NEHEMIA 9:8 - IBIBILIA INDAKATIFU MU LUTIRICHI LWITAKHO NENDE LWISUKHA

⁸ Walola nu musuuvilwa mu mwoyo kwekwe khu yivi; nukhola lilakano naye. Nivi walaaka uliitsa khumuha shivala shia Vakanaani, shia Vaahitse nende Vaamori, Vaperetsi, Vayeebusi, Vagirukashi, khuva shivala shia vitsukhulu veve valiitsa khumenyamu. Warweshitsa lilaaka liolio, shichila uli musuuvilwa.

NEHEMIA 9:8 Iomraidhean Croise

VAHEBRANIA 6:18

Nyasaye shianyala khuvoola vuvehi tawe! Lilaaka nende lisuuha lielie, ni vindu vivili vinyala khuvula khukalukhanyinywa. Khwilushilanga mu Nyasaye, khu khumenye mu milembe. Lilaaka lielie lienyekhanga khutinyilitswa, khu khunyole khuvirila mu lisuuvilitswa shindu shili imbeli weru.

LIRAANGA 15:6

Abramu yasuuvila mu Mwami Nyasaye; ma Mwami Nyasaye namuhuchilila khuva wi likhola liu vulunji imbeli wewe.

YOSHWA 23:14

“Khulwa yako, nakhava himbi khukhutsa nunundi. Shia mundu wosi khu munyi wamanya mu mwoyo kwekwe, khandi mu liiva lielie liosi ndi Mwami Nyasaye wamuha vindu viosi vilahi, via yali niyamulaaka alamuha. Shia lilaaka liosi lia yamulaaka warweshitsa; lilako livulakhuho lia yavula khurweshitsa.

LIRAANGA 12:7

Nalwo lwa Mwami Nyasaye yalolekha khu Abramu, namuvoolela, “Niitsa khuha vitsukhulu vovo shivala yishi.” Abramu yumbakha havundu henaho vwaali vu Mwami Nyasaye, wali ni yalolekha khuye.

1 YOHANA 1:9

Navutswa niiva khuliitsa khwiyema havulavu khwakhola vwoni, Nyasaye nu musuuvilwa khandi nu wi likhola liu vulunji; khandi aliitsa khukhusemeha khurula mu vwoni vweru khandi akhutakase khurula mu vindu vitamanu viosi.

VAHEBRANIA 11:17

Lisuuvila nalio liachila Aburahamu niyenya khuhaana khuli shihanwa shiu musango mwana wewe Isaka, lwa Nyasaye yamuchelitsa. Aburahamu neye wa Nyasaye yalombela lilaaka, khali niiva yirulitsa vwangu khuhaana mwana wewe wonyene Isaka khuli shihanwa shiu musango.

TITO 1:2

khulondokhana ni lisuuvilitswa liu vulamu vwi mihika ni mihika. Nyasaye, wambakhana vuvehi, yakhulaaka vulamu yuvu shivala, nishishili khuraanga khuloongwa.

VIKHOLWA 13:22

Lwa Nyasaye yamurulitsa khu vwamihi, yamihitsa Daudi khuva mwami. Yaka nako ka Nyasaye yavoola: ‘Mali khunyola ndi Daudi mwana wa Yese neye mundu unyanzitsanga mu mwoyo. Aliitsa khukhola shia shindu shiosi shia niitsa khumuvoolela akhole.’

YOSHWA 11:23

Yoshwa yavukula ni tsingulu shivala shiosi, khuli Mwami Nyasaye yali niyavoolela Musa akhole. Yoshwa yashihaana khu Vaisraeli, khuva shiavo vene, khandi nakavulamu mu tsisomo, shia luhia nulunyola lusomo lulala. Khulwa yako, Vaisraeli vahulukha vuchila khwakana muliihe.

YOSHWA 11:3

Yarumana likhuva khandi khu Vakanaani, vali nivamenya khu tsimbeka tsiosi tsivili tsiu Muchela kwa Yorodani, khu Vaamori, Vaahitse, Vapeerizi, nende Vayeebusi vali nivamenya mu shivala shi vikulu, khali khu Vaahivi vamenyanga hasi hi Shikulu shia Herimoni mu lusomo lwa Mizipa.

YOSHWA 9:1

Makhuva khuli Vaisraeli, vali nivakuuri kamanyikhana khu vami voosi, vamihanga khuluveka luli imbo wu Muchela kwa Yorodani—yavo vamenyanga mu vikulu, hasi hi vikulu, khandi khuluchinga mu lwomera lwi Inyanza ya Meditarenia, khali khutsia khutukha khuluveka luli ivuluka wi shivala shia Lebanoni; yava navo vali vami va Vaahitse, Vaamori, Vakanaani, Vapeerizi, Vaahivi, nende Vayeebusi.

LITSUSHITSWA 26:3

Muliitsa khutsia khu musalisi wu kholanga muhinzilu khulitukhu lienelo; ma mumuvoolele, ‘Sanditsanga Mwami Nyasaye, uli Nyasaye wanje nunundi, shichila mali khwinjila mu shivala, shia yali niyalaaka aliitsa khuha vakuuka veru.’

LITSUSHITSWA 9:5

Shikali mutsitsanga khuvukula shivala shiavo shienesho, shichila muli valunji inoho valahi tawe; navutswa shichila vwoni vwa vandu venavo navwo vuchilanga Mwami Nyasaye, navakhunga mu shivala shiavo, shia yisuuha nalaaka aliitsa khuha vakuuka venyu Aburahamu, Isaka nende Yakobo.

LITSUSHITSWA 7:1

“Mwami Nyasaye, uli Nyasaye wenyu, aliitsa khumulera mu shivala, shia muli himbi khwinjila mumenyamu; khandi aliitsa khumukhunjila vandu vi tsimbia tsindi tsili ni tsingulu tsinyishi khumuvira: vandu vi tsimbia tsia Vaahitse, Vagarigashi, Vaamori, Vakanaani, Vaperezi, Vaahivi nende Vayeebusi.

LIVALITSWA 23:19

Nyasaye shiali khuli mundu, witsula vuvehi; Inoho khuli mwana wu mundu, unyala khukalukhanyinya ka yenyanga khukhola tawe. Namali khulaaka khukhola, akholanga; namali khulomoloma, kikholekhanga.

KHURULA 3:17

Mali khulaaka ndi niitsa khumurulitsa mu shivala shia Misri, wa vamunyashitsilanga, khumuhila mu shivala shilahi khandi shi lilova linuulu, nende vushi -- nishili shivala shia Vakanaani, Vaahitse, Vaamori, Vapeerizi, Vaahivi nende Vayeebusi vamenyamu.

KHURULA 3:8

Mali khwitsa khuvahonyinya khurula khu Vamisri, nu khuvarulitsa mu shivala shia Misri, khuvahila mu shivala shi lilova lilahi khandi linuulu, nende vushi -- shivala shia Vakanaani, Vaahitse, Vaamori, Vapeerizi, Vaahivi nende Vayeebusi vamenyamu.

LIRAANGA 22:12

Injelosi yavoolela Aburahamu, “Lekha khusalilitsakhu mwana wi shiyayi uyu inoho khumukholakhu shindu shiosi. Manyi vulahi ndi uheetsanga Nyasaye luyali, shichila wirulitsi khumba mwana wowo wonyene wi shiyayi.”

TSABURI 116:5

Mwami Nyasaye neye wi tsimbavasi khandi wi likhola liu vulunji; Nyasaye weru nu wi tsimbavasi.

LIVALITSWA 13:29

Vaamaleki vamenyanga khuluveka luli ikuvanda wi shivala shienesho; Vaahitse, Vayeebusi, nende Vaamori vamenyanga mu shivala shi vikulu. Vakanaani vamenyanga himbi khu Inyanza ya Meditarenia, khandi khuluchinga lu Muchela kwa Yorodani.”

LITSUSHITSWA 32:4

“Mwami Nyasaye neye lwanda lu vulindi vulahi; mihinzilu chiechie ni chiatoto. Neye Nyasaye uli musuuvilwa vuchila vutamanu muye, neye wu kholanga vikholwa vilahi khandi viu vulunji.

2 SAMWELI 22:31

Nyasaye uyu -- vikholwa vievie ni viseletse, lilaaka liu Mwami Nyasaye ni liatoto! Ali khuli ingavo khu yavo voosi vilushilanga muye.

1 TSINYINGA 1:14

Kanaani neye wali khandi kuuka wa Vayeebusi, Vaamori, Vagirigashi,

1 TSINYINGA 16:16

lilakano lia yakhola na Aburahamu, lilaaka lia yalaaka Isaka.

EZIRA 9:15

Yivi Mwami Nyasaye, uli Nyasaye wa Israeli, nivi wu kholanga katoto! Nu khutsi vandu vakhwarikala mwoyo nunundi. Khwiyamanga khwakhola vindu vitamanu imbeli wowo; khali shiukhunyala khusinjila imbeli wowo tawe.”

NEHEMIA 9:33

Khali ndio, uli nu vunyali khukhusalilitsa munjila yeneyo; shichila uli musuuvilwa khali nikava khwakhola vwoni.

EZEKIELI 33:24

“Yivi mwana wu mundu, vandu vamenyanga mu mataala kakwa lichiinga mu shivala shia Israeli vavoolanga, ‘Aburahamu yali vutswa mundu mulala wonyene, manaheelwa shivala shiosi. Nikhali khutsi ni vandu vanyishi, nunundi shivala yishi ni shieru shiu khumenyamu.’