VAFILIPI 3:12 - IBIBILIA INDAKATIFU MU LUTIRICHI LWITAKHO NENDE LWISUKHA

¹² Shinyala khuvoola namala khukuura khale, inoho namala khukholwa khuva museletse khale tawe. Nzilililanga khuchelitsa khuli nyala nyole shihanwa shia Kristo yangurila, lwa yanomba mulonde.

VAFILIPI 3:12 Iomraidhean Croise

TSABURI 138:8

Mwami Nyasaye, nivi utsitsanga khundweshitsila shia shindu shiosi shia walaaka; Mwami Nyasaye, vuyaanzi vwovwo nu vwi mihika ni mihika. Urweshitsi muhinzilu kwa yivi mwene waraanga.

HOSEHA 6:3

Hambi khumumanye, chendi khuchelitsi khumanya Mwami Nyasaye; aliitsa khulolekha khuli liuva lilolekhanga mu mavwevwe. Aliitsa khukhwitsila khuli imbula, khuli imbula yi shimiyu inyililanga nishiinditsa malova.”

VAKORINZO 7:1

Valina vaanje va nayaanza, lilaaka yili liosi lialombelwa khutsi. Khulwa yako, chendi khuve vanihu khurula khu shindu shiosi shinyala khulomba mmbili inoho mwoyo khuvula khuva munihu. Chendi khuhe Nyasaye luyali khandi khuchelitsi khuva vatakatifu khuli ye.

ISAYA 51:1

Mwami Nyasaye avoolanga, “Mbulishitsi, munyi vamuli ni lienya liu khuhonyinywa, khandi mukhavanga inzi Mwami Nyasaye; kanakanikhu lwanda lwa mwarulamu, mwiyeevo mwa mwayeevwamu.

VAHEBRANIA 13:21

amuhe shia shindu shiosi shilahi, khu mukhole lienya lielie; khandi akhole mwene mu khutsi ka muyaanzitsanga khuvirila mu Yesu Kristo; utushili khuheelwa vukhumi mihika ni mihika! Amina.

VAEFESO 1:4

Nyasaye yali wa khurovola khale khuve vandu veve, khuvirila mu Kristo, khali shivala nishishili khuloongwa, khu khuve vatakatifu khandi vandu vavula imbala yosi imbeli wewe. Khurulana khu vuyaanzi vwevwe,

VAFILIPI 3:16

Kenyekhanga khulonde mu limenya lieru malako malala mele, ka khwamala khunyola khale.

2 PETRO 3:18

Navutswa mutsililile khumenya mu tsimbavasi nende vucheli vu Mwami, uli Muhonyinyi Yesu Kristo. Vukhumi vuve khuye, nunundi khandi mihika ni mihika! Amina.

YAKOBO 3:2

Khutsi voosi khwamenya nukholanga vindu vitamanu. Navutswa niiva mundu anyala khuvula khukholakhu shindu shitamanu shiosi mulilomoloma lielie, mundu mwenoyo nu museletse khandi anyala khwilinda mwene munjila indahi.

VAHEBRANIA 12:14

Muchelitsi khumenya mu milembe na vandu voosi, khandi mumenye limenya litakatifu; shichila mundu avulakhuho uliitsa khulola Mwami vuchila khuva mutakatifu.

VAGALATIA 5:17

Ka liiva liu mmbili kwikombanga kahinganyinyanga ka Roho yenyanga kakholwi. Ka Roho yenyanga kakholwi, kahinganyinyanga ka liiva liu mmbili likombanga. Khuli nu vuhimwa hakari ha Roho nende liiva liu mmbili; khandi yaka kamanyinyanga ndi shiumunyala khukhola ka mwenyanga mukhole tawe.

AYUBU 17:9

Khali ndio, mundu wi likhola liu vulunji atsilililanga khukhola likhola liu vulunji, khandi mundu wi likhola lilahi atsilililanga khunyola tsingulu.

1 PETRO 5:10

Navutswa lwa muliitsa khuva nu mwakhanyakhana hatititi vutswa, Nyasaye wi tsimbavasi tsiosi tsirulakhu, wamulaanga khusanga naye mu vukhumi vwevwe vwi mihika ni mihika khuvirila mu Kristo, neye mwene uliitsa khumukhola vaseletse, aliitsa khumumbakha ni tsingulu, aliitsa khumuha tsingulu nu khumulomba muve khuli musinji kwatoto.

2 VATESALONIKE 2:13

Navutswa vasuuvili vashieru, nivali munyi vu Mwami yayaanza, khusanditsinga Nyasaye shia khase khosi shichila munyi. Nyasaye neye wamurovola khurula muliraanga, khu muhonyinywi khuvirila mu tsingulu tsia Roho, khumukhola khuva vandu veve vatakatifu khuvirila mu lisuuvila lienyu mu katoto.

VAEFESO 4:12

Yakhola ndio, khulu khwenya khwirecheshitsa vandu va Nyasaye voosi khukhola muhinzilu ku Vukristayo, khwenya vumbashe mmbili kwa Kristo.

VAKORINZO 13:9

Shia khase khosi khuli nu vuyaanzi nu khuli vateteshele, navutswa munyi muli ni tsingulu; khandi khumusaalilanga muve vaseletse.

1 VAKORINZO 13:10

Navutswa lwa shindu shiseletse shilitsa khulolekha, shindu shiliho khumatukhu mati, shilitsa khukora.

TSINGANU 4:18

Muhaanda kwa vandu vi likhola liu vulunji vachendelakhu kuli khuli vulavu vwi liuva, liang'ang'anga vulavu vunyishi muno mu mbasu.

TSABURI 119:5

Nzikombanga khuva musuuvilwa lwa nondanga mivaalo koko!

TSABURI 84:2

Nakhavele nu vuyaanzi nindimu! Nzikombanga mbe nindi mu Litempeli liu Mwami Nyasaye; khwimbila Nyasaye uli mwoyo tsinyimbo tsiu vuyaanzi.

TSABURI 63:8

Mbandanga khu yivi, tsingulu tsiotsio nitsininda.

1 VATESALONIKE 5:15

Muchelitsi khulola ndi mundu avulakhuho uvanzilanga vutamanu khu vutamanu; navutswa shia khase khosi muchelitsi khulola mukholanga kali malahi khuvene khuvene, khandi khu vandu voosi.

1 TIMOTEO 6:19

Munjila iyi, valiitsa khwilombela vene livishilu liliitsa khuva khuli musinji kwi tsingulu khumatukhu kaliitsa khuvaho; khulu khunyola vulamu, vuliitsa khuva vulamu vwatoto.

VIKHOLWA 9:15

Navutswa Mwami yamuvoolela, “Simukha utsi, shichila murovole khundumishila, khulomba lira lianje limanyikhane khu vandu vi tsimbia tsindi nende vami, khandi khu Vaisraeli.

1 TIMOTEO 5:10

khandi ave ni yamanyikhana vulahi, shichila vikholwa vievie vilahi: vikholwa viu khutushitsa vaana veve munjila indahi, khwinjilitsa vacheni hango hehe, khukholela Vakristayo veshie mihinzilu munjila yu khwichehitsa, khukhonya vandu mu vutiinyu vwavo, khandi khwirulitsa nu mwoyo kwosi khukhola kali malahi.

TSABURI 94:15

Vakhalachi valiitsa khukhalachila vandu mushiina khuvirila mu likhola liu vulunji, ma vandu valahi voosi valonde injila yeneyo.

VAHEBRANIA 12:23

Mumali khutukha mu shikhaalo shiu vuyaanzi vunyishi, shia vaana va Nyasaye vakhulundu khwivulwa, va mira kavo kahandikwa mwikulu. Mumali khutukha khu Nyasaye, mukhalachi wa vandu voosi mu shivala, khandi khu mioyo chia vandu valahi vakholwa khuva vaseletse.

TSABURI 42:1

Nyasaye wanje, khuli impongo ili nu vuluhu vu khung'wa matsi mu muchela, nindio khandi mwoyo kwanje kuli nu vuluhu khu yivi.

MATAYO 5:48

Khulwa yako, muve vaseletse, khuli Tata wenyu uli mwikulu ali museletse.

VAROMA 8:39

Khali ikulu wi likulu inoho hasi mulilova, shindu shiosi khurula mu vindu vialoongwa viosi, shivula tsingulu tsiu khukhwahula haluveka khurula khu vuyaanzi vwa Nyasaye vwa khuli navwo mu Mwami weru Yesu Kristo.

1 VAKORINZO 9:24

Mushili khumanyakhu ndi mu maliviri, ni vilukhachi voosi vilukhakanga; navutswa nu mulala wonyene unyolanga shihanwa? Nikali nindio, yilukhachi ni tsingulu tsiosi, khulu khunyola shihanwa.

1 VAKORINZO 13:12

Shia khulolanga nunundi shilolekhanga khuli shinini mu shilolelo; navutswa khuliitsa khulola moni namoni. Kamanyi nunundi kali khuli makhwelu khwelu; navutswa kaliitsa khumanyikhana koosi -- khumanyikhana koosi khuli vucheli vwa Nyasaye khulondokhana khwinzi.

VAFILIPI 1:1

Ninzi Paulu nende Timoteo, nu khuli varumishi va Yesu Kristo. Khuhandichilanga vandu va Nyasaye voosi vamenyanga mu litaala lia Filipi, vali mu vulala na Yesu Kristo, nu khumeetakhu Vabishopu nende Vatikoni.

VAFILIPI 3:3

Khutsi navo va khwanyola shishevo shiatoto, navutswa shivali vo vanyola tawe; shichila khusaalanga khu Nyasaye khuvirila mu Roho wewe; khandi khwikhoyelanga mu limenya lieru mu Yesu Kristo. Shiukhuvikhanga lisuuvilitsa lieru mu milukha chilondokhananga nu mmbili tawe.

VAFILIPI 3:8

Shivinyala khuva ni vindu vienevo vionyene vutswa tawe; navutswa mbaliitsanga vindu viosi khuvula khuva shindu khwinzi, shichila yeshio shili nu vukhonyi muno, nuvuli vucheli vu khumanya Mwami wanje Yesu Kristo. Nalekha khukhola vindu viosi shichila ye; vivalitsanga viosi khuli nu vuchiafu, khu nyole Kristo