TSABURI 127:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Vaana ni shihanwa shirulanga khu Mwami Nyasaye; vaana ni tsikhaavi tsieru tsiatoto.

TSABURI 127:3 Iomraidhean Croise

LITSUSHITSWA 28:4

“Muliitsa khukasitswa nu lwivulu lunyishi lwa vaana venyu, viraakwa mu milimi chienyu, miruku minyishi, vive ni tsing'ombe inoho makondi.

SAMWELI 1:27

Nasaala nyole mwana uyu; khandi Mwami Nyasaye ukholele ka nali nindevi akholele.

ISAYA 8:18

Ndi hanu na vaana vu Mwami Nyasaye wi Mikaanda Chiliihe yamba. Khuli vutswa khuli vilolelo nende vimanyilu mu Israeli khurula khu Mwami Nyasaye, wumenyanga khu Shikulu shia Sayoni.

LIRAANGA 48:4

Nyasaye yambolela, ‘Niitsa khukhukhola khwivula vaana vanyishi, khu vitsukhulu vovo valiva vandu vi tsimbia tsinyishi. Niitsa khuha vitsukhulu vovo shivala yishi khuva shiavo vene mihika ni mihika.’ ”

LIRAANGA 33:5

Lwa Esau yaheenza, nalola vandu vakhali nende vaana vavo, yareeva, “Ni vandu shina vuli halala navo yava?” Yakobo yamuvoolela “Mwami, navo vaana va Nyasaye yandolela tsimbavasi namba.”

LIRAANGA 1:28

Yavakasitsa navoola, “Mwivulane mushili mamuve nu lwivulu lunyishi, khu vitsukhulu venyu valimenya shia havundu hosi khulilova nu khuliamiha. Muheetsanga vunyali vu khwamiha tsisutsi, manyonyi nende tsinyama tsiumbulimu.”

LIRAANGA 24:60

Vasaalila Rebeka tsikhaavi; nivavoola, “Yivi mwana wi shikhana weru, Khwikombanga ulivula vandu vanyishi mu tsimilioni! Vitsukhulu vovo khumenya mu mataala ka vatsiku vavo!”

1 TSINYINGA 28:5

Yachila ninzivula vaana vanyishi. Khurula muvo voosi, yarovola Solomoni khwamiha Israeli, nuvuli vwami vu Mwami Nyasaye.

ISAYA 13:18

Vura vwavo vuliitsa khumulula vayayi vavukha; valiitsa khuvula khuvela tsimbavasi vaana inoho khulolela tsindana.

LIRAANGA 4:1

Adamu vali na Hawa; Hawa yaheelitsa niyivula mwana wi shiyayi, namukulikha lira Kaini. Yavoola, “Mwami Nyasaye umbeele tsingulu tsiu khwivula mwana wi shiyayi.”

LITSUSHITSWA 28:11

Mwami Nyasaye aliitsa khuchila mwivulane mu vunyishi, muve ni tsing'ombe tsinyishi khandi viraakwa vinyishi mu shivala, shia yali niyalaaka aliitsa khuha vakuuka venyu.

VAKHALACHI 12:9

Ibuzani yali na vaana veve vi shiyayi makhomi kavaka nende vi shikhana makhomi kavaka. Ibuzani yahuchilila vaana veve vi shikhana khutsia lukhali mu tsinzivulu tsindi, khandi nalerela vaana veve vi shiyayi vakhali makhomi kavaka khurula mu tsinzivulu tsindi. Ibuzani yimilila Israeli khumihika saba,

2 SAMWELI 3:5

Mwana muyayi wa sita yalaangwangwa Iturehamu, wa yivula khu Egula. Daudi yivula vaana venavo voosi lwa yali namenyanga mu litaala lia Heburoni.

1 TSINYINGA 8:40

Vaana vi shiyayi va Ulamu, vali vayechela khukwana khandi vali vamanya khukwanila vura. Yivula vaana vi shiyayi nende vakuuka imia indala na makhomi karanu. Yava voosi navo vandu vuluhia lwa Benyamini.

AYUBU 1:2

Ayubu yali wayivula vaana vi shiyayi saba nende vi shikhana vavaka.