VAFILIPI 4:4 - IBIBILIA INDAKATIFU MU LUTIRICHI LWITAKHO NENDE LWISUKHA

⁴ Mwikhoyele mu Mwami shia khase khosi. Ngalushilanga khuvoola: Mwikhoyele!

VAFILIPI 4:4 Iomraidhean Croise

VAROMA 12:12

Mwikhoyele lisuuvilitswa lienyu, mwikhutsili mu matiinyu, khandi mutsililile khusaala.

VAFILIPI 3:1

Mulimalila, vasuuvili vashianje, mwikhoyele mu Mwami! Shindolakhu nu vutamanu khukalushila khuhandika ka namuhandichila khale tawe; shichila kaliitsa khuva nu vukhonyi khu munyi, niiva niitsa khukhola ndio.

MATAYO 5:12

Khulwa yako, muve nu vuyaanzi numusangala, shichila mwavishilwa mwikulu murungu mukali. Nindio khandi vatambitsanga vaprofeti valiho imbeli wenyu.

1 PETRO 4:13

Navutswa musangale, shichila musanganga mu linyakhana lia Kristo, khu nu muve nu vuyaanzi vunyishi, lwa vukhumi vwevwe vuliitsa khumanyinywa.

TSABURI 146:2

Niitsa khwitsominya Mwami Nyasaye khumatukhu koosi kashili mwoyo; nishili mwoyo niitsa khwitsominyila Nyasaye wanje mu lwimbo.

VIKHOLWA 16:25

Navutswa himbi mu vutukhu hakari, lwa Paulu nende Sila vali nivasaalanga nivimba tsinyimbo tsiu khwitsominya Nyasaye; vavohe vandi va vahulishitsanga.

VIKHOLWA 5:41

Lwa Varumwa varula imbeli wi Shikhaalo, vali nu vuyaanzi, shichila vali vatushili khunyakhana nu khukholelwa tsisoni, shichila lira lia Yesu.

VAGALATIA 1:8

Navutswa, khali niiva ni vanga khutsi inoho indala khu tsinjelosi khurula mwikulu, inyala khumwilwatsila Ivanjeli yu lukanu lundi khuvira ya khwilwatsa khu munyi, nu vulahi nalaamilwi!

TSABURI 33:1

Munyi vamuli vandu vi likhola liu vulunji, mwikhoye mu Mwami Nyasaye! Mumwitsominye, shichila muli vandu vi mioyo milahi.

HABAKUKU 3:18

niitsa khwikhoyela mu Mwami Nyasaye, niitsa khuyaanzilila mu Nyasaye uchilanga nimbonyinywa.

VAKORINZO 6:10

Khali niiva vakhuvelelitsanga, khusangalanga shia khase khosi. Khulolekhanga khuli vamanani, navutswa khulombanga vandu vanyishi khuva vahinda. Khulolekhanga khuvulakhu shindu shiosi, navutswa katoto khuli ni vindu mu vunyishi.

VAFILIPI 2:18

Khulwa yako, khali munyi khandi khutukha musangale, khandi mwikhoye ninzi.