VAFILIPI 3:8 - IBIBILIA INDAKATIFU MU LUTIRICHI LWITAKHO NENDE LWISUKHA

⁸ Shivinyala khuva ni vindu vienevo vionyene vutswa tawe; navutswa mbaliitsanga vindu viosi khuvula khuva shindu khwinzi, shichila yeshio shili nu vukhonyi muno, nuvuli vucheli vu khumanya Mwami wanje Yesu Kristo. Nalekha khukhola vindu viosi shichila ye; vivalitsanga viosi khuli nu vuchiafu, khu nyole Kristo

VAFILIPI 3:8 Iomraidhean Croise

VAROMA 8:18

Mbukulanga linyakhana lia khunyakhananga mumatukhu kanu, khuli ni li shikhaya nusasanyinye khu vukhumi vwa khutsitsanga khumanyinywa.

VIKHOLWA 20:24

Navutswa shikali mbukulanga vulamu vwanje khuva ni shindu shikali tawe; nyenyanga vutswa khurweshitsa muhinzilu kwanje, khandi male vutswa muhinzilu ku Mwami Yesu yamba khole, khwilwatsa Ivanjeli yi tsimbavasi tsia Nyasaye.

VAFILIPI 3:7

Navutswa vindu viosi via nalolanga khuli nu vukhala khwinzi, mbalitsanga ni shindu khwinzi tawe, shichila Kristo.

YOHANA 17:3

Khulwa yako, vulamu vwi mihika ni mihika vuli ndi khutukha vamanye ndi nivi Nyasaye watoto wonyene, khandi Yesu Kristo neye wa yivi waruma.

VAFILIPI 3:10

Nyenyanga khumanya Kristo nende tsingulu tsiachila niyisimushitswa khurula mu likhutsa, khusanga mulinyakhana lielie, mambe khuli ye mu likhutsa lielie

2 PETRO 1:3

Tsingulu tsiu vutakatifu vwa Nyasaye tsia khuha shia shindu shiosi, shia khwenyanga mu limenya lieru, khulu khumenya khuli Nyasaye yenyanga, khuvirila mu vucheli vwevwe shichila neye wakhulaanga khusanje naye mu vukhumi vwevwe nende mu vulahi vwevwe mwene.

1 VAKORINZO 2:2

Lwa nali nishili na munyi, shinali ni lienya liu khwenya khumanya shindu shindi shiosi tawe. Nali vutswa ni lienya liu khwenya khumanya shindu khulondokhana khu Yesu Kristo, khushila muno khuli yavambwa khu musalaba.

1 YOHANA 5:20

Khwamanya ndi Mwana wa Nyasaye wayitsa, khandi wakhuha limanya, khu khumanye Nyasaye watoto. Khuli mu vulala na Nyasaye uli watoto, khali mu Mwana wewe Yesu Kristo. Ye mwene neye Nyasaye watoto, khandi vulamu vwi mihika ni mihika.

YOHANA 17:8

Navilwatsila likhuva lia wambolela nivalihuchilila. Ni kilikali, vamanya vulahi ndi narula khu yivi; khandi vali ni lisuuvila ndi nivi wanduma.

YOHANA 14:20

Khulitukhu lienelo, nalwo lwa muliitsa khumanya ndi inzi ndi mu Tata wanje, na munyi muli mwinzi, khuli lwa inzi ndi mu munyi.

VAHEBRANIA 3:14

shichila khutsi voosi khusanganga mu Kristo, niiva khulatsililila khusinjila ni tsingulu mu lisuuvila lia khwaraanga nalio khutukha mulimalilikha.

VAKORINZO 4:6

Nyasaye wavoola, “Vulavu vulakha khurula mu shisuundi!” Neye Nyasaye mulala mwele walomba vulavu vwevwe khwakha mu mioyo chieru, khukhuha vucheli khulondokhana khu vukhumi vwevwe vwang'ang'anga mu vweni vwa Kristo.

YOHANA 14:7

Muva nu mwamanya inzi toto, khani mwamanya Tata wanje khandi; navutswa khuraanjila nunundi, mumali khumumanya khandi mumuloli.”

ISAYA 53:11

Mwami Nyasaye avoolanga, “Namali khuvirila mu linyakhana, aliitsa khuva nu vuyaanzi; aliitsa khumanya ndi shiyanyakhananga shikhaya tawe. Murumishi wanje wihaana nu mwoyo kwosi, wa nayaanzitswa naye, aliitsa khwitiukha lisalilitswa lia vandu voosi khandi niitsa khuvasemeha shichila ye.

VAEFESO 4:13

Khulwa yako, khuliitsa khuhaambana mu vulala vwenovo mu lisuuvila lieru, khandi mu vucheli vweru mu Mwana wa Nyasaye. Khuliitsa khuva vandu vahindila, khu khuve vaseletse khuli Kristo yali museletse.

2 PETRO 3:18

Navutswa mutsililile khumenya mu tsimbavasi nende vucheli vu Mwami, uli Muhonyinyi Yesu Kristo. Vukhumi vuve khuye, nunundi khandi mihika ni mihika! Amina.

1 YOHANA 1:3

Khumuvoolelanga khandi ka khwalola ni tsimoni tsieru, khandi nu khuhulila, khu munyi khandi muhambane na khutsi na Tata nende Mwana wewe Yesu Kristo.

2 TIMOTEO 4:6

Khulondokhana khwinzi, ndi himbi khuhaanwa khuli musango; isaa yu khukhutsa ili himbi khutukha.

YOHANA 20:28

Tomasi yamuchipa, “Mwami wanje khandi Nyasaye wanje!”

YOHANA 16:3

Vandu valiitsa khumukhola vindu khuli vienevo, shichila vakorwa Tata inoho inzi.

TSABURI 126:6

Yavo vali nivachinji vukuutsa nivalilanga, valiitsa khukalukha nivimbanga tsinyimbo tsiu vuyaanzi, lwa valeranga ingo vivoho vi imu ya vachesi.

1 YOHANA 2:19

Ni kilikali, vandu venavo varula mu khutsi, navutswa shivanyala khuva vali mu vulala na khutsi tawe. Niiva vakhavele mu vulala na khutsi, vakhatsililile khuva na khutsi; navutswa vakhulekha khu kamanyikhane havulavu ndi ni kilikali, khali mulala khuvo shiyali mu vulala na khutsi tawe.

1 PETRO 2:7

Lichina yili lili nu vukuuli vululu khu munyi vasuuvilanga; navutswa khu vandu vambakhananga khusuuvila, “Lichina lia vumbashi vambakhana lianyolekha khuva liu mukona khuvira machina kandi koosi.”

VAGALATIA 1:16

yayaanzitswa muno khumanyinya Mwana wewe, khu nzilwatse Ivanjeli khulondokhana khuye khu vandu vi tsimbia tsindi. Shinali natsiakhu khureeva mundu wundi wosi likhuva lianyala khukhola tawe.

VAKORINZO 4:4

Shivanyala khusuuvila tawe, shichila nyasaye mutamanu wamihanga shivala shinu, wavikha tsinganakani tsiavo mu shisuundi. Wavikalila khuvula khulola vulavu vuvwashilanga, nuvuli vulavu vurulanga khu Ivanjeli khulondokhana khu vukhumi vwa Kristo, uli ni likoondo liatoto khuli lia Nyasaye.

1 VAKORINZO 9:10

Kanyala khuva Nyasaye yali ninganakani khulondokhana khu khutsi, lwa yavoola ndio? Nindio kali kahandikwa khulondokhana khu khutsi. Mundu ulimanga nende mundu uhulanga imu vakhole mihinzilu chiavo, nivalindililanga khukavana via vachesa.

YOHANA 20:13

Tsinjelosi tsienetso tsiamureeva, “Mukhali yivi, ni shina shichilanga nulila?” Mariya yachipa, “Varulitse Mwami wanje hanu, khandi shimanyikhu havundu ha vamuvishi tawe.”

LUKA 11:20

Navutswa niiva khunganga matimoni khuvirila mu tsingulu tsia Nyasaye, khu Vwami vwa Nyasaye vumali khwitsa khu munyi.

LIVALITSWA 14:30

Ninzi wamulaaka niitsa khumuhila khutsia khumenya mu shivala shienesho; navutswa khali mulala khu munyi avulakhuho, uliitsa khumenyamu. Kalebu nende Yoshwa vonyene, navo valiitsa khumenyamu.

LUKA 1:43

Shichila shina likhuva yili nilikholekha khwinzi, ndi mama wu mwami wanje witsi khunjeniha?

MALAKI 2:3

Loli, niitsa khusalilitsa vaana venyu, khandi muveshe masiingo mu tsimoni tsienyu, masiingo ki miruku chienyu chia mukholelanga misango. Niitsa khumukhunganyinya muve ihale wene khurula khwinzi.

AYUBU 20:7

nikhali aliitsa khutiva mihika ni mihika, khuli mabi keke mwene; yavo vamulolakhu valiitsa khuvoola, ‘Ni havundu shina wali?’

2 VAMI 9:37

Vivelo viu mmbili kwa Yezebeli viliitsa khusalana khuli masiingo, mundu alivula khumanyakhu ndi navio viali vivelo via Yezebeli.’ ”

1 VAMI 14:10

Nzitsanga khulerela vandu vi inzu yoyo matiinyu, shichila kenako. Nzitsanga khwiira vitsukhulu vovo voosi, vave vayayi vavukha nende vasakhula. Niitsa khumulula vandu vi inzu yoyo; valiitsa khweywa khurulaho khuli isiingo.

TSABURI 73:25

Ni viina wundi wandi naye mwikulu nakhali yivi? Mbulakhu shia nzikombanga mu shivala navutswa yivi wonyene.

VAROMA 8:39

Khali ikulu wi likulu inoho hasi mulilova, shindu shiosi khurula mu vindu vialoongwa viosi, shivula tsingulu tsiu khukhwahula haluveka khurula khu vuyaanzi vwa Nyasaye vwa khuli navwo mu Mwami weru Yesu Kristo.

VAFILIPI 1:1

Ninzi Paulu nende Timoteo, nu khuli varumishi va Yesu Kristo. Khuhandichilanga vandu va Nyasaye voosi vamenyanga mu litaala lia Filipi, vali mu vulala na Yesu Kristo, nu khumeetakhu Vabishopu nende Vatikoni.

VAFILIPI 3:12

Shinyala khuvoola namala khukuura khale, inoho namala khukholwa khuva museletse khale tawe. Nzilililanga khuchelitsa khuli nyala nyole shihanwa shia Kristo yangurila, lwa yanomba mulonde.

2 PETRO 1:2

Tsimbavasi nende milembe vive na munyi mu vunyishi khuvirila mu vucheli vwenyu vwa muli navwo khulondokhana khu Nyasaye nende Mwami weru Yesu.

2 PETRO 1:8

Mwenyekhanga muve numuli ni vindu yivi. Niiva muliitsa khuva navio mu vunyishi, viliitsa khumuha tsingulu, khandi viliitsa khuchila muve ni vikholwa vilahi mu vucheli vwenyu khulondokhana khu Mwami weru Yesu Kristo.