamanu. Shikali kamanyinyanga khwakuura tawe; navutswa mukhole ku vulunji, khali niiva khulolekhanga khuli khwakorwa shia shindu shiosi.

VAKOLOSAI 4:5

Muve nu vusitsa munjila ya muvukulilamu vandu vambakhana khusuuvila, numurumishila munjila indahi yene vwiyangu vwosi, vwa muli navwo.

1 PETRO 4:8

Likhuva likali khu koosi, mutsililile nu mwoyo kwosi khuyaanzana vene khuvene, shichila vuyaanzi vwalechelela vwoni vunyishi.

2 SAMWELI 23:3

Nyasaye wa Israeli umali khulomoloma; woyo uli khuli lwanda lulindanga Israeli yambolela, “Mwami wamihanga vandu khuvirila munjila yu vulunji, yamihanga khuha Nyasaye luyali.

VAROMA 13:3

Vamihi shivanyala khutechelitsa vandu vali nu mwiima mulahi tawe; navutswa vatechelitsanga yavo vakholanga vindu vitamanu. Wenyanga uvuli khuriakhu mundu wamihanga? Nu vulahi khukhola malahi khu akhwitsominyi,

TITO 2:14

Yesu Kristo yakhutsa shichila khutsi, khu khuhonyinya khurula mu vwoni vwosi, khandi khukhukhola khuve vandu vanihu veve wonyene, vali nu mwoyo ku khukhola malahi.

VAFILIPI 3:1

Mulimalila, vasuuvili vashianje, mwikhoyele mu Mwami! Shindolakhu nu vutamanu khukalushila khuhandika ka namuhandichila khale tawe; shichila kaliitsa khuva nu vukhonyi khu munyi, niiva niitsa khukhola ndio.

VAROMA 2:29

Navutswa Muyahudi watoto, nu Muyahudi mukari mu mwoyo, nakhwo khuvoola, washevwa mu mwoyo. Yuku nakwo muhinzilu kwa Roho wa Nyasaye, shiukuli nu kwa Malako kahandikwa tawe. Mundu khuli mwenoyo shianyolanga litsominywa khurula khu vandu tawe; navutswa khurula khu Nyasaye.

ISAYA 26:7

Ka vandu vi likhola liu vulunji vakholanga ni maangu; Nyasaye wi likhola lilahi, nivi ukasitsanga ka vakholanga.

TSINGANU 31:31

Utushili khurungwa khurulana khu mihinzilu chiechie, Leshi yitsominyilwi shia havundu hosi shichila mihinzilu chiechie.

1 TIMOTEO 2:2

khulu khukhonya vami nende yavo voosi vali mu vwimilili, khu khumenye limenya li milembe, liu vuhonjelu, liu vutakatifu khandi liu khuha Nyasaye luyali.

1 TIMOTEO 5:10

khandi ave ni yamanyikhana vulahi, shichila vikholwa vievie vilahi: vikholwa viu khutushitsa vaana veve munjila indahi, khwinjilitsa vacheni hango hehe, khukholela Vakristayo veshie mihinzilu munjila yu khwichehitsa, khukhonya vandu mu vutiinyu vwavo, khandi khwirulitsa nu mwoyo kwosi khukhola kali malahi.

LITSUSHITSWA 16:20

Mulonde katoto khandi kilikali konyene vutswa, khu mumenye khandi muvukule shivala shiu Mwami Nyasaye, uli Nyasaye wenyu amuheetsanga mumenyemu.

VAEFESO 6:14

Khulwa yako, musinjile ni tsingulu, khandi mwivohe lukhanda mushisindi mwenyu, luli khuli katoto ka Nyasaye, ni inguvu yu mu shiliru khuli likhola liu vulunji,

1 VATESALONIKE 4:12

Numukhola ndio, vandu vambakhananga khusuuvila vanyala khumuha luyali. Uvuli khuheenza khu mundu wundi amuhe shia mwenyanga.

VAEFESO 4:25

Khulwa yako, nu vulahi shia mulala khu munyi nalekhane na makhuva ku vuvehi; navutswa alomolome katoto khu mureende wewe, shichila khutsi voosi khuli vivelo viu mmbili mulala.

VAKORINZO 6:8

Vandu valala vakhuheetsanga luyali na vandi vakhulekanyinya; vandu valala va khunyekanga na vandi va khwitsominya. Vakhuvukulanga khuli vavehi, navutswa khulomolomanga katoto;

VIKHOLWA 10:22

Vamuchipa, “Mwimilili wa vasikali imia indala imia indala va Varoma, nali Koronelia, ukhurumi. Nu mundu mulahi usaalanga khu Nyasaye; khandi Vayahudi voosi vamuha luyali. Injelosi ya Nyasaye yamuvoolela akhwinjilitsi munzu mwemwe, khu ahulili makhuva ka uvoola.”

YOHANA 7:18

Mundu ulomolomanga khulondokhana khu vunyali vwevwe mwene, achelitsanga khwihaanila vukhumi. Navutswa mundu wenyanga mundu wamuruma amuhe vukhumi nunundi nu watoto; khandi vuvehi vuvulakhu muye.

LUKA 2:25

Mumatukhu kenako, khwaliho nu mundu walaangwangwa Simioni wamenyanga mu Yerusalemi. Yali mundu mulahi, waheetsanga Nyasaye luyali; khandi yalindililanga khuhonyinywa khwa Vaisraeli. Roho Mutakatifu yali naye

MARIKO 6:20

shichila Herode yali waria Yohana Mubatisi, khandi yali wamanya ndi Yohana nu mundu mulahi khandi nu wi likhola liu vulunji. Khulwa yako, yamulindanga vulahi; khandi yali wayaanza khumuhulishitsa, khali niiva yanyakhananga mu mwoyo shia isaa yosi lwa yamuhulishitsanga.

TSINGANU 11:1

Tsilaatili tsiu vuvehi ni shifwavi imbeli wu Mwami Nyasaye, navutswa vipimu viatoto vichilanga ava nu vuyaanzi.

RUTSI 3:11

Navutswa khali nikava ninzi mwiikho wowo watoto, Rutsi, ukhaheenda mwoyo tawe. Nakhukholela shindu shiosi shia wenyanga. Shia mundu wosi wumenyanga mu litaala linu wamanya ndi uli mukhali wu mwiima mulahi.

LUKA 16:15

Navutswa Yesu yavavoolela, “Munyi navo vamwikhola kholanga khuva valunji imbeli wa vandu; navutswa Nyasaye wamanya kali mu mioyo chienyu; shichila vindu via vandu vitsominyanga mu shivala shinu vilolekhanga khuli ni shifwavi imbeli wa Nyasaye.

1 VAKORINZO 4:5

Khulwa yako, muvuli khukhalachilakhu mundu litukhu lienyekhanga nilishili khutukha. Lindilili khutukha lu Mwami Nyasaye aliitsa khwitsa, lwa aliitsa khuvikha mu vulavu shia shindu shiosi shiaviswa mu shisuundi, nu khumanyinya havulavu kali mu mioyo chia vandu. Khulitukhu lienelo, Nyasaye aliitsa khwitsominya shia mundu wosi khuli kenyekhanga.

VIKHOLWA 22:12

“Khwali nu mundu walaangwangwa Anania mu litaala lia Damasika. Yali mundu wali niyihaana nu mwoyo kwosi khulonda ka Malako keru kavoolanga; khandi Vayahudi voosi vamenyayo valomolomanga vindu vilahi khuye.

LWIMBO LULAHI LWENE 5:16

Lilomoloma lielie ni lilahi muno; wanyanzitsa mu shia shindu shiosi. Munyi vakhali va Yerusalemi, wenoyo neye muyaanze wanje khandi mulina wanje.

LIRAANGA 18:19

Mali khumurovola, khu ave ye unyala khwimilila vaana veve nende vitsukhulu veve khulonda makhuva kaanje, nu khukhola likhola liu vulunji khandi katoto. Niiva valiitsa khukhola ndio, niitsa khukholela Aburahamu shia shindu shiosi, shia nali nalaaka niitsa khumukholela.”

1 YOHANA 4:1

Valina vaanje va nayaanza, muvuli khusuuvilakhu shia mundu wosi uvoolaga wanyola Roho wa Nyasaye; navutswa mwenyekhanga murunishitsi munjila indahi khulola niiva Roho wali naye arulanga khu Nyasaye inoho shiarulanga khuye tawe, shichila vaprofeti vanyishi vu vuvehi vasalana shia havundu hosi mu shivala.

1 TIMOTEO 5:2

vashele khuli ni vamama vovo, khandi vakhana vavukha khuli ni vambotso vovo, khurulana khu mwoyo mulahi.

LUKA 23:50

Khwali nu mundu walaangwangwa Yosefu khurula mu litaala lia Arimatseya, mu lusomo lwa Yudeya. Yali mulahi muno khandi mundu wi likhola liu vulunji; yali mulala khu vandu vi shikhaalo shia Vayahudi,

TSINGANU 31:29

Musatsa wewe avoolanga, “Vakhali vanyishi vakhola malahi muno, navutswa yivi uli mulahi khuvira voosi.”

TSINGANU 16:11

Shipimu shiatoto nende tsilaatili ni viu Mwami Nyasaye; machina kukhupimila vulitoho mu visiko koosi nu muhinzilu kwekwe.

TSINGANU 12:4

Mukhali wu mwiima mulahi ali khuli itaachi yu musatsa wewe, navutswa mukhali wi tsisoni khu musatsa wewe ali khuli likuule liu mu vikuumba livula lunyasi.

1 TIMOTEO 3:4

Yenyekhanga ave mundu unyala khwimilila vulahi vwene vandu vi inzu yeye, nu khulomba vaana veve khulonda malako keke, khali vamuhe luyali khuli kenyekhanga.

VIKHOLWA 6:3

Khulwa yako, vasuuvili vashieru, murovole khurula mu munyi vene vandu vasatsa saba vali ni lira lilahi, vitsula Roho Mutakatifu khandi vali nu vusitsa, va khutsitsanga khuha vunyali vu khukhola muhinzilu yuku.

MATAYO 22:16

Varuma khu Yesu valala khu veechi vavo, halala na vandu vu mukaanda kwa Herode. Vavoola, “Mwechitsi, Khwamanya ndi ulomolomanga kilikali. Wechitsanga katoto khu mundu khulondokhana khu lienya lia Nyasaye, vuchila khuheenda mwoyo khu ka vandu vakanakananga, shichila shikakhuheenditsanga niiva mundu ali nu vukhonyi inoho avula tawe.

TSINGANU 31:10

Ni hena wu mukhali mulahi anyala khunyolekha? Nu mulahi muno khuvira machina ku vukuuli vululu muno.

VAHEBRANIA 11:2

Lisuuvila nalio liachila Nyasaye nahuchilila vakuuka veru vamenyanga mumatukhu kakhale.

1 TIMOTEO 3:11

Vakhali vavo khandi venyekhanga vave nu mwiima mulahi; khandi vavuli khumoonyakhu vandi. Venyekhanga vavuli khukhola shindu shiosi khuvira shichelo; navutswa vave vasuuvilwa mu shia shindu shiosi.

VAKORINZO 8:18

Khurumanga halala naye musuuvili wa makanisa koosi kaheetsanga luyali, shichila muhinzilu kwekwe kukhwilwatsa Ivanjeli;

2 SAMWELI 1:23

Saulu nende Yonatsani vali vandu vu khuchenyinya khandi vali vayaanzwa; vali halala mu limenya khandi mu likhutsa liavo; vali vaangu muno khuvira shilitsa, ni tsingulu khuvira tsisimba.

2 PETRO 3:1

Valina vaanje va nayaanza, iyi nayo ibarwa ya khavili yamali khumuhandichila. Mutsibarwa tsivili yitsi, njelitsi khuli nyala khumukhola muve ni tsinganakani tsindahi tsiene, nu khumwitsushitsa makhuva khulondokhana khu vindu vienevo.

TSABURI 82:2

“Nuluhono shina lwa muvukula khukhalachila vandu munjila ikhali yu vulunji nu khuyaanzilila vandu vatamanu?

VAROMA 14:18

Mundu wurumishilanga Kristo munjila khuli iyi, ayaanzitsanga Nyasaye, khandi neye wa vandu vahuchililanga.