VAFILIPI 4:1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Khulwa yako, vasuuvili vashianje, mwanyanzitsa khandi ndi namahulu ku khumulolakhu! Munombanga mba nu vuyaanzi, nu khwilola shichila munyi! Vasuuvili vashianje va nayaanza, nindio khandi mwenyekhanga musinjile ni tsingulu mu limenya lienyu mu Mwami.

VAFILIPI 4:1 Iomraidhean Croise

VAFILIPI 1:27

Shindu shikali shili ndi khutukha mumenye khulondokhana khuli Ivanjeli ya Kristo yenyanga; khu khali niiva nyala khwitsa inoho mbuli khwitsa khumulola, nilihulila ndi mwasinjila ni tsingulu mu liiva lilala khandi muli ni likomba liu khukhola halala mihinzilu; shichila lisuuvila lirulanga khu Ivanjeli.

1 VAKORINZO 16:13

Muve vacheli. Mutsililile khusinjila ni tsingulu mu lisuuvila lienyu. Muve vandu vali ni ikholo khandi tsingulu.

VAFILIPI 2:16

lwa muvavoolelanga likhuva lihaananga vulamu. Niiva muliitsa khukhola ndio, niitsa khuva ni shivune shinyala khukhola nzilole, shichila munyi Khulitukhu lia Kristo aliitsa khukalukha; shichila kaliitsa khumanyinya ndi tsingulu tsianje nende muhinzilu kwanje shiukwali kwi shikhaya tawe.

TSABURI 27:14

Usuuvilile mu Mwami Nyasaye. Uve ni tsingulu, uvuli khurimukha ikholo! Ni kilikali, ure lisuuvilitswa liolio mu Mwami Nyasaye.

1 VAKORINZO 15:58

Khulwa yako, vasuuvili vashianje va nayaanza, mutsililile khusinjila ni tsingulu nu khulekha khuhaya haya. Muvuli khukoyanyinywa! Shia khase khosi mutsililile khukhola ni tsingulu muhinzilu ku Mwami, shichila mwamanya vulahi ndi muhinzilu kwosi kwa mukholanga mu Mwami, shiukuliitsa khuva kwi shikhaya tawe.

VAFILIPI 1:8

Nyasaye neye mushiahidi wanje ndi muvoolelanga kilikali, lwa mbolanga ndi vuyaanzi vwanje vwa ndi navwo khu munyi vurulanga mu mwoyo kwa Kristo mwene.

VAHEBRANIA 10:23

Leshi khumenya khulondokhana khu lisuuvilitswa lia khwiyema, shichila Nyasaye walaaka aliitsa khurweshitsa lilaaka lielie, neye musuuvilwa.

VAROMA 2:7

Vandu vachelitsanga khukhola malahi khuvirila mu vwikhutsili, nivakhava khuheelwa vukhumi, luyali, khandi khuvula khukhutsa, navo va Nyasaye aliitsa khuha vulamu vwi mihika ni mihika.

YOHANA 8:31

Yesu yavoolela Vayahudi vali nivasuuvila muye, “Niiva mulatsililila khulonda mechitso kaanje, katoto muli veechi vaanje.

2 TIMOTEO 2:1

Navutswa yivi, khuli luli mwana wanje, uve ni tsingulu khuvirila mu tsimbavasi, tsia khuli natsio mu Yesu Kristo.

VAFILIPI 2:26

Yikombanga nu mwoyo kwosi khumulolakhu munyi voosi; khandi avula vuyaanzi vwosi muye, shichila mwahulila nu mulwale muno.

VAKORINZO 1:14

khuli mumanyikhu hatititi. Muliitsa khwilola shichila khutsi, khuli khutsi khwilolelanga munyi Khulitukhu liu Mwami Yesu aliitsa khukalukha.

VIKHOLWA 11:23

Lwa Baranaba yatukhayo nalola khuli Nyasaye yali nalolele vandu tsimbavasi, yasangala navatinyilitsa voosi, khu vatsililile khuva vasuuvilwa khandi vatoto khu Mwami nu mwoyo kwosi.

VIKHOLWA 2:42

Vamala vwiyangu vwavo vwosi khuhulishitsa mechitso ka varumwa veechitsanga, nivakana halala, khandi nivasanga shiukhulia nu khusaalila halala.

TSABURI 125:1

Yavo vasuuvililanga mu Mwami Nyasaye vali khuli Shikulu shia Sayoni, shinyala khuvula khusuundiwa, navutswa shiliho mihika ni mihika.

2 PETRO 3:17

Khulwa yako, munyi valina vaanje va nayaanza, lwa mumanyi khale vindu vienevo, muve vacheli. Nikakhavele kario, munyala khukoyanyinywa na vandu vakholanga vindu vitamanu, nu khukoritsa vwiyangu vwenyu vulahi vwamulimu.

VAHEBRANIA 4:14

Khulwa yako, lwa khuli nu Mukali wa vasalisi voosi watsia natukha mwikulu, uli Yesu, nali Mwana wa Nyasaye, nu vulahi nu khusinjile ni tsingulu khu lisuuvila lia khwiyema.

VAHEBRANIA 3:14

shichila khutsi voosi khusanganga mu Kristo, niiva khulatsililila khusinjila ni tsingulu mu lisuuvila lia khwaraanga nalio khutukha mulimalilikha.

2 VATESALONIKE 2:15

Khulwa yako, vasuuvili vashieru, musinjile ni tsingulu, khandi mutsililile khumenya khulondokhana khu katoto ka khwamwechitsa, kave ni ka khwilwatsa inoho ka mweka khuvirila mu ibarwa yeru.

VAKOLOSAI 4:12

Apafura, nali mulala khu munyi khandi murumishi wa Yesu Kristo, umuheele milembe chiechie. Wamenya namusaalilanga ni tsingulu, nareevanga Nyasaye amukhole khusinjila ni tsingulu, khulondokhana khu lienya lielie liatoto, khuli vandu vahindila mu lisuuvila khandi vamanyi shia vakholanga.

VAGALATIA 5:1

Kristo wa khuvoholola, khulu khwenya khuve vavoholole! Sinjili ni tsingulu khuli vandu vavoholole. Muvuli khukwa khandi khuli varukwa va Malako.

VIKHOLWA 14:22

nivaheetsanga vasuuvili tsingulu nu khuvatinyilitsa vatsililile khumenya mu lisuuvila. Vaveechitsa, “Khuvirili mu vutiinyu vunyishi khu khwinjile mu Vwami vwa Nyasaye.”

1 VATESALONIKE 3:13

Khusaalanga ndi amuhe tsingulu mu mioyo chienyu, khulu khuva vaseletse mu vutakatifu imbeli wa Nyasaye, uli Tata weru, lwa Mwami weru Yesu aliitsa khukalukha nende vatakatifu veve voosi.

MATAYO 10:22

Vandu voosi valiitsa khumuhima shichila inzi; navutswa mundu uliitsa khuva mwitsumishitsi khutukha lukhumalilikha aliitsa khuhonyinywa.

AYUBU 31:36

Vwakhavele vulahi ninzifwali khu maveeka kaanje, inoho khuvira khu murwi kwanje khuli itaachi.