VAFILIPI 4:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Milembe chirulanga khu Nyasaye, chiavira limanya liosi liu mundu, chilalinda vulahi mioyo chienyu nende tsinganakani tsienyu khuvirila mu Yesu Kristo.

VAFILIPI 4:7 Iomraidhean Croise

YOHANA 14:27

“Murichilanga munyi milembe. Ni milembe chianje mwene chiamuheetsanga. Shichili khuli milembe chia vandu vu mu shivala vahaananga tawe. Muvuli khunyakhana mu mioyo chienyu inoho khuria.

ISAYA 26:3

Nyasaye, nivi uchilanga vandu vaseletse nivamenya mu milembe; mu milembe shichila vasuuvililanga mu yivi.

2 VATESALONIKE 3:16

Mwami uchilanga nu khuva ni milembe, amuhe milembe khumatukhu koosi, khandi mu shia shindu shiosi. Mwami ave na munyi voosi.

VAKOLOSAI 3:15

Nu vulahi milembe chia Kristo ahaananga khumwimilila mu shia shindu shiosi shia mukanakananga khukhola. Milembe chienecho, nachio chiachila Nyasaye namulaanga halala khuva mmbili mulala. Nu vulahi khusanditsa.

TSABURI 29:11

Mwami Nyasaye aheetsanga vandu veve tsingulu! Mwami Nyasaye avakasitsi vamenye mu milembe.

VAGALATIA 5:22

Navutswa vikholwa virulanga khu Roho nu vuyaanzi, khuyaanza vandi, milembe, likhutsila, mwoyo mulahi, vulahi, vusuuvilwa,

VAROMA 15:13

Nyasaye, uli shirula shi lisuuvilitswa, amukhole khuva nu vuyaanzi vwosi nende milembe khurulana khu lisuuvila lienyu, khu mutsililile khuva ni lisuuvilitswa linyishi khuvirila mu Roho Mutakatifu.

YOHANA 16:33

Muvoolele ndio, khu lwa muli mwinzi, muliva ni milembe. Vandu vu mu shivala shinu valiitsa khuchila munyakhane. Navutswa mwikhutsili! Namala khukuura shivala!”

VAROMA 8:6

Khuvikha tsinganakani khu liiva liu mmbili khuleranga likhutsa; navutswa khwimililwa na Roho khuleranga vulamu nende milembe.

VAROMA 5:1

Lwa khwakholwa khuva valunji imbeli wa Nyasaye khuvirila mu lisuuvila, khuli ni milembe na Nyasaye khuvirila mu Mwami weru Yesu Kristo.

VAEFESO 3:19

khu mumanye khuli vuyaanzi vwevwe vwenovo vwavira vucheli vwosi -- khu muve nu vuseletse vwatoto khuli Nyasaye ali navwo.

ISAYA 48:18

Muva numulondanga malako kaanje, mwakhanyoli tsikhaavi khuli matsi kakholomokhanga mu muchela, khandi mwakhakholi likhola liu vulunji khuli maruundu mu inyanza.

AYUBU 22:21

“Ayubu, nuyaanza yihaane khu Nyasaye, umenye mu milembe; nalwo lwa uliitsa khukholelwa malahi.

VAROMA 14:17

Vwami vwa Nyasaye shiuvulikhuho shichila khulia nu khung'wa tawe; navutswa vuliho shichila likhola liu vulunji, milembe, nende vuyaanzi khuvirila mu Roho Mutakatifu.

ISAYA 48:22

Mwami Nyasaye avoolanga, “Mundu mutamanu avulakhu milembe chia aliitsa khunyola.”

LIKHUNULILWA 1:4

Inzi Yohana, mbandichilanga makanisa saba kali mu lusomo lwa Asia: Tsimbavasi nende milembe chirulanga khu Nyasaye, uliho nunundi, waliho, khandi uliitsa khwitsa, khandi khurula khu miroho saba chili imbeli wi shisoko shieshie shiu vwami, vive na munyi;

LUKA 1:79

khandi vwashili yavo voosi vamenyanga mu shisuundi shi likhutsa, khu khwimilila khuvirila munjila ileranga milembe.”

VAKORINZO 13:11

Lukhumalilikha, vasuuvili vashianje, nyoli milembe chiu khuheelishitsana! Lunjishitsi mwiima kwenyu. Muhulishitsi makhuva kaanje ka namuvoolela; muhulishitsane vene khuvene; khandi mumenye mu milembe. Nyasaye uhaananga vuyaanzi khandi uchilanga milembe nichivaho, aliitsa khuva na munyi.

LIVALITSWA 6:26

Mwami Nyasaye amukholele malahi khandi mumenye mu milembe.’ ”

LUKA 2:14

“Vukhumi vuve khu Nyasaye ikulu mwikulu, na milembe mu shivala khu vandu va yayaanza!”

TSABURI 85:8

Mbulilanga makhuva ku Mwami Nyasaye avoolanga; akhulaakanga khunyole milembe, khutsi va khuli vandu veve mwene, niiva khulalekha khuva vayiingwa khuli khwavetsanga.

VAFILIPI 4:9

Mure mu vikholwa shia shindu shiosi, shia mweka khandi numuhulila khurula khwinzi. Shia shindu shiosi, shia mwahulila khandi numulola nikholanga. Nyasaye uchilanga nu khumenya mu milembe, aliitsa khuva na munyi.

TSINGANU 6:22

Mechitso kavo kaliitsa khukhwimilila nuli khu luchendo, lwa uliitsa khuva nuli mu tsindolo, kaliitsa khukhuchelihitsa mbasu mu mavwevwe, numali khuvukha.

ISAYA 26:12

Yivi Mwami Nyasaye, wachila khumenyanga mu milembe, toto, ka khwakhola koosi, nivi wakhukholela.

TSINGANU 4:6

Uvuli khulekhakhu vusitsa; navwo vulakhulinda; Uvuyaanze, navwo vulakhushinga.

VAROMA 1:7

Khulwa yako, mbandichilanga munyi voosi, vamuli mu litaala lia Roma, va Nyasaye yayaanza, khandi namulaanga khuva vandu veve mwene. Nyasaye, uli Tata nende Mwami weru Yesu Kristo vamulolele tsimbavasi khandi vamuhe milembe.

TSINGANU 2:11

Vucheli vwovwo vuliitsa khukhulonda; limanya liliitsa khukhulinda;

NEHEMIA 8:10

Nalwo lwa Ezira yavavoolela, “Ruli hanu mutsi havundu ha mwenyi. Mwenyekhanga muve numuliitsanga vivana nu mung'wa idivai inuulu; khandi muheekhu vandu vavula shia valia; shichila nalio litukhu litakatifu khu Mwami Nyasaye, uli Nyasaye weru. Muvuli khuvelela khu mu mwoyo, shichila vuyaanzi vu Mwami Nyasaye, navwo vuchilanga numunyola tsingulu.”

YEREMIA 33:6

“Khali ndio, niitsa khuchila vandu vi litaala likali yili valinyola vulamu khandi valihona. Niitsa khuvahonyinya, khandi vakhole vamenye mu vulindi vulahi nu khuva vahinda.

ISAYA 45:7

Nombanga vulavu nende shisuundi; njilanga vandu vanyola tsikhaavi nende matiinyu. Ninzi Mwami Nyasaye wu kholanga vindu yivi viosi.

VAHEBRANIA 13:20

Nyasaye uchilanga milembe nichivaho, wisimushitsa khurula mu likhutsa Mwami weru Yesu Kristo, Mwayi mukali wa makondi, khuvirila mu masahi kahambanyinyanga lilakano li mihika ni mihika,

AYUBU 34:29

Navutswa niiva Nyasaye anyala khuhonjela, ni viina unyala khumukhalachila? Naleshi khukholakhu shindu, ni viina unyala khuvoola akholanga shindu shitamanu? Niiva anyala khwivisa, ni viina unyala khumulola? Nikhali neye ulindanga shivala nende vandu voosi,

LIKHUNULILWA 2:17

“Mundu uli na maroyi ku khuhulila, lekha ahulishitsi ka Roho avoolelanga makanisa! “Yavo valiitsa khukuura, niitsa khuvaha shiukhulia shiaviswa shia maana. Niitsa khuha shia mulala khuvo lichina lilavu liene liahandikwakhu lira liyia liu mundu avulakhuho wamanya, navutswa liliitsa khumanyikhana vutswa khu mundu uliitsa khunyola lichina lienelo.

YUDA 1:1

Ninzi Yuda, murumishi wa Yesu Kristo, nindi amwavo Yakobo. Mbandichilanga vandu va Nyasaye yalaanga, vali mwoyo khuvirila mu vuyaanzi vwa Nyasaye, uli Tata, khandi mu vulindi vwa Yesu Kristo.

VAFILIPI 1:2

Nyasaye, uli Tata weru nende Mwami Yesu Kristo vamulolele tsimbavasi, khandi vamuhe milembe.

YEREMIA 32:16

Ninakhahaana inamba yu mulimi kwenoko khu Baruku mwana wa Neria, nasaala khu Mwami Nyasaye, nimbola,

VAKORINZO 10:5

khwononyinyanga shisikaritsu shiukhwilola shihinganyinyanga vucheli vurulanga khu Nyasaye; khandi khukalukhanyinyanga vandu vakanakane khuli Kristo yenyanga.

VAFILIPI 1:1

Ninzi Paulu nende Timoteo, nu khuli varumishi va Yesu Kristo. Khuhandichilanga vandu va Nyasaye voosi vamenyanga mu litaala lia Filipi, vali mu vulala na Yesu Kristo, nu khumeetakhu Vabishopu nende Vatikoni.

VAFILIPI 4:19

Nyasaye wanje aliitsa khumuha shia shindu shiosi shia mwenyanga khurulana khu vunyishi vu vuhinda vwevwe khuvirila mu Yesu Kristo.

VAFILIPI 4:21

Muhaane milembe khu vandu va Nyasaye voosi mu Yesu Kristo. Vasuuvili vamenyi navo hanu vamuheele milembe chiavo.