VAFILIPI 2:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ Khulwa yako, Nyasaye yamuvikha havundu hali nu luyali mwikulu khandi wamuha lira liu vunyali muno khuvira mira kandi koosi.

VAFILIPI 2:9 Iomraidhean Croise

LIKHUNULILWA 19:16

Lira yili liahandikwa khu ikaanzu yeye nende khulirango lielie: “Mwamihi wa Vamihi voosi khandi Mwami wa Vami.”

MATAYO 28:18

Yesu yisuunda himbi khuvo navavoolela, “Mali khuheelwa vunyali vu khusinjilila vindu viosi vili mwikulu nende khulilova.

1 PETRO 3:22

watsia mwikulu khandi uli khuluveka lu mukhono musatsa kwa Nyasaye, wamihanga tsinjelosi tsiosi nende vu vunyali nende vi tsingulu tsiu mwikulu.

VAHEBRANIA 2:9

Navutswa khulolanga Yesu, waheelwa vunyali hatititi vutswa khu vwi tsinjelosi, khu khuvirila mu tsimbavasi tsia Nyasaye ave nakhutsilanga shia mundu wosi. Khumulolanga nunundi niyaheelwa vukhumi nende luyali, lwa yakhutsa khuvirila mulinyakhana.

ISAYA 52:13

Mwami Nyasaye avoolanga, “Murumishi wanje aliitsa khukuura mu muhinzilu kwa akholanga; aliitsa khuchingulwa aheelwi luyali lunyishi.

LIKHUNULILWA 5:12

khandi nitsimba lwimbo nu mwoyo mukali nitsivoola: “Shimeme shi Likondi shiali nishiirwa shitushili khunyola vunyali, miandu, vusitsa, ni tsingulu, luyali, vukhumi nu khwitsominywa!”

VAHEBRANIA 1:4

Mwana yakholwa khuva nu vunyali vunyishi khuvira tsinjelosi, khuli lira lia Nyasaye yamuha lili ni tsingulu tsinyishi khuvira mira kavo.

TSABURI 89:27

Niitsa khumukhola khuva mwana wanje wimbeli, mwami wi tsingulu tsinyishi muno mu vami vandi voosi.

VAHEBRANIA 12:2

Leshi khuheenze vulunji vwene khu Yesu, woyo wi lisuuvila lieru lirulakhu khurula muliraanga khutukha mulimalilikha. Yesu, shiyambakhana khukhutsila khu musalaba tawe! Navutswa shichila vuyaanzi vwa yali nalindililanga khunyola; shiyalolakhu ni tsisoni khukhutsila khu musalaba tawe. Yesu wayikhala nunundi khuluveka lu mukhono musatsa khu shisoko shiu vwami shia Nyasaye.

ISAYA 53:12

Khulwa yako, niitsa khumuha havundu hali nu luyali mu vi tsingulu, havundu ha aliitsa khuva halala na vi tsingulu nende vu vunyali. Mwene yirulitsa manasanga mu likhutsa lia vandu vatamanu vali ni vatushili khuvirilamu. Yavukula vwiyangu vwa vooni vanyishi khali nasaalila vandu vatamanu khu vasemehwi.”

TSABURI 110:1

Mwami Nyasaye yavoolela mwami wanje, “Yikhala khuluveka lu mukhono kwanje musatsa khutukha lwa nduvachila hasi vatsiku vovo voosi.”

YOHANA 17:5

Khulwa yako, Tata! Khuminya imbeli wowo nunundi, nu vukhumi vulala vwele vwa nali navwo nivi, shivala nishishili khuloongwa.

TSABURI 110:5

Mwami Nyasaye ali khuluveka lu mukhono kwokwo musatsa; lwa aliitsa khwitsula vurima aliitsa khumulula vami voosi.

LIKHUNULILWA 3:21

Yavo valiitsa khukuura, niitsa khuvahuchilila vikhale himbi ninzi mu shisoko shianje shiu vwami, khuli inzi nakuura khandi nunundi nzikhalanga himbi khu Tata wanje mu shisoko shieshie shiu vwami.

LUKA 10:22

“Tata wanje wamba shia shindu shiosi. Mundu avulakhuho wamanya Mwana, nikakhali Tata; khandi mundu avulakhuho wamanya Tata, nikakhali Mwana nende yavo vu Mwana arovola khumanyinya Tata”

ISAYA 9:7

Vunyali vwevwe muliamiha shivala vulatsililila khuhindila, milembe chiliitsa khutsililila khuvaho shichila aliitsa khwikhala khu shisoko shiu vwami shiali shia kuuka wewe Daudi, nu khwamiha shivala shieshie; Aliitsa khushiamiha narweshitsanga katoto nende likhola liu vulunji, khuraanjila nunundi khandi mihika ni mihika. Mwami Nyasaye wi Mikaanda Chiliihe ali ni shinani shiu khukhola kenako.

TSABURI 91:14

Nyasaye avoolanga, “Niitsa khuhonyinya yavo vanyanza nu khulinda yavo vahuchililanga inzi neye Mwami Nyasaye.

LIKHUNULILWA 11:15

Injelosi ya saba, yakhuva shisiliva shiayo, ma liyooko likali nilihulilikhana mwikulu, livoolanga, “Tsingulu tsiu khwamiha shia shindu shiosi mu shivala ni tsiu Mwami Nyasaye, uli Nyasaye weru nende Masiha wewe; naye aliitsa khwamiha mihika ni mihika!”

LIKHUNULILWA 1:5

khandi khurula khu Yesu Kristo, uli mushiahidi musuuvilwa, waraanga khwisimushitswa khurula mu likhutsa khandi uli mwamihi wa vami voosi vamihanga khulilova. Neye wakhuyaanza, khandi khuvirila mu musango kwi likhutsa lielie nakhuvoholola khurula mu vwoni vweru

2 PETRO 1:17

Lwa yanyola luyali nende vukhumi khurula khu Nyasaye, uli Tata, lwa mwoyo kwitsa khuye khurula mu Vukhumi vwi Tsingulu, nu kuvoola, “Uyu neye Mwana wanje wa nayaanza, nyanzitswangwa naye,”

VAKOLOSAI 1:18

Kristo neye uli murwi ku mmbili kwekwe, nilili likanisa. Neye shirula shiu vulamu vu mmbili kwenoko. Neye mwana wi shiyayi mukhulundu khwivulwa, wisimushitswa khurula mu vandu vakhutsa, alinyola wonyene vwiyangu vu khuraanga mu shia shindu shiosi;

VIKHOLWA 5:31

Nyasaye yamuchinguula namwikhalitsa khuluveka lu mukhono kwekwe musatsa, khumukhola khuva Mwimilili khandi Muhonyinyi, khukhola Vaisraeli khwikanila nu khusemehwa khurula mu vwoni.

YOHANA 13:3

Yesu yali wamanya ndi Tata wamuha vunyali vu khusinjilila shia shindu shiosi; khandi yali wamanya ndi yarula khu Nyasaye khandi akalukhanga khu Nyasaye.

MATAYO 11:27

“Tata wanje wamba vunyali vu khusinjilila shia shindu shiosi. Mundu avulakhuho wamanya Mwana nikakhali Tata. Mundu avulakhuho wamanya Tata nikakhali Mwana nende yavo vu Mwana aliitsa khurovola khuvamanyinya Tata.

LIRAANGA 3:15

Niitsa khulomba vutsiku hakari hoho nu mukhali uyu; vaana veve nende vovo valiitsa khuhimana shia khase khosi. Vaana veve valiitsa khukhuseena khu murwi kwokwo, nivi uliitsa khuluma vikala vi vilenje viavo.”

YOHANA 17:11

Tata Mutakatifu! Shikali nzitsanga khutsililila khumenya mu shivala shinu tawe; navutswa vo vali mu shivala. Tsililila khuvalinda khuvirila mu tsingulu tsi lira liolio, nilili lira lia wamba, khu vave shilala khuli inzi nivi khuli shilala.

YOHANA 17:12

Lwa namenyanga navo, navalinda vulahi khuvirila mu tsingulu tsi lira liolio, nilili lira lia wamba. Navalinda vulahi muno; khandi mundu avulakhuho khali mulala wakora khuvo; nikakhali mulala woyo walachikha aliitsa khukora khu Mahandiko Matakatifu karweshitswi.

VAEFESO 1:10

Inganakani yeneyo, ni yu khwenya khulera halala vindu viosi via yalomba, viosi vili mwikulu nende vili khulilova, Kristo nali mwimilili wavio, lwa litukhu lia yalaaka liliitsa khutukha.

2 VATESALONIKE 1:12

Nindio khandi khusaalanga, khu lira liu Mwami weru Yesu live ni liheelwangwa vukhumi mu munyi; khandi munyi muheelwi vukhumi khuvirila muye, khuvirila khu tsimbavasi tsia Nyasaye weru nende Mwami Yesu Kristo.

VAHEBRANIA 1:9

Wayaanza likhola liu vulunji khandi wayambakhana vindu vitamanu. Nako kachilanga Nyasaye, uli Nyasaye wowo navekha makura khandi nakhukhola khuva nu vuyaanzi vunyishi khuvira valina vovo.”

3 YOHANA 1:7

Vraanji luchendo lwavo mu muhinzilu ku khurumishila Kristo, vuchila khuhuchililakhu vukhonyi vwosi khurula khu vandu vatamanu vakorwa Nyasaye.