VAFILIPI 2:12 - IBIBILIA INDAKATIFU MU LUTIRICHI LWITAKHO NENDE LWISUKHA

¹² Khulwa yako, valina vaanje va nayaanza, lwa namenyanga na munyi, shia khase khosi mwalondanga malako kaanje; khali vuliitsa khuva vulahi muno, niiva mulalonda malako kaanje nunundi lwa mbulaho. Mutsililile khukhola mihinzilu numuria khandi numutechela khu muhonyinywi mu vwatoto;

VAFILIPI 2:12 Iomraidhean Croise

1 VAKORINZO 15:58

Khulwa yako, vasuuvili vashianje va nayaanza, mutsililile khusinjila ni tsingulu nu khulekha khuhaya haya. Muvuli khukoyanyinywa! Shia khase khosi mutsililile khukhola ni tsingulu muhinzilu ku Mwami, shichila mwamanya vulahi ndi muhinzilu kwosi kwa mukholanga mu Mwami, shiukuliitsa khuva kwi shikhaya tawe.

VAHEBRANIA 4:11

Khulwa yako, nu vulahi nu khuchelitsi khunyola lihulukha lienelo; khulivula khuva nu mundu mu khutsi, uliitsa khukhaywa khunyola lihulukha lienelo, khuli vo vakhaywa, shichila vambakhana khusuuvila.

1 PETRO 2:11

Valina vaanje va nayaanza, musayanga numuyaanza, khuli lwa muli vandu vilushila mu shivala shinu, mulekhane ni likomba li mivili, likwananga mioyo chienyu shia khase khosi.

MATAYO 11:29

Muhuchilile muchochi kwanje khandi mweche khurula khwinzi; shichila ndi muhoma khandi mwichehitsi mu mwoyo; khumunyole lihulukha mu mioyo chienyu.

VAFILIPI 1:27

Shindu shikali shili ndi khutukha mumenye khulondokhana khuli Ivanjeli ya Kristo yenyanga; khu khali niiva nyala khwitsa inoho mbuli khwitsa khumulola, nilihulila ndi mwasinjila ni tsingulu mu liiva lilala khandi muli ni likomba liu khukhola halala mihinzilu; shichila lisuuvila lirulanga khu Ivanjeli.

ISAYA 66:2

Ninzi mwene walomba vindu yivi viosi, viosi ni vianje. Navutswa nyanzitswangwa nu mundu uli mwichehitsi khandi uheendanga mwoyo, umbetsanga luyali nalonda likhuva lianje.

2 PETRO 3:18

Navutswa mutsililile khumenya mu tsimbavasi nende vucheli vu Mwami, uli Muhonyinyi Yesu Kristo. Vukhumi vuve khuye, nunundi khandi mihika ni mihika! Amina.

VAHEBRANIA 5:9

Lwa Yesu yakholwa museletse, yamanya nakwa shirula shiu vuhonyinyi vwi mihika ni mihika khu vandu voosi valondanga malako keke.

2 TIMOTEO 2:10

Khulwa yako, nzikhutsilanga shia shindu shiosi, shichila vandu va Nyasaye yarovola, khu khali vo vanyole vuhonyinyi khuvirila mu Yesu Kristo nu vukhumi vwi mihika ni mihika.

TSINGANU 13:4

Mundu mukaara yikombanga anyole shindu navutswa avulakhu shianyala khunyola; navutswa mundu wu kholanga mihinzilu ni tsingulu anyolanga vindu vinyishi.

VAHEBRANIA 4:1

Khulwa yako, lwa lilaaka liu khwinjila mu shivala shia khulihulushilamu lishitsilililanga khuvaho, chendi khuve vacheli khu mundu avuli khuvakhuho mu munyi, uliitsa khukhaywa khunyola lihulukha lia khwalaakwa lienelo;

VAHEBRANIA 12:1

Khulwa yako, lwa shituma shikali shia vashiahidi shikhuvotokhane, leshi khulekhane ni shindu shiosi shinyala khukhulitohitsa, khali vwoni vwa khukwitsamu. Leshi khwilukhache khuvirila mu likhutsila mu maliviri kali imbeli weru.

VAFILIPI 4:1

Khulwa yako, vasuuvili vashianje, mwanyanzitsa khandi ndi namahulu ku khumulolakhu! Munombanga mba nu vuyaanzi, nu khwilola shichila munyi! Vasuuvili vashianje va nayaanza, nindio khandi mwenyekhanga musinjile ni tsingulu mu limenya lienyu mu Mwami.

VAROMA 2:7

Vandu vachelitsanga khukhola malahi khuvirila mu vwikhutsili, nivakhava khuheelwa vukhumi, luyali, khandi khuvula khukhutsa, navo va Nyasaye aliitsa khuha vulamu vwi mihika ni mihika.

1 VATESALONIKE 1:3

Lwa khusaalanga shia khase khosi, khuvoolelanga Nyasaye, uli Tata weru makhuva khulondokhana khu lisuuvila lienyu nende muhinzilu kwenyu ku vuyaanzi, khandi lisuuvilitswa lienyu lia muli nalio khumatukhu koosi khuvirila mu Mwami weru Yesu Kristo.

VAFILIPI 1:29

Mwaheelwa vwiyangu vu khurumishila Kristo, shikanyala khuva khusuuvila muye khwonyene tawe; navutswa khali khunyakhana shichila ye.

TSABURI 119:120

Mmbili kwanje kutechelanga shichila nakhuria yivi; khali naria lwa ukhalachilanga vandu.

TSABURI 2:11

Murumishile Mwami Nyasaye nu khumuha luyali; khali mwikhoye numutechela.

VAKORINZO 7:15

Khulwa yako, ali nu vuyaanzi vunyishi muno shichila munyi, lwa yitsushitsanga khuli munyi voosi mwirechekha khulonda mivaalo keke, khuli mwamwinjilitsa nu vuyaanzi muno.

1 VAKORINZO 2:3

Niitsa khu munyi nindi nu vuteteshele, ninaria khandi natechelanga.

VAEFESO 6:5

Munyi varukwa, mwichehitsili varuchi venyu vu mu shivala shinu khandi muvahulili; mukhole ndio nu mwoyo kwatoto, khuli murumishilanga Kristo.

ISAYA 66:5

Hulishitsi likhuva liu Mwami Nyasaye, munyi va mumuheetsanga luyali khandi mulonda malako keke, “Lwa muli vasuuvilwa khwinzi, valala khu vamwavo venyu vamuhimanga, khandi vavula shia vamuheendelanga mwoyo. Vamukholelanga shihenye henye nivavoola, ‘Leshi Mwami Nyasaye aheelwi vukhumi, khu khulole vuyaanzi vwenyu’; navutswa navo valiitsa khutamanyinywa.

TSINGANU 10:16

Murungu ku mundu wi likhola liu vulunji kuchilanga anyola vulamu, navutswa ku mundu mutamanu akholanga kachilanga vwoni nu vuvaho.

MATAYO 11:12

Khurula mumatukhu ka Yohana Mubatisi yilwatsa likhuva lielie khutukha nunundi, Vwami vu mwikulu vwanyakhana muno; khandi vandu vavukwananga nivachelitsa khuvuvukula ni tsingulu.

EZIRA 10:3

Khulwa yako, leshi khukhole lilakano na Nyasaye weru liu khulekhana na vakhali va khwahila voosi nende vaana vavo. Khulalonda inganakani yoyo yu vukhonyi khandi ya vandu vaheetsanga malako ka Nyasaye weru luyali vakhuvoolela khulonde. Shia shindu shiosi shiliitsa khwikholekha khulondokhana khu malako.

VAFILIPI 1:5

khulondokhana khuli mwakhonya khwilwatsa Ivanjeli, khurula khulitukhu liu khuraanga khutukha nunundi.

VIKHOLWA 9:6

Navutswa sinjila utsi mu litaala likali, wa uliitsa khuvoolelwa ka ukhola.”

VAFILIPI 2:19

Niiva ni lienya liu Mwami, suuvilanga niitsa khuruma Timoteo khu munyi vwangu yuvu, khu makhuva khulondokhana khu munyi kandinyilitsi.

1 VAKORINZO 4:14

Shikali muhandichilanga makhuva yaka khulu khumuha tsisoni tawe; navutswa khumuchelihitsa, lwa muli vaana vaanje va nayaanza.

VAFILIPI 4:15

Munyi Vafilipi mwamanya vulahi vwene ndi lwa narula mu lusomo lwa Mekadonia mumatukhu ku khuraanga ku khwilwatsa Ivanjeli, munyi navo vandu vi likanisa vonyene vamwakhonya. Munyi navo vonyene va khwasanga navo mu vindu via nanyolelakhu vukhala khandi via nakoritsa.

VIKHOLWA 16:29

Musikali wu mucheela yalaanga vamulerele itaaha, niyinjilamu vwangu. Yakwa ha vilenje via Paulu nende Sila natechelanga.

VAFILIPI 1:6

Khulwa yako, ndi ni lisuuvilitsa ndi Nyasaye wraanjitsa muhinzilu mulahi yuku mu munyi, alatsililila khukukhola khutukha lwa akurweshitsa Khulitukhu lia Yesu Kristo aliitsa khukalukha.