VAFILIPI 2:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Muvuli khukholakhu shindu shiosi khulondokhana khu likomba liu khwiyenyela vindu inoho likomba liu khwichinjilila vutswa; navutswa muve vichehitsi khu vandi, vuchila khukanakana muli valahi muno khuvira vandi.

VAFILIPI 2:3 Iomraidhean Croise

VAROMA 12:10

Muyaanzane vene khuvene khuli vasuuvili, khandi muheelelane luyali.

VAGALATIA 5:26

Chendi khuleshe khwilola, khuleshe khurindilana vene inoho khushendeshelana.

VAEFESO 5:21

Muve vichehitsi, shichila nakhwo khuha Kristo luyali.

VAEFESO 4:2

Shia khase khosi muve vichehitsi, vahoma khandi vitsumishitsi. Manyinyi vuyaanzi vwenyu khu shia mulala, vuchila khulolelakhu vandi vurima.

1 PETRO 5:5

Munjila indala yeneyo, munyi vasatsa vavukha, muve vichehitsi khu vasakhulu. Munyi voosi mwichehitsane vene khuvene, khandi murumishile vandi; shichila Mahandiko Matakatifu kavoolanga, “Nyasaye ahinganyinyanga vandu vilola, navutswa alolelanga tsimbavasi vandu vichehitsi.”

VAFILIPI 2:14

Mukhole shia shindu shiosi, vuchila khwililila inoho khuhangalitsana mulilomoloma,

VAGALATIA 5:15

Navutswa niiva munyala khulolekha khuva khuli tsinyama tsiumbulimu, khulumana nu khusalilitsana tsiene, khu muheenze vulahi, inoho munyala khutivitsana vene.

1 TIMOTEO 6:4

mundu mwenoyo, anyala khuva wayichinjilila muno khandi shindu shivulakhuho shia yamanya. Nu mundu wayaanza mahangali khandi khulembana mutsimbakha tsia vutswa; tsichilanga nu khuva ni imbotokha, mahingani, manyeko khandi khwihaya hayitsa khutamanu,

LUKA 18:14

Muvoolelanga ndi musololi wu vushuru yakalukha ingo wewe nakholelwi khuva wi likhola liu vulunji khuvira Mufarisayo woyo; shichila mundu wikalihitsanga mwene khuvira vandi, aliitsa khuchehitswa, navutswa mundu wichehitsanga mwene, aliitsa khukalihitswa.”

TSINGANU 13:10

Mundu wilola achilanga lilembana livaho, navutswa vandu vahuchililanga khukhonywa inganakani vavetsanga nu vusitsa.

VAKOLOSAI 3:8

Navutswa nunundi mulekhane ni vindu vienevo viosi: vurima, vululu, nende tsinganakani tsiu khuhimana. Muvuli khunyekanakhu inoho khulomoloma vindu vitamanu.

VAKORINZO 12:20

Ndi nu vuri ndi lwa nzitsa yaho, shinyala khumunyola khuli nyenyanga muve, --------------------------------------------------------------------------------khandi shimunya khunyola khuli mwenyanga inzi mbe nindi tawe. Ndi nu vuri haundi khuliho nililembana, lishiendekha, vurima, liavukhana, vwimani, vumoonyani, vwichinjililu nende vukoyani mu munyi.

1 VAKORINZO 3:3

shichila mushili vandu vu mu shivala shinu. Lwa munyi vene muli nimbotokha khandi mwamenya nu mulembananga, shikamanyinyanga mumenyanga khuli vandu vu mu shivala shinu, khandi muli nu mwiima khuli kwa vandu vu mu shivala shinu?

1 VAKORINZO 15:9

Ndi murumwa mutititi mwene mu mihinzilu chia varumwa vakholanga mu varumwa vandi voosi; khali shindushili khulaangwa murumwa tawe; shichila natambitsanga likanisa lia Nyasaye.

VAROMA 13:13

Chendi khumanyinyi mwiima mulahi, khuli vandu va khumenyanga mu vulavu vu mbasu kwi litukhu, khuvuli khukorela mulisieva inoho khutanda, mu shifwavi shiu vuheeyi nende mu shifwavi, mulikwana inoho khushendekha.

VAROMA 2:8

Navutswa yavo vali vimani, vambakhananga khulonda katoto, navutswa vayaanzilila khukhola vutamanu, navo va Nyasaye aliitsa khulolela vurima nu khuvasalilitsa.

VAKOLOSAI 3:12

Khulwa yako, lwa muli vandu va Nyasaye yarovola, vamenyanga mu vutakatifu, khandi va yayaanza, muve nu mwoyo kwi tsimbavasi, mwoyo mulahi, nu vwichehitsi, vuhoma nende likhutsila.

1 PETRO 3:8

Lukhumalilikha, munyi voosi muve nu mwoyo mulala, khandi inganakani indala. Muyaanzane vene khuvene khuli vasuuvili; khandi muve vandu vi mioyo milahi khandi vichehitsi.