VAFILIPI 3:16 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁶ Kenyekhanga khulonde mu limenya lieru malako malala mele, ka khwamala khunyola khale.

VAFILIPI 3:16 Iomraidhean Croise

VAKOLOSAI 2:6

Lwa mwahuchilila Yesu Kristo uli Mwami, mutsililile khumenya muye.

LIKHUNULILWA 3:3

Khulwa yako, witsushitse ka wechitswa, manuhulila. Ukalonde khandi wikanile khurula mu vwoni vwovwo. Niiva uliitsa khwambakhana khuvukha, niitsa khwitsa khu yivi khuli shihuuvi, nivi uliitsa khuvula khumanya isaa yu khwitsa khwanje.

VAGALATIA 6:16

Yavo voosi vamenyanga khulondokhana khu lilako yili, vamenye mu milembe nu khulolelwa tsimbavasi; khali vandu va Nyasaye voosi!

VAROMA 15:5

Nyasaye uli khuli shirula shiu vwikhutsili nende litinyilitswa, amuhe mwoyo ku khumukhola muhambane mu limenya lienyu, khulondokhana khuli Yesu Kristo yakholanga,

VAFILIPI 4:2

Eyodia nende Sintike, musayanga numuyaanza muhulishitsane khuli vasuuvili mu Mwami.

VAFILIPI 2:2

Musayanga numuyaanza, munombe mbe nu vuyaanzi vunyishi muno, lwa muli ninganakani indala, lwa muli nu vuyaanzi khu shia mulala khandi lwa muli nu mwoyo mulala ni lienya lilala.

VAFILIPI 1:27

Shindu shikali shili ndi khutukha mumenye khulondokhana khuli Ivanjeli ya Kristo yenyanga; khu khali niiva nyala khwitsa inoho mbuli khwitsa khumulola, nilihulila ndi mwasinjila ni tsingulu mu liiva lilala khandi muli ni likomba liu khukhola halala mihinzilu; shichila lisuuvila lirulanga khu Ivanjeli.

VAROMA 12:16

Muvukulane vulahi vene khuvene. Muvuli khwilolakhu; navutswa muhambane na vandu vavula shindu shiosi shia vatiilakhu. Muvuli khukanakanakhu muli nu vusitsa khuvira vandi.

VAGALATIA 5:7

Mwali numutsilililanga nu mwiima mulahi! Ni viina wamwikalila khulonda katoto? Anyala khuva wamukaatilitsa munjila shina?

VAKOLOSAI 4:2

Mutsililile khusaala shia khase khosi, khandi mutsililile khuva vacheli lwa musaalanga, numusanditsa Nyasaye.