VAFILIPI 2:6 - IBIBILIA INDAKATIFU MU LUTIRICHI LWITAKHO NENDE LWISUKHA

⁶ Kristo yali ni liiva lia Nyasaye shia khase khosi; navutswa shiyenya khwilekhanyinya khu Nyasaye, khuvirila khu tsingulu tsietsie tawe.

VAFILIPI 2:6 Iomraidhean Croise

YOHANA 5:18

Nashio shivune shiachila Vayahudi nivakhava khuli vanyala khumwiira, shikali shichila yameneka Malako ki litukhu li Lisabato konyene tawe; navutswa yali uvooli khandi ndi Nyasaye ni Tata wewe, khwilekhanyinya mwene khu Nyasaye.

VAKORINZO 4:4

Shivanyala khusuuvila tawe, shichila nyasaye mutamanu wamihanga shivala shinu, wavikha tsinganakani tsiavo mu shisuundi. Wavikalila khuvula khulola vulavu vuvwashilanga, nuvuli vulavu vurulanga khu Ivanjeli khulondokhana khu vukhumi vwa Kristo, uli ni likoondo liatoto khuli lia Nyasaye.

VAHEBRANIA 1:3

Mwana yang'ang'anga vulavu vu vukhumi vwa Nyasaye; khandi neye likoondo liatoto li liiva lia Nyasaye, ulindanga likulu nende lilova khuvirila mu tsingulu tsi likhuva lielie. Niyakhasemeha vandu voosi khurula mu vwoni vwavo, wayikhala mwikulu khuluveka lu mukhono musatsa ku Mwami Nyasaye.

YOHANA 17:5

Khulwa yako, Tata! Khuminya imbeli wowo nunundi, nu vukhumi vulala vwele vwa nali navwo nivi, shivala nishishili khuloongwa.

LIKHUNULILWA 21:6

Yavoola khandi, “Kamali khuvwa! Ninzi Alufa nende Omega, vuraanjililu nende limalilikha. Shia mundu wosi uli nu vuluhu, neye wa niitsa khuha matsi, ka aliitsa khuvula khurunga, karulanga mu isieveye ihaananga vulamu.

YOHANA 10:30

Inzi nende Tata wanje khuli shilala.”

ISAYA 9:6

shichila mwana umali khwivulwa mu khutsi, khumali khuheelwa mwana wi shiyayi; neye alitsa khuva mwami. Neye aliitsa khulaangwa, “Mukhonyani wu Khuchenyinya,” “Mwami Nyasaye”, “Tata wi Mihika ni Mihika”, “Mwami wi Milembe.”

VAHEBRANIA 13:8

Yesu Kristo neye mulala mwele mukolovo, nunundi khandi mihika ni mihika.

YOHANA 10:33

Vayahudi vachipa Yesu, “Shikali khwenyanga khukhulesa na machina, shichila shiloleshitsu shilala shia wakhola khuvio tawe; navutswa shichila unyekanga Nyasaye; khandi lwa yivi uli mundu vutswa, wikholanga khuva Nyasaye.”

MIKA 5:2

Mwami Nyasaye avoolanga, Navutswa yivi Betselehemu mu lusomo lwa Efuratsa, yivi uli muti mwene mu vandu vi tsinzu tsia Yuda, nikhali mwamihi aliitsa khurula mu yivi uliitsa khwamiha Israeli havukono hanje. Liiva lielie lialiho khurula khale khuraanjila mumatukhu kavira.

VAROMA 9:5

navo vitsukhulu vivulwa na vakuuka vamanyikhana mu Vahebrania; khandi Kristo, khuli lwali mundu arulanga mu vandu vuluhia lwavo. Nyasaye, wamihanga shia shindu shiosi, aheelwi vukhumi mihika ni mihika! Amina.

ISAYA 7:14

Khulwa yako, Mwami Nyasaye mwene aliitsa khukhuha shimanyilu. Lola, mwana wi shikhana muchima aliitsa khuvelekha, nu khwivula mwana wi shiyayi. Naye aliitsa khumukulikha lira Emanweli.

1 TIMOTEO 3:16

Ni kilikali muno, mundu avulakhuho unyala khwambakhana makhuva ku khuchenyinya kaviswa khulondokhana khu idini yeru: Yalolekha mu mmbili khuli mundu, yamanyinywa khuva wi likhola liu vulunji na Roho, khali tsinjelosi ni tsimulola. Yilwatswa khu vandu vi tsimbia tsiosi, vandu nivamusuuvila shia havundu hosi mu shivala, nahilwa mwikulu khuvirila munjila yu vukhumi.

YOHANA 20:28

Tomasi yamuchipa, “Mwami wanje khandi Nyasaye wanje!”

YOHANA 10:38

Navutswa niiva kholanga vindu vienevo, khali niiva mwayambakhana khusuuvila mwinzi, musuuvile mu vikholwa vianje viakholanga, khu mumanye ndi Tata ali mwinzi, ninzi ndi mu Tata.”

VAHEBRANIA 1:6

Navutswa lwa Nyasaye yaruma Mwana wewe mukhulundu mu shivala, yavoola, “Nu vulahi tsinjelosi tsia Nyasaye tsiosi khusaala khuye.”

TITO 2:13

lwa khulindililanga Litukhu liakasitswa lia khwasuuvilitswa, lwa vukhumi vwa Nyasaye weru wi tsingulu khandi vu Muhonyinyi Yesu Kristo vuliitsa khulolekha.

MATAYO 1:23

“Loli! Mwana wi shikhana muchima aliitsa khuvelekha nu khwivula mwana wi shiyayi. Aliitsa khukulikhwa lira Imanuweli” (kavoolanga, “Nyasaye ali na khutsi.”)

YOHANA 14:9

Yesu yachipa, “Filipu, namenya na munyi voosi khumatukhu manyishi; navutswa kanyala khuva mwangorwa? Mundu walolakhu inzi walola Tata. Khulwa yako, unyala khuvoola munjila shina, ‘Khumanyinyi Tata’?

YEREMIA 23:6

Mumatukhu ka nave niyamihanga, vandu va Yuda valiitsa khuhonyinya; khandi Vaisraeli valiitsa khumenya mu vulindi vulahi. Mwitsukhulu mwenoyo aliitsa khulaangwa, ‘Mwami Nyasaye neye likhola liu vulunji lieru.’

ISAYA 8:8

Kaliitsa khuhilana shia shindu shiosi mu shivala shia Yuda, nikasumeela khandi nikakhunikha shia shindu shiosi. “Yivi Emanweli, tsimbaha tsiotsio tsiliitsa khuvambukha nitsikhunikha shivala shienyu!”

VAHEBRANIA 1:8

Navutswa khulondokhana khu Mwana, yavoola: “Yivi Nyasaye, shisoko shiu vwami shiliho mihika ni mihika! Wamihanga vandu vovo khulondokhana khu katoto.

YOHANA 5:23

khu, voosi vahe Mwana luyali, munjila indala yene khuli vaheetsanga Tata luyali. Mundu wambakhananga khuha Mwana luyali, shiaheetsanga Tata wamuruma luyali tawe.

ZAKARIA 13:7

Mwami Nyasaye wi Mikaanda Chiliihe avoolanga, “Yivi shivavi, kholakhu shindu khu mwayi, nali mundu ukhonyanga muhinzilu! Yiira mwayi, makondi kasalane; nasalilitsa vandu vaanje.

YOHANA 14:28

Mwahulila nimuvoolela, ‘Ndulaho, navutswa niitsa khukalukha khu munyi.’ Muva numwanyanza, mwakhasangali shichila nzitsanga khu Tata wanje; lwa Tata ali nu vunyali vunyishi khumbira.

YOHANA 1:18

Mundu avulakhuho walola Nyasaye. Navutswa, Mwana wewe mutelwa, uli khuli Nyasaye khandi uli khuluveka lwa Tata, wamulomba khumanyikhana.

1 TIMOTEO 1:17

Luyali nende vukhumi viheelwi khu Mwami wi mihika ni mihika, uli mwoyo khandi unyala khuvula khulolekha, uli Nyasaye wonyene mihika ni mihika! Amina.

VAKORINZO 8:9

Mwamanya vikholwa khulondokhana khu tsimbavasi tsiu Mwami weru Yesu Kristo. Khali niiva yali muhinda, yikhola khuva mumanani shichila munyi, khu khuvirila mu vumanani vwevwe muve vahinda.