VAFILIPI 4:11 - IBIBILIA INDAKATIFU MU LUTIRICHI LWITAKHO NENDE LWISUKHA

¹¹ Shinyala khuva mbolanga ndio, shichila nyenyanga mukhonye tawe; navutswa nayinalitsa mwiima ku khwikhutsila mushitititi shiandi nashio.

VAFILIPI 4:11 Iomraidhean Croise

VAFILIPI 3:8

Shivinyala khuva ni vindu vienevo vionyene vutswa tawe; navutswa mbaliitsanga vindu viosi khuvula khuva shindu khwinzi, shichila yeshio shili nu vukhonyi muno, nuvuli vucheli vu khumanya Mwami wanje Yesu Kristo. Nalekha khukhola vindu viosi shichila ye; vivalitsanga viosi khuli nu vuchiafu, khu nyole Kristo

VAKORINZO 9:8

Nyasaye ali nu vunyali vu khumuha mu vunyishi khuvira via mwenyanga, khu shia khase khosi muve ni shia shindu shiosi shia mwenyanga khandi vinyishi khuvirana shichila muhinzilu mulahi.

VAKORINZO 6:10

Khali niiva vakhuvelelitsanga, khusangalanga shia khase khosi. Khulolekhanga khuli vamanani, navutswa khulombanga vandu vanyishi khuva vahinda. Khulolekhanga khuvulakhu shindu shiosi, navutswa katoto khuli ni vindu mu vunyishi.

VAKORINZO 8:9

Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.

VAHEBRANIA 10:34

Mwanyakhana halala na vandu vali nivavohwa mucheela; khandi lwa vamuyaaya vindu vienyu viosi, mwasangala nu mwikhutsila, shichila mwali mwamanya mushili ni shindu shindi shilahi shiene, shiliitsa khuvaho mihika ni mihika.

VAKORINZO 11:27

Nakhola muhinzilu ni tsingulu khandi ninyakhana khumatukhu manyishi vuchila khukonakhu tsindolo. Namenya inzala nimba nu vuluhu khumatukhu manyishi vuchila khuliakhu shiukhulia shiosi. Shinali na havundu hanyala khukona nende tsinguvu tsiu khwifwala tawe.

LUKA 3:14

Vasikali valala vamureeva khandi, “Khali khutsi, ni shina shia khunyala khukhola?” Yohana yavachipa, “Muvuli khurumishilakhu tsingulu khunuula mundu tsisenti inoho vuvehi khuvoola shindu shitamanu shichila mundu wosi. Navutswa muhuchilile murungu kwenyu.”

LIRAANGA 28:20

Khulwa yako, Yakobo yisuuha imbeli wu Mwami Nyasaye, navoola, “Niiva ulava ninzi nu khutsililila khuninda khu luchendo lwanje lwa njendanga, khandi umbee shiukhulia shiandia nende tsinguvu tsiu khwifwala,

KHURULA 2:21

Musa yahuchilila khumenyayo, ma Yetsero namuha mwana wi shikhana wewe walaangwangwa Zipora, ave mukhali wewe.