VAFILIPI 3:10 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁰ Nyenyanga khumanya Kristo nende tsingulu tsiachila niyisimushitswa khurula mu likhutsa, khusanga mulinyakhana lielie, mambe khuli ye mu likhutsa lielie

VAFILIPI 3:10 Iomraidhean Croise

VAGALATIA 2:20

Namala khuvambwa khu musalaba na Kristo; shikali ninzi uli mwoyo tawe, navutswa Kristo neye uli mwoyo mwinzi; limenya lia menyanga nunundi mu mmbili, menyanga khuvirila khu lisuuvila mu Mwana wa Nyasaye, wanyanza khandi nakhutsa shichila inzi.

VAROMA 8:17

Lwa khuli vaana veve, khuliitsa khunyola tsikhaavi tsia yavishila vandu veve. Khuliitsa khunyola halala na Kristo shia Nyasaye yamuvishila. Niiva khulasanga mulinyakhana lia Kristo yanyakhana, khuliitsa khusanga khali naye mu vukhumi vwevwe.

VAFILIPI 3:8

Shivinyala khuva ni vindu vienevo vionyene vutswa tawe; navutswa mbaliitsanga vindu viosi khuvula khuva shindu khwinzi, shichila yeshio shili nu vukhonyi muno, nuvuli vucheli vu khumanya Mwami wanje Yesu Kristo. Nalekha khukhola vindu viosi shichila ye; vivalitsanga viosi khuli nu vuchiafu, khu nyole Kristo

1 YOHANA 2:3

Khulwa yako, niiva khulalonda malako ka Nyasaye, ni kilikali khulava khwamumanya munjila yatoto.

VAKOLOSAI 3:1

Niiva mwayisimushitswa khurula mu likhutsa na Kristo, mure mioyo chienyu khu vindu viu mwikulu, wa Kristo yikhalanga khu shisoko shieshie shiu vwami, khuluveka lu mukhono musatsa kwa Nyasaye.

VAKOLOSAI 1:24

Ndi nu vuyaanzi nunundi khunyakhana shichila munyi; khu, khuvirila mulinyakhana lianje mu mmbili khonyanile khurweshitsa shiarikalila mulinyakhana lia Kristo, havukono wu mmbili kwekwe, nilili likanisa.

VAKORINZO 1:5

Lwa khusanganga mu vunyishi mulinyakhana lia Kristo, nindio khandi khuvirila mu Kristo, khusanganga mulileminywa mioyo.

1 PETRO 1:3

Khwitsominyi Nyasaye, uli Tata wu Mwami weru Yesu Kristo! Khuvirila khu tsimbavasi tsietsie tsinyishi, wachila khwayivulwa vuyia mu lisuuvilitswa lili mwoyo, lwa yisimushitsa Yesu Kristo khurula mu likhutsa;

VAKORINZO 13:4

Khali niiva nu vuteteshele, navwo vwachila Kristo navambwa khu musalaba, khali nakhutsa, nikhali tsingulu tsia Nyasaye, natsio tsichilanga natsililila khuva mwoyo. Khali khutsi khuli vateteshele khuvirila mu Kristo; navutswa mulihaambana lieru na munyi, khuliitsa khutsililila khuva mwoyo khuvirila mu tsingulu tsia Nyasaye.

1 YOHANA 2:5

Navutswa mundu ulondanga likhuva lia Nyasaye, ni kilikali vuyaanzi vwa Nyasaye vwarweshitswa mu mundu mwenoyo. Toto, nindi khuvoolanga khuli mwoyo muye:

YOHANA 17:3

Khulwa yako, vulamu vwi mihika ni mihika vuli ndi khutukha vamanye ndi nivi Nyasaye watoto wonyene, khandi Yesu Kristo neye wa yivi waruma.

VAROMA 8:29

Yavo va Nyasaye yali niyarovola, yavahula haluveka khandi vave khuli Mwana wewe, khu Mwana aliva wukhuraanga mu vasuuvili vanyishi.

LIKHUNULILWA 1:18

Ninzi woyo uli mwoyo! Nali nakhutsa, navutswa nunundi shili mwoyo mihika ni mihika. Ndi nu vunyali vu khukuura likhutsa nende shihatisi.

VAKOLOSAI 2:13

Matukhu kandi, mwali khuli mwakhutsa shichila vwoni vwenyu vwa mwakholanga; khandi shichila mwali khuli vandu vi tsimbia tsindi vavula Malako ka Musa. Navutswa Nyasaye wakhukhola khuli mwoyo na Kristo, lwa yakhusemeha khurula mu vwoni vweru vwosi.

VAEFESO 4:13

Khulwa yako, khuliitsa khuhaambana mu vulala vwenovo mu lisuuvila lieru, khandi mu vucheli vweru mu Mwana wa Nyasaye. Khuliitsa khuva vandu vahindila, khu khuve vaseletse khuli Kristo yali museletse.

VAKORINZO 1:10

Nyasaye wa khuhavina khurula mu vutiinyu vutamanu vwi likhutsa, aliitsa khukhuhavina. Khwavikha lisuuvilitswa lieru muye ndi aliitsa khukhuhavina khandi,

YOHANA 10:18

Mundu avulakhuho unyala khurulitsa mwinzi vulamu vwanje. Navutswa inzi mwene nayirulitsa khukhutsa shichila lienya lianje. Ndi nu vunyali vu khukhutsa; khali vunyali vu khuva mwoyo. Yaka nako ka Tata wanje yambolela khole.”

MATAYO 20:23

Yesu yavavoolela, “Ni kilikali, muliitsa khung'wa mu shikombe shianje shi linyakhana, navutswa mbula vunyali vu khurovola woyo uliitsa khwikhala khuluveka lu mukhono musatsa kwanje khandi khuluveka lu mukhono mukhali kwanje. Nyasaye neye uliitsa khuhaana vwiyangu vwenovo khu vandu vayarovola.”

YEREMIA 9:23

Mwami Nyasaye avoolanga, “Mundu uli nu vusitsa avuli khwichinjilila mu vusitsa vwevwe, inoho uli ni tsingulu khwichinjilila mu tsingulu tsietsie, inoho mundu wi miandu khwichinjilila shichila miandu chiechie.

VAROMA 8:36

Khuli Mahandiko Matakatifu kavoolanga, “Shichila munyi, khuli mu maraava ku khwiirwa khulitukhu liosi; khuvukulwangwa khuli makondi katsitsanga khusinzwa.”

VAGALATIA 6:17

Lukhumalilikha, mundu avuli khunyashitsakhu; shichila ndi ni tsimbala tsia Kristo khu mmbili kwanje.

2 PETRO 1:13

Nganakananga nu vulahi nikholi ndio, lwa shili mwoyo mu shivala shinu, khulu khwenya khumuha tsingulu tsiu khwitsushitsa vindu vienevo.