NEHEMIA 9:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ “Walola khuli vakuuka veru vanyakhanilanga mu shivala shia Misri; khandi nuhulila khuli valilanga nivenya khukhonywa ha Inyanza ya Imuuchi.

NEHEMIA 9:9 Iomraidhean Croise

VIKHOLWA 7:34

Ni kilikali, mali khulola khuli vandu vaanje vatambitswangwa mu shivala shia Misri. Mali khuhulila khuli valilanga, khandi nakhitsa khuvavoholola. Hamba nunundi; nzitsanga khukhuruma mu shivala shia Misri.’

KHURULA 3:16

Simukha utsi khulaanga vimilili va Vaisraeli, nu khuvavoolela ndi Mwami Nyasaye, uli Nyasaye wa vakuuka venyu, Nyasaye wa Aburahamu, Isaka nende Yakobo undoleshele, navoola, ‘Mali khulola vindu vikholekhanga khu munyi, khandi khuli Vamisri vamukholanga mu shivala shiavo.’

KHURULA 2:25

Nyasaye yaheenzeshitsa Vaisraeli, namanya liiva liavo khuli vanyakhananga mu vurukwa.

KHURULA 14:31

Lwa Vaisraeli valola tsingulu tsiu khuchenyinya tsiu Mwami Nyasaye, yarumishila khukuura Vamisri, Vaisraeli varia Mwami Nyasaye, manivasuuvila mu Mwami Nyasaye khandi mu murumishi wewe Musa.

EZEKIELI 20:6

Khulitukhu lienelo, ninzi wavisuuhila ndi niitsa khuvarulitsa mu shivala shia Misri, nu khuvahila mu shivala shia nali ninarovola niitsa khuvaha, shivala shili ni lilova lilahi khandi linuulu nende vushi, shivala shilahi khuvira vivala vindi viosi.

VIKHOLWA 7:7

Navutswa niitsa khusalilitsa vandu va valiitsa khukholela muhinzilu khuli varukwa. Mihika chienecho nichimali khuvira, valiitsa khurula mu shivala shienesho khwitsa khusaala khwinzi havundu hanu.’