NEHEMIA 9:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Nivi Mwami Nyasaye warovola Abramu numurulitsa mu litaala lia Uri mu shivala shia Babilonia; wamukulikha lira Aburahamu.

NEHEMIA 9:7 Iomraidhean Croise

LIRAANGA 17:5

Khuraanjila nunundi shiutsitsanga khulangwa khandi lira Abramu tawe; navutswa lira liolio liliitsa khuva Aburahamu; shichila uliitsa khuva kuuka wa vandu vi tsimbia tsinyishi mu shivala.

LIRAANGA 11:31

Tera yavukula mwana wewe wi shiyayi Abramu, mwana wa amwavo Abramu walaangwangwa Loti, mwana wa Harani, khandi Sarai, wali mukhali wa Abramu, nivatsia navo mu litaala lia Uri lili Babilonia, khutsia mu shivala shia Kanaani. Vasimukha nivatukha mu litaala lia Harani khandi nivamenyaho.

ISAYA 51:2

Kanakanikhu shindu khu kuuka wenyu Aburahamu, khandi khu Sara wa muli vitsukhulu vavo; shichila lwa Aburahamu yali wonyene vutswa vuchila mwana wosi, ninzi wamulaanga, nimukasitsa khandi nimukhola khwivula vitsukhulu vanyishi.

LITSUSHITSWA 10:15

navutswa khali ndio, Mwami Nyasaye yali wayaanza muno vakuuka venyu manamurovola vuchila khurovola vandu vandi vutswa; khali nunundi mushili vandu veve va yarovoola.

LIRAANGA 15:7

Nalwo lwa Mwami Nyasaye yavoolela Abramu, “Ninzi Mwami Nyasaye wa khurulitsa mu litaala lia Uri lili mu shivala shia Babilonia, khu khuhe shivala shiumenyamu yishi.”

LIRAANGA 18:19

Mali khumurovola, khu ave ye unyala khwimilila vaana veve nende vitsukhulu veve khulonda makhuva kaanje, nu khukhola likhola liu vulunji khandi katoto. Niiva valiitsa khukhola ndio, niitsa khukholela Aburahamu shia shindu shiosi, shia nali nalaaka niitsa khumukholela.”

1 TSINYINGA 1:27

nende Abramu (wakulikhwa lira lindi Aburahamu).