VAFILIPI 2:16 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁶ lwa muvavoolelanga likhuva lihaananga vulamu. Niiva muliitsa khukhola ndio, niitsa khuva ni shivune shinyala khukhola nzilole, shichila munyi Khulitukhu lia Kristo aliitsa khukalukha; shichila kaliitsa khumanyinya ndi tsingulu tsianje nende muhinzilu kwanje shiukwali kwi shikhaya tawe.

VAFILIPI 2:16 Iomraidhean Croise

1 VAKORINZO 9:26

Nako kachilanga ninzilukhaka vulahi vwene khutukha khu mukoye; khandi nako kachilanga nimba khuli mukwani wi tsingumi, ukhahuutsanga tsingumi tsietsie mu vushindu tawe.

VAGALATIA 2:2

Nasimukha ninzia shichila Nyasaye yali umali khumanyinya malolo ku khutsia. Ninzi wavoolela vimilili vi shikhaalo shiu muvwivisi makhuva khulondokhana khu Ivanjeli ya nzilwatsanga khu vandu vi tsimbia tsindi. Nakhola ndio, nindi ni lienya ndi muhinzilu kwanje kwa nali ninakhola mumatukhu kavira, inoho mumatukhu kanu kuvuli khuva kwi shikhaya.

1 YOHANA 1:1

Khumuhandichilanga makhuva khulondokhana khu Likhuva lihaananga vulamu, lialiho khurula muliraanga. Khwalihulila, khandi nu khulilola vene ni tsimoni tsieru. Ni kilikali khwalilola, khandi nu khulitiilakhu na makhono keru.

VAKORINZO 1:14

khuli mumanyikhu hatititi. Muliitsa khwilola shichila khutsi, khuli khutsi khwilolelanga munyi Khulitukhu liu Mwami Yesu aliitsa khukalukha.

YOHANA 6:68

Simoni Petro yamuchipa, “Mwami Yesu, ni viina wa khutsiakhu? Nivi uli na makhuva kahaananga vulamu vwi mihika ni mihika.

1 VATESALONIKE 3:5

Nashio shivune shiachila ninduma Timoteo. Shinali nanyala khwikhutsila khandi tawe. Khulwa yako, namuruma khutsia khuheenza alole khuli mutsilililanga mu lisuuvila lienyu; shichila naria ninganakana ndi Shetani umali khumuchelitsa, khandi muhinzilu kweru nu kwi shikhaya.

YOHANA 6:63

Roho neye uhaananga vulamu; tsingulu tsiu mmbili tsivula vukhonyi vwosi. Makhuva kamuvoolele nako kachilanga numunyola Roho nende vulamu.

LUKA 12:8

“Muvoolelanga ndi mundu uvoolanga havulavu imbeli wa vandu nu wanje, Mwana wu Mundu aliitsa khukhola malala mele khuye imbeli wi tsinjelosi tsia Nyasaye.

VAHEBRANIA 4:12

Likhuva lia Nyasaye lili nu vulamu nende tsingulu; ni liuchi khushila muno, khuvira shivavi shiuchi tsimbeka tsiosi. Likhalaakanga khuvirila shia havundu hosi, khali ha murima nende mwoyo viakanilanga, wa vikuumba nende vuhaale vwi vikuumba viakanilanga. Likhalachilanga likomba nende tsinganakani tsili mu mwoyo ku mundu.

1 PETRO 1:23

Mwayivulwa vuyia khuvirila mu likhuva lia Nyasaye lili mwoyo, khandi litsilililanga khuvaho, shikanyala khuva khuli vaana vu mundu vatushili khukhutsa tawe, navutswa khuli vaana vu mundu unyala khuvula khukhutsa mihika ni mihika.

1 VATESALONIKE 2:19

Khali ndio, lwa Mwami Yesu aliitsa khukalukha, ni vanga viina nikakhali munyi valiitsa khukhuha lisuuvilitswa, vakhukhole khuva nu vuyaanzi khandi vave khuli itaachi yeru yu vukhumi!

VAGALATIA 4:11

Muheendelanga mwoyo! Kanyala khuva namalila vwiyangu vwanje khu munyi!

ISAYA 49:4

Navutswa navoola, “Mali khukhola muhinzilu kwi shikhaya, namala tsingulu tsianje vutswa khandi mbula vukhala vwosi. Khali ndio, Mwami Nyasaye aliitsa khukholela katoto, aliitsa khundunga shihanwa khurulana khu kakholanga.”

TSABURI 71:17

Nivi wanzechitsa khurula nishili muvukha, khandi shilanditsanga vikholwa viovio viu khuchenyinya.

LIKHUNULILWA 22:17

Roho nende Mwiiha vavoolanga, “Hambi!” Shia mundu wosi uhulilanga makhuva yaka khandi avoole, “Hambi!” Shia mundu wosi uli nu vuluhu, hamba! Shia mundu wosi uli ni lienya, ahuchilile matsi kahaananga vulamu khuli shihanwa shi shikhaya.

VIKHOLWA 13:26

“Munyi Vaisraeli vashianje, vitsukhulu va Aburahamu, nende vandu vi tsimbia tsindi voosi vamuli hanu vasaalanga khu Nyasaye, nyenyanga khumuvoolela ndi likhuva khulondokhana khu vuhonyinyi vwenovo liarumwa khu khutsi!

MATAYO 10:27

Ka muvoolelanga mu shisuundi, muliitsa khukavoola havulavu; khandi ka muliitsa khuhulila nikamoonywangwa, muliitsa khukalanditsila mu visechese vi tsinzu.

TSABURI 40:9

Mwami Nyasaye, mali khulanditsa makhuva malahi kukhusangala khulondokhana khu vuhonyinyi imbeli wi shikhaalo shia vandu vanyishi. Mwami Nyasaye, khuli lwa yivi mwene umanyi, shili khwiyikalilakhu khulanditsa.

1 VAKORINZO 1:8

Nyasaye alatsililila khumuha tsingulu tsiu khusinjila khutukha khulitukhu liukhumalilikha, khu muvuli khunyolekhana nu vutamanu vwosi Khulitukhu liu Mwami weru Yesu Kristo.

VAFILIPI 1:6

Khulwa yako, ndi ni lisuuvilitsa ndi Nyasaye wraanjitsa muhinzilu mulahi yuku mu munyi, alatsililila khukukhola khutukha lwa akurweshitsa Khulitukhu lia Yesu Kristo aliitsa khukalukha.

VAFILIPI 1:10

khu muve nu vunyali vu khurovola khukhola malahi; khu muliva vavoholole khurula mu vindu vionekha nende vutamanu vwosi, khandi muvuli khuva nu vwoni vwosi Khulitukhu lia Kristo aliitsa khukalukha.