VAFILIPI 2:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Navutswa yalekha shia shindu shiosi shia yali nashio khurulana khu lienya lielie mwene, nava ni liiva khuli liu murumishi. Yivulwa khuli mundu, khali nalolekha khuli mundu.

VAFILIPI 2:7 Iomraidhean Croise

VAKORINZO 8:9

Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.

MATAYO 20:28

Khali Mwana wu Mundu, shikali yitsa khurumishilwa tawe, navutswa khurumikha, khandi khukhutsa khu vandu vanyishi valivohololwa khurula mu vwoni vwavo.”

YOHANA 1:14

Likhuva liakwa mundu, namenya na khutsi. Yitsula tsimbavasi nende katoto. Khwalola vukhumi vwevwe, vukhumi vwa yali nanyoli khuli Mwana mutelwa warula khu Tata.

VAROMA 8:3

Nyasaye yakhola ka malako kakhaywa khukhola, shichila liiva liu mmbili liali nu vuteteshele. Nyasaye yakhalachila vwoni mu liiva liu mmbili, lwa mwene yaruma Mwana wewe, khwitsa mu liiva khuli liiva liu vwoni liu mundu, khurulitsaho vwoni.

VAGALATIA 4:4

Navutswa lwa litukhu liatoto liali ni liaviritswa liatukha, Nyasaye yaruma Mwana wewe, wu mukhali yivula, wamenya khulondokhana khu Malako,

VAHEBRANIA 4:15

Mukali wa vasalisi voosi wa khuli naye, neye ukhulolelanga tsimbavasi nu khuli vateteshele. Khuluveka lundi, khuli nu Mukali wa vasalisi voosi wachelitswa mu shia shindu shiosi khuli khuchelitswangwa; navutswa shiyakholakhu vwoni vwosi tawe.

VAROMA 15:3

Shikali Kristo yali wayiyaanzitsa mwene tawe. Navutswa khuli Mahandiko Matakatifu kavoolanga, “Manyeko ka mwanyekwa nako khandi ka nanyekwa.”

ISAYA 53:11

Mwami Nyasaye avoolanga, “Namali khuvirila mu linyakhana, aliitsa khuva nu vuyaanzi; aliitsa khumanya ndi shiyanyakhananga shikhaya tawe. Murumishi wanje wihaana nu mwoyo kwosi, wa nayaanzitswa naye, aliitsa khwitiukha lisalilitswa lia vandu voosi khandi niitsa khuvasemeha shichila ye.

VAHEBRANIA 12:2

Leshi khuheenze vulunji vwene khu Yesu, woyo wi lisuuvila lieru lirulakhu khurula muliraanga khutukha mulimalilikha. Yesu, shiyambakhana khukhutsila khu musalaba tawe! Navutswa shichila vuyaanzi vwa yali nalindililanga khunyola; shiyalolakhu ni tsisoni khukhutsila khu musalaba tawe. Yesu wayikhala nunundi khuluveka lu mukhono musatsa khu shisoko shiu vwami shia Nyasaye.

LUKA 22:27

Ni viina mukali, mundu uliitsanga shiukhulia inoho mundu uhaananga shiukhulia? Toto, nu mundu uliitsanga shiukhulia. Navutswa ndi mu munyi khuli murumishi.

VAROMA 15:8

Muvoolelanga ndi Kristo yali murumishi wa Vayahudi, khumanyinya ndi Nyasaye nu musuuvilwa, khandi khurweshitsa lilaaka lia yali ni yalaaka vakuuka vavo;

VAFILIPI 2:6

Kristo yali ni liiva lia Nyasaye shia khase khosi; navutswa shiyenya khwilekhanyinya khu Nyasaye, khuvirila khu tsingulu tsietsie tawe.

ISAYA 42:1

Mwami Nyasaye, uli Nyasaye weru avoolanga, “Uyu neye murumishi wanje wambenzakhu, mundu wa narovola uchilanga ninyanzitswa! Niitsa khumwitsulitsa Roho wanje, naye aliitsa khuchila katoto kakholeshe mu vandu vi tsimbia tsiosi.

TSABURI 22:6

Navutswa inzi ndi vutswa inyende, shindi khuli mundu tawe; ninzi wa vandu vakholelanga shihenye henye, khandi wa vachayanga.

ZAKARIA 9:9

Munyi vandu va Sayoni, mwikhoye muno! Munyi vandu va Yerusalemi, laanjilili nu vuyaanzi! Lolikhu! Mwami wenyu yitsanga khumulola! Yinjilitswangwa nu vuyaanzi khandi wakuura, navutswa nu mwichehitsi khandi achendelanga khu ipunda, khu isushili, shimoli shi ipunda.

MATAYO 12:18

“Loli! Uyu neye murumishi wanje wa narovola, muyaanze wanje, khandi unyanzitsanga. Niitsa khumurumila Roho wanje, naye aliitsa khwilwatsa khu vandu voosi katoto kaanje.

VAHEBRANIA 13:3

Mwitsushitse yavo vavohwa mucheela, khuli mwavohwa mucheela navo. Mwitsushitse yavo vanyashitswangwa, khuli munyakhananga khuli vo vanyakhananga.

VAROMA 1:3

khulondokhana khu Mwana wewe, uli mwitsukhulu wa Daudi, mu vandu vu lwivulu, khuli vandu vivulwangwa;

MARIKO 9:12

Yesu yavachipa, “Ni kilikali, Eliya aliitsa khuraanga khwitsa khurecheshitsa vindu viosi khuli viavetsanga. Navutswa shichila shina Mahandiko Matakatifu kavoolanga Mwana wu Mundu aliitsa khunyakhana muno nu khwambakhanwa?

ZAKARIA 3:8

Yivi Mukali wa vasalisi voosi Yoshwa, nende vasalisi veshie vikhale imbeli wowo, vali khuli shimanyilu shi vindu vilahi viliitsa khwitsa, numuyaanza mumbulishitsi: Niitsa khulera murumishi wanje uli khuli Lusia lu musala.

ISAYA 49:3

Yambolela, “Israeli, nivi murumishi wanje; vandu valiitsa khumba vukhumi shichila yivi.”

VAKORINZO 13:4

Khali niiva nu vuteteshele, navwo vwachila Kristo navambwa khu musalaba, khali nakhutsa, nikhali tsingulu tsia Nyasaye, natsio tsichilanga natsililila khuva mwoyo. Khali khutsi khuli vateteshele khuvirila mu Kristo; navutswa mulihaambana lieru na munyi, khuliitsa khutsililila khuva mwoyo khuvirila mu tsingulu tsia Nyasaye.