VAFILIPI 4:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Khali yivi khandi, muhinzili washianje musuuvilwa, nyenyanga ukhonye vakhali yava; shichila vakhola mihinzilu ni tsingulu ninzi khwilwatsa Ivanjeli, khali Kilementi nende vahinzili vashianje vandi voosi, va mira kavo kahandikwa mu shitabu shiu vulamu.

VAFILIPI 4:3 Iomraidhean Croise

LIKHUNULILWA 13:8

Vandu voosi vamenyanga mu shivala, valiitsa khusaala khu kunani, navutswa yavo, va mira kavo kali nikahandikwa, shivala nishishili khulongwa mu shitabu shia vandu valiitsa khunyola vulamu vwi Shimeme shi Likondi shiali nishiirwa, navo valiitsa khuvula khusaala khukwo.

LIKHUNULILWA 3:5

Yavo valiitsa khukuura valiitsa khukholwa khuva vanihu, khandi shiniitsa khurulitsa mira kavo mu shitabu shia vandu vali nu vulamu tawe. Niitsa khuvoola havulavu imbeli wa Tata wanje nende tsinjelosi tsietsie ndi navo vandu vaanje.

LUKA 10:20

Navutswa muvuli khusangala shichila matimoni kamuhulilanga, nikhali musangale shichila mira kenyu kahandikwa mwikulu.”

VAFILIPI 1:27

Shindu shikali shili ndi khutukha mumenye khulondokhana khuli Ivanjeli ya Kristo yenyanga; khu khali niiva nyala khwitsa inoho mbuli khwitsa khumulola, nilihulila ndi mwasinjila ni tsingulu mu liiva lilala khandi muli ni likomba liu khukhola halala mihinzilu; shichila lisuuvila lirulanga khu Ivanjeli.

LIKHUNULILWA 21:27

Navutswa shindu shiosi shioneshe, inoho mundu wu kholanga vindu vi shifwavi inoho avoolanga vindu viu vuvehi shiviliitsa khwinjila mu litaala likali lienelo tawe. Yavo vonyene vutswa va mira kavo kahandikwa mu shitabu shi Shimeme shi Likondi, vulamu khunyola navo valiitsa khwinjila mu litaala likali lienelo.

LIKHUNULILWA 17:8

Kunani kwa walola, kwaliho, nunundi kuvulaho, khandi kuliitsa khurula mu shihatisi khutsia khutivitswa. Vandu vamenyanga khulilova, va mira kavo kashili khuhandikwa mu shitabu shia vandu valiitsa khunyola vulamu khurula shivala nishishili khuloongwa, valiitsa khuchenya lwa valiitsa khulola kunani; shichila kwaliho, nunundi kuvulaho, navutswa kuliitsa khwitsa.

VAFILIPI 4:2

Eyodia nende Sintike, musayanga numuyaanza muhulishitsane khuli vasuuvili mu Mwami.

VAROMA 16:12

Muhaane milembe chianje khu Turufena nende Turufosa, vakholanga muhinzilu ku Mwami; khandi khu mulina wanje wa nayaanza Perisi, wakhola ni tsingulu tsiosi muhinzilu ku Mwami.

VAROMA 16:9

Muhaane milembe khandi khu Uribanu, uli murumishi washianje mu muhinzilu kwa Kristo; khandi khu Sitaku, uli mulina wanje wa nayaanza.

VAROMA 12:1

Khulwa yako, vasuuvili vashianje, musayanga numuyaanza, khuvirila khu tsimbavasi tsia Nyasaye mwihaane ni mivili chienyu khuli shihanwa shiu musango kuli mwoyo khu Nyasaye, kuli mutakatifu khandi kumuyaanzitsanga. Nakhwo khusaala khwatoto khuye.

TSABURI 69:28

Saalanga ndi mira kavo karulitswi mu shitabu shiu vulamu khandi vavuli khuvalitswa mu vandu vi likhola liu vulunji.

KHURULA 32:32

Nuyaanza vasemehe khurula mu vwoni vwavo; navutswa niiva unyala khwambakhana khuvasemeha, rulitsa lira lianje mu shitabu shia wahandikamu mira ka vandu vovo.”

LIKHUNULILWA 20:12

Nalola vandu vakhutsa, vakali khu vati, nivasinjile imbeli wi shisoko shiu vwami. Vitabu vikulwa, ma shitabu shindi nishikulwa, nishili shitabu shia vandu valiitsa khunyola vulamu. Vandu vakhutsa vakhalachilwa khulondokhana khu ka vali nivakhola, khuli kali nikahandikwa mu vitabu vienevo.

VAKOLOSAI 1:7

Mweka makhuva khulondokhana khu tsimbavasi tsia Nyasaye khurula khu Epafura, nali murumishi washieru wa khwayaanza, muhinzili musuuvilwa wa Kristo wu kholanga muhinzilu havukono heru.

LIKHUNULILWA 20:15

Shia mundu wosi, wi lira lielie lishili khuhandikwakhu mu shitabu shia vandu valiitsa khunyola vulamu, yasiuvwa mu inyanza yu mulilu.

EZEKIELI 13:9

Niitsa khusalilitsa vaprofeti valolanga malolo ku vuvehi, khandi vaprofeta vuvehi. Vaprofeti venavo valiitsa khuvula khwikhala mu shikhaalo shia vandu vaanje inoho khuvalitswa mu Vaisraeli, inoho khwinjilakhu mu shivala shia Israeli. Nalwo lwa muliitsa khumanya ndi ninzi Mwami Nyasaye.

ISAYA 4:3

Woyo wosi uliitsa khurikala mu Sayoni, nakhwo khuvoola mu Yerusalemi aliitsa khulaangwa mutakatifu; shia mundu wosi uliitsa khuva nashili mwoyo mu Yerusalemi.

VAFILIPI 1:5

khulondokhana khuli mwakhonya khwilwatsa Ivanjeli, khurula khulitukhu liu khuraanga khutukha nunundi.

VAFILIPI 1:7

Mwanyanzitsa muno! Nu vulahi muno khwinzi khumukanakanila, khuli nganakananga khulondokhana khu munyi. Munyi voosi musanganga ninzi mu tsimbavasi tsia Nyasaye yamba, khali nunundi, lwa navohwa mucheela khandi lwa ndi muvoholole khumanyinya havulavu ndi Ivanjeli ni yatoto, khandi khulomba vandu khusuuvila mu likhuva lia Ivanjeli ivoolanga.

VAFILIPI 1:12

Vasuuvili vashianje, nyenyanga mumanye nunundi ndi katoto vindu viakholekha khwinzi, viakhonyanila khwilwatsa Ivanjeli.

VAFILIPI 1:16

Yava vakholanga ndio khurulana khu vuyaanzi; shichila vamanya ndi navikhwaho khumanyinya Ivanjeli ni yatoto.