VAFILIPI 3:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Khutsi navo va khwanyola shishevo shiatoto, navutswa shivali vo vanyola tawe; shichila khusaalanga khu Nyasaye khuvirila mu Roho wewe; khandi khwikhoyelanga mu limenya lieru mu Yesu Kristo. Shiukhuvikhanga lisuuvilitsa lieru mu milukha chilondokhananga nu mmbili tawe.

VAFILIPI 3:3 Iomraidhean Croise

VAKOLOSAI 2:11

Khali munyi mwashevwa khuvirila mu Kristo; shikanyala khuva ni vandu navo vamusheva tawe. Navutswa khushevwa khwakholwa na Kristo, makhuva khulondokhana khulu khuvohololwa khurula mu tsingulu tsi liiva liu mu mmbili liu vwoni.

VAROMA 7:6

Navutswa nunundi khwavohololwa khurula khu malako, shichila khwakhutsila yeshio shiali ni shiakhuvoha. Shikali khukholanga muhinzilu khulondokhana khu limenya lia khale lia malako kahandikwa tawe; navutswa khulondokhana khu limenya liyia lia Roho ahaananga.

LITSUSHITSWA 30:6

Mwami Nyasaye aliitsa khuchila munyi, halala na vitsukhulu venyu muve nu mwoyo ku khuhulila, mumuyaanze nu mwoyo kwosi khandi ni liiva lienyu liosi, nu khutsililila khuva mwoyo.

VAGALATIA 5:25

Niiva khunyala khumenya khuli Roho yenyanga, leshi Roho atsililile khukhwimilila mu limenya lieru.

VAROMA 8:15

Roho, wa Nyasaye yamuha shianyala khumukhola khuva varukwa numuria tawe. Nikhali, Roho amukholanga khuva vaana va Nyasaye; khandi khuvirila mu tsingulu tsia Roho, khulilanga nu khulaanga Nyasaye, “Aba, Tata!”

YEREMIA 4:4

Munyi vandu va Yuda nende Yerusalemi, mwitakase vene khwinzi Mwami Nyasaye, khuli mundu ushevelwi akhalakwangwa shikhanda shiu mmbili kwekwe; mulonde lilakano lia mwakhola ninzi. Niiva mulambakhana khukhola kenako, niitsa khumuvukulila vurima khuli mulilu kwakhanga, khandi kumusambe vuchila mundu unyala khukutsiminya, shichila vindu vitamanu via mukholanga.”

TSABURI 105:3

Musangale khuvirila mu lira lielie litakatifu; vandu vakhavanga Mwami Nyasaye khutukha vikhoye.

LITSUSHITSWA 10:16

Khulwa yako, khuraanjila nunundi mulonde malako ku Mwami Nyasaye, ma muvuli khuva vahaaka.

VAEFESO 6:18

Mukhole shia shindu shiosi khuvirila mu lisaala, numureeva Nyasaye amukhonye. Musaale shia khase khosi, khuli Roho amwimililanga. Khulondokhana khu shivune yishi, muheenze vulahi nu khuvula khukhutsa mwoyo. Shia khase khosi musaalilikhu vandu va Nyasaye voosi.

YEREMIA 9:26

Niitsa khusalilitsa Vamisri, Vandu va Yuda, Vaedomu, Vaamoni, Vamoabu, nende vandu voosi vamenyanga mu shiangalangwi vaveekanga vinyosi khu mirwi chiavo; shichila vandu vi tsimbia tsienetso voosi ni vasoleli, khandi Vaisraeli voosi vashili khushevwa mu mioyo chiavo.”

VAROMA 1:9

Nyasaye neye mushiahidi wanje ndi mbolanga katoto. Nyasaye neye wa ndumishilanga nu mwoyo kwanje kwosi, lwa nzilwatsanga Ivanjeli khulondokhana khu Mwana wewe. Nyasaye wamanya ndi mwitsushitsanga shia khase khosi,

MALAKI 1:11

Vandu vi tsimbia tsiosi mu shivala khuraanjila ivukwi khutukha imbo vanzitsominyanga. Vasambilanga vubani shia havundu hosi, nivakholela misango minihu; shichila lira lianje liaheelwa luyali mu vandu vi tsimbia tsiosi.

ISAYA 45:25

Inzi Mwami Nyasaye niitsa khuhonyinya vitsukhulu voosi va Yakobo, khandi valiitsa khunzitsominya nu khumba vukhumi.”

YUDA 1:20

Navutswa munyi valina vaanje, mutsililile khwiyumbakha vene khuvene mu lisuuvila lienyu litakatifu, khandi musaale khuvirila mu tsingulu tsia Roho Mutakatifu;

VAROMA 15:17

Khulwa yako, nzilolelanga muhinzilu kwakholelanga Nyasaye khuvirila mu Kristo.

VAROMA 8:39

Khali ikulu wi likulu inoho hasi mulilova, shindu shiosi khurula mu vindu vialoongwa viosi, shivula tsingulu tsiu khukhwahula haluveka khurula khu vuyaanzi vwa Nyasaye vwa khuli navwo mu Mwami weru Yesu Kristo.

VAROMA 9:6

Shikali mbolanga ndi likhuva lia Nyasaye liakhaywa khurweshitswa tawe. Shikali Vaisraeli voosi, navo vandu va Nyasaye;

VAKORINZO 11:18

Lwa vandu vanyishi vichinjililanga shichila vindu viu mu shivala, khali inzi mwene nyala khwichinjilila.

VAGALATIA 6:16

Yavo voosi vamenyanga khulondokhana khu lilako yili, vamenye mu milembe nu khulolelwa tsimbavasi; khali vandu va Nyasaye voosi!

VAFILIPI 1:1

Ninzi Paulu nende Timoteo, nu khuli varumishi va Yesu Kristo. Khuhandichilanga vandu va Nyasaye voosi vamenyanga mu litaala lia Filipi, vali mu vulala na Yesu Kristo, nu khumeetakhu Vabishopu nende Vatikoni.

VAFILIPI 3:12

Shinyala khuvoola namala khukuura khale, inoho namala khukholwa khuva museletse khale tawe. Nzilililanga khuchelitsa khuli nyala nyole shihanwa shia Kristo yangurila, lwa yanomba mulonde.

VAFILIPI 3:14

Nzilukhakanga vulunji khutukha khushili imbeli wanje, khu nyole shihanwa, nishili mulaango kwa Nyasaye khuvirila mu Yesu Kristo mu vulamu vwi mihika ni mihika.