VAFILIPI 3:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ nu khutsililila khuva muye, vuchila khwikhola khuva wi likhola liu vulunji mwene shichila Malako; navutswa yovo vurulananga khu lisuuvila mu Kristo -- likhola liu vulunji lirulanga khu Nyasaye khandi lirulananga khu lisuuvila.

VAFILIPI 3:9 Iomraidhean Croise

VAKORINZO 5:21

Kristo yaliho vuchila khukholakhu vwoni vwosi, navutswa Nyasaye wamulomba asanje mu vwoni vweru shichila khutsi, nikanyalikha khuvirila mu Kristo khusanje mu likhola liu vulunji vurulanga khu Nyasaye.

1 VAKORINZO 1:30

Nyasaye neye shirula shiu vulamu vwenyu mu Yesu Kristo, wa mwene yalomba khuva vusitsa vweru. Khukholwangwa khuvirila muye khuva valunji imbeli wa Nyasaye, khuva vatakatifu khandi vavoholole.

VAGALATIA 2:16

Navutswa khwamanya ndi mundu akholwangwa khuva wi likhola liu vulunji imbeli wa Nyasaye khuvirila mu lisuuvila mu Yesu Kristo; shikanyala khuva khukhola ka Malako kenyanga tawe. Khali khutsi khandi, khwasuuvila mu Yesu Kristo, khu khukholwi khuva valunji imbeli wa Nyasaye khuvirila mu lisuuvila lieru mu Kristo; shikanyala khuva nu khukhola ka Malako kenyanga tawe. Mundu avulakhuho unyala khukholwa khuva wi likhola liu vulunji imbeli wa Nyasaye, shichila akholanga ka Malako kenyanga.

VAROMA 8:1

Khulwa yako, vandu vali mwoyo nunundi mu Yesu Kristo, valiitsa khuvula khukhalachilwa;

VAROMA 1:17

Ivanjeli imanyinyanga makhuva khulondokhana khuli Nyasaye akholanga vandu khuva valunji imbeli wewe: nu khuvirila mu lisuuvila khurula muliraanga khutukha mulimalilikha. Khuli Mahandiko Matakatifu kavoolanga, “Mundu wa Nyasaye akholi khuva wi likhola liu vulunji, neye uliitsa khuva mwoyo khuvirila mu lisuuvila.”

ISAYA 53:11

Mwami Nyasaye avoolanga, “Namali khuvirila mu linyakhana, aliitsa khuva nu vuyaanzi; aliitsa khumanya ndi shiyanyakhananga shikhaya tawe. Murumishi wanje wihaana nu mwoyo kwosi, wa nayaanzitswa naye, aliitsa khwitiukha lisalilitswa lia vandu voosi khandi niitsa khuvasemeha shichila ye.

YEREMIA 33:16

Mumatukhu kenako, nalwo lwa vandu va Yuda valiitsa khuhonyinywa; khandi vandu vamenyanga mu litaala likali lia Yerusalemi valimenya mu vulindi vulahi. Litaala likali lienelo, liliitsa khulaangwa ‘Vuhonyinyi vweru vurulanga khu Mwami Nyasaye.’

TITO 3:5

yakhuhonyinya. Shikanyala khuva yakhuhonyinya khulondokhana khu vikholwa vilahi, via khwali nukhukholi tawe; navutswa shichila tsimbavasi tsietsie mwene, tsiachila nakhuhonyinya, khuvirila mu Roho Mutakatifu, uchilanga nu khwivulwa vuyia, khandi nu khuva nu vulamu vuyia lwa akhwochitsanga.

2 TIMOTEO 1:9

Nyasaye yakhuhonyinya khutsi, manakhulaanga mwene khuve vandu veve; shikanyala khuva khulondokhana khu vikholwa, via khwali nu khukholi tawe, navutswa khulondokhana khu lienya lielie nende tsimbavasi. Nyasaye yakhulolela tsimbavasi tsienetso khuvirila mu Yesu Kristo, khali vindu nivishili khuraanga khuvaho;

VAKORINZO 5:17

Niiva mundu ali mu Kristo, ali khuli shindu shiyia; vukhulu vuruliho, vuyia vwakhanyolekha.

VAFILIPI 3:6

khandi nali nayaanzilila khutambitsa likanisa. Khuli mundu anyala khukholwa khuva wi likhola liu vulunji, lwalondanga ka Malako kenyanga, mbulakhu vutamanu vwosi.

VAROMA 10:10

Mundu asuuvilanga mu mwoyo kwekwe, nu khukholwa khuva wi likhola liu vulunji imbeli wa Nyasaye; yiyemanga mulilomoloma lielie nu khuhonyinywa.

VAROMA 8:3

Nyasaye yakhola ka malako kakhaywa khukhola, shichila liiva liu mmbili liali nu vuteteshele. Nyasaye yakhalachila vwoni mu liiva liu mmbili, lwa mwene yaruma Mwana wewe, khwitsa mu liiva khuli liiva liu vwoni liu mundu, khurulitsaho vwoni.

YEREMIA 23:6

Mumatukhu ka nave niyamihanga, vandu va Yuda valiitsa khuhonyinya; khandi Vaisraeli valiitsa khumenya mu vulindi vulahi. Mwitsukhulu mwenoyo aliitsa khulaangwa, ‘Mwami Nyasaye neye likhola liu vulunji lieru.’

MWILWATSI 7:20

Ni kilikali, mundu wi likhola liu vulunji avulakhuho mu shivala shinu wu kholanga malahi, nu khulekhana nu vwoni.

MATAYO 9:13

Simushi mutsi murunishitsi vulahi vwene ka Mahandiko Matakatifu yaka kavoolanga, ‘Nyenyanga tsimbavasi, navutswa musango tawe.’ Shikali niitsa khulaanga vandu vi likhola liu vulunji tawe, navutswa vandu vooni.”

ISAYA 53:6

Khutsi voosi khwakora khuli makondi, shia mulala khu khutsi wakoyana; navutswa Mwami Nyasaye neye wamutiukha vutamanu vweru vwosi.

TSABURI 143:2

Uvuli khumbikha inzi murumishi wowo mu machelitso; shichila mundu wi likhola liu vulunji avulakhuho imbeli wowo.

TSABURI 19:12

Navutswa ni viina unyala khulola vutamanu vwevwe mwene? Mwami Nyasaye, ndulitsa mu vutamanu vwaviswa.

TSABURI 14:3

Navutswa voosi vayambakhana khuva vasuuvilwa; vandu venavo vakoyana. Mundu avulakhuho khali mulala khuvo wu kholanga kali malahi, khali mulala khuvo avulakhuho.

2 TSINYINGA 32:25

Navutswa Mwami Hezekia yali mwiloli khuvirana khali niyambakhana khusanditsa Mwami Nyasaye khurulana khu ka yali namukholele. Khulwa yako, matiinyu kamukwila ye mwene, Yuda nende Yerusalemi khurulana khu kenako.

1 VAMI 8:46

“Lwa vandu vovo vakholela yivi vwoni -- shichila mundu avulakhuho wakhakhola vwoni -- ma uvalolele vurima nu khulekha vatsiku vavo khuvakuura, khandi khuvahila khuva vavohe mu shivala shindi, khali niiva shivala shienesho shili ihale wene inoho himbi;

LIRAANGA 7:23

Mwami yiira vilombe vili mwoyo viosi mu shivala -- vandu, tsinyama, na manyonyi. Vandu vayarika vonyene vali Nuhu nende yavo vali nivali naye mu liaro.

1 YOHANA 3:4

Shia mundu wosi wu kholanga vwoni, amenekanga malako ka Nyasaye; shichila khukhola vwoni nakhwo khumeneka lilako.

2 PETRO 1:1

Ninzi Simoni Petro, murumishi khandi murumwa wa Yesu Kristo. Mbandichilanga munyi vamuli ni lisuuvila lilahi lilala liene, khuli lia khuli nalio khuvirila mu likhola liu vulunji vurulanga khu Nyasaye weru nende Muhonyinyi Yesu Kristo.

YAKOBO 3:2

Khutsi voosi khwamenya nukholanga vindu vitamanu. Navutswa niiva mundu anyala khuvula khukholakhu shindu shitamanu shiosi mulilomoloma lielie, mundu mwenoyo nu museletse khandi anyala khwilinda mwene munjila indahi.

VAHEBRANIA 6:18

Nyasaye shianyala khuvoola vuvehi tawe! Lilaaka nende lisuuha lielie, ni vindu vivili vinyala khuvula khukalukhanyinywa. Khwilushilanga mu Nyasaye, khu khumenye mu milembe. Lilaaka lielie lienyekhanga khutinyilitswa, khu khunyole khuvirila mu lisuuvilitswa shindu shili imbeli weru.

VAROMA 16:7

Muhaane milembe khandi khu Andulonika nende Yunia, nivali Vayahudi vashianje va khwavohwa navo mucheela. Ni vandu vamanyikhana muno mu varumwa; khandi navo vali vu khuraanga khuva Vakristayo inzi nishili.

VAROMA 5:21

Khulwa yako, lwa vwoni vwamiha khuvirila mu likhutsa, nindio khandi tsimbavasi tsia Nyasaye, tsiamihanga khuvirila mu likhola liu vulunji khutukha mu vulamu vwi mihika ni mihika khuvirila mu Mwami weru Yesu Kristo.

ISAYA 46:13

Nderanga vwangu yuvu litukhu liu khumuhavina; liliitsa khuvula khucheleva. Niitsa khuhonyinya litaala likali lia Sayoni, shichila Israeli, uchilanga nimbelwa vukhumi.”

ISAYA 6:5

Nalila nimbola, “Wooyi! Inzi ndi khu vutiinyu; shichila ndi mundu wayaanza khulomoloma makhuva matamanu, khandi menyanga mu vandu valomolomanga makhuva matamanu; inzi mwene mali khulola ni tsimoni tsianje Mwami Nyasaye, uli Mwami Nyasaye wi Mikaanda Chiliihe.”

2 TSINYINGA 32:31

Khali lwa vandu varumwa mu litaala lia Babilonia khwitsa khurunishitsa makhuva shichila shiloleshitsu shiali nishikholeshe mu shivala shienesho, Nyasaye yalekha Hezekia khukhola ka mwene yenyanga khuchelitsa mwiima kwekwe, nu khumanya kali nako mu mwoyo kwekwe.

LITSUSHITSWA 27:26

“‘Shilaamo shikwili mundu wambakhananga khulonda makhuva kahandikwa khulondokhana khu malako.’ “Vandu voosi valiitsa khuchipa, ‘Amina!’