VAFILIPI 2:8 - IBIBILIA INDAKATIFU MU LUTIRICHI LWITAKHO NENDE LWISUKHA

⁸ Niyakhalolekha khuli mundu, yali mwichehitsi khutukha khu likhutsa -- khali khu likhutsa liu khu musalaba.

VAFILIPI 2:8 Iomraidhean Croise

YOHANA 10:18

Mundu avulakhuho unyala khurulitsa mwinzi vulamu vwanje. Navutswa inzi mwene nayirulitsa khukhutsa shichila lienya lianje. Ndi nu vunyali vu khukhutsa; khali vunyali vu khuva mwoyo. Yaka nako ka Tata wanje yambolela khole.”

VAHEBRANIA 12:2

Leshi khuheenze vulunji vwene khu Yesu, woyo wi lisuuvila lieru lirulakhu khurula muliraanga khutukha mulimalilikha. Yesu, shiyambakhana khukhutsila khu musalaba tawe! Navutswa shichila vuyaanzi vwa yali nalindililanga khunyola; shiyalolakhu ni tsisoni khukhutsila khu musalaba tawe. Yesu wayikhala nunundi khuluveka lu mukhono musatsa khu shisoko shiu vwami shia Nyasaye.

VAROMA 5:19

Lwa vandu voosi vakholwa khuva vooni, shichila mundu mulala yambakhana khulonda malako, nindio khandi voosi valiitsa khukholwa khuva valunji imbeli wa Nyasaye khuvirila mu mundu mulala walonda malako.

1 PETRO 2:24

Kristo neye mwene wachinga vwoni vweru mmbili kwekwe khuvambwa khu musalaba, khu khali khutsi khukhutsili vwoni, khandi khuve mwoyo shichila likhola liu vulunji. Mwahonyinywa khuvirila khu tsimbala tsietsie.

1 PETRO 3:18

Kristo yakhutsila vwoni vweru lulala lwonyene; mundu mulahi khukhutsila vandu vooni, khulu khumulera khu Nyasaye. Yiirwa mu mmbili, navutswa yakholwa khuva mwoyo khuvirila mu roho,

VAKORINZO 8:9

Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.

MATAYO 26:39

Yesu yisuundakhu hambeli hatititi; yinama hasi nasaala, “Tata wanje, niiva kanyala khunyalikha, rulitsa shikombe shi linyakhana yishi khwinzi! Liakhava lienya lianje tawe, navutswa lienya liolio likholeshe.”

VIKHOLWA 8:33

Vamuha tsisoni, vuchila khukholelwa katoto. Mundu avulakhuho uliitsa khuvoolakhu shindu shiosi khulondokhana khu vitsukhulu veve? Shichila warulitswa khulilova.”

TITO 2:14

Yesu Kristo yakhutsa shichila khutsi, khu khuhonyinya khurula mu vwoni vwosi, khandi khukhukhola khuve vandu vanihu veve wonyene, vali nu mwoyo ku khukhola malahi.

VAGALATIA 3:13

Navutswa Kristo wa khuvoholola khurula mu shilaamo shinyolekhanga shichila Malako, lwa yakwa shilaamo shichila khutsi. Mahandiko Matakatifu kavoolanga: “Mundu umali khusungwa khu musala, wamala khulaamwa.”

YOHANA 14:31

navutswa khutukha vandu vu mu shivala vamanye ndi nayaanza Tata; khandi kholanga vutswa shia shindu shiosi shia Tata ambolelanga khole. “Hambi nunundi; leshi khuruli havundu hanu.

TSINGANU 15:33

Khuha Nyasaye luyali nako mivaalo karulananga khu vusitsa, khandi nushili khuheelwa luyali uve mwichelihitsi.

YOHANA 15:10

Niiva mulatsililila khulonda malako kaanje, mulatsililila khuva mu vuyaanzi vwanje, khuli lwa nalonda malako ka Tata wanje khandi nzilililanga khuva mu vuyaanzi vwevwe.

MATAYO 26:42

Yesu yarulaho lwa khavili, natsia khusaala, “Tata wanje, niiva shikombe shi linyakhana yishi shinyala khuvula khurulitswaho, khutukha lwa shing'wakhu, lienya liolio likholeshe.”

TSABURI 22:16

Shituma shia vandu vatamanu shimbotokhane; khuli tsisiimbwa mu shituma tsili himbi khundukhakhu; tsinumache makhono kaanje nende vilenje vianje.

LITSUSHITSWA 21:23

mmbili kwenoko kuliitsa khuvula khurikala khu musala vutukhu vwosi. Muliitsa khukuyeveela mu shilindwa khulitukhu lienelo, shichila mundu umali khusungwa khu musala, ali hasi hi shilaamo shia Nyasaye. Muvuli khwononyinya shivala shiu Mwami Nyasaye, uli Nyasaye wenyu amuheetsanga.

MATAYO 17:2

Lwa vali nivashiheenzanga, likoondo lia Yesu liakalukhana: vweni vwa Yesu vwakha khuli liuva, ma tsinguvu tsietsie ni tsiang'ang'a vulavu vunyishi muno.

YOHANA 4:34

Yesu yavavoolela, “Shiukhulia shianje nu khukhola lienya lia woyo wanduma; khandi khurweshitsa muhinzilu kwekwe kwa yamba.

LUKA 9:29

Lwa Yesu yali nasaalanga, likoondo lielie liakalukhana, ma tsinguvu tsietsie nitsiang'ang'a vulavu muno.

VAHEBRANIA 12:4

Lwa muchelitsanga khuli mukuura vwoni mushili khutukhakhu khu shikha shiu khwiirwa.