NEHEMIA 9:6 - IBIBILIA INDAKATIFU MU LUTIRICHI LWITAKHO NENDE LWISUKHA

⁶ Nivi wonyene uli Mwami Nyasaye; nivi waloonga likulu nende tsinyining'ini mu malesi. Nivi walomba lilova nende inyanza khandi shia shindu shiosi shimenyanga muvio; nivi wahaana vulamu khu shia shindu shiosi. Vindu vi tsingulu mwikulu visaalanga khu yivi.

NEHEMIA 9:6 Iomraidhean Croise

ISAYA 37:16

“Yivi Mwami Nyasaye wi Mikaanda Chiliihe, uli Nyasaye wa Israeli, wikhalanga khu shisoko shiu vwami hikulu hi vilombe vi tsimbaha, nivi Nyasaye wonyene vutswa mu vwami vwi shivala shiosi. Nivi walomba likulu nende lilova.

LIRAANGA 1:1

Muliraanga Nyasaye yalomba likulu nende lilova.

LIKHUNULILWA 4:11

“Mwami Nyasaye, uli Nyasaye weru! Nivi utushili khuheelwa vukhumi, luyali nende tsingulu. Nivi waloonga shia shindu shiosi, khandi khuvirila khu lienya liolio vialoongwa khutsililila khuvaho khandi vive nu vulamu.”

LITSUSHITSWA 10:14

Khali niiva likulu ni liu Mwami Nyasaye, lilova ni lielie nende vindu viosi vili mulio,

LITSUSHITSWA 6:4

“Munyi Vaisraeli, muhulishitsi makhuva yaka! Mwami Nyasaye, uli Nyasaye weru, neye Mwami Nyasaye wonyene.

ISAYA 44:8

Munyi vandu vaanje, muvuli khuria, inoho khurishitswa; Ninzi wamuvoolela mumatukhu kakhale vindu viliitsa khwikholekha nivishili khwikholekha; Nu munyi vashiahidi vaanje. Khali nyasaye wundi anyala khuva alikhuho nikakhali inzi? Lwanda lundi luvulakhuho; Mbulakhu lwa manyi.”

ISAYA 44:6

Mwami Nyasaye, uli Mwami khandi Muhavini wa Israeli, ni kilikali, Mwami Nyasaye wi Mikaanda Chiliihe avoolanga, “Ninzi neye wu khuraanga khandi wu khumalilikha; Nyasaye wundi avulakhuho unyala khusasanyinywa khwinzi.

2 VAMI 19:15

nasaala, “Mwami Nyasaye, uli Nyasaye wa Israeli, wikhalanga khu shisoko shiu vwami hakari ha hi vilombe vi tsimbaha, nivi Nyasaye wonyene, wamihanga vami vwosi khulilova. Nivi waloonga likulu nende lilova.

LIRAANGA 2:1

Nindio likulu nende lilova viamalwa khulombwa nende vindu viosi muvio.

ISAYA 43:10

Mwami Nyasaye avoolanga, “Munyi Vaisraeli muli vashiahidi vaanje; ninzi wamurovola muve varumishi vaanje, nikanyalikha mumanye khandi musuuvile mwinzi ndi ninzi Nyasaye wenyu. Avulakhuho nyasaye wundi waliho imbeli wanje, inoho khali aliitsa khuvula khuvaho.

LIKHUNULILWA 14:7

Injelosi yeneyo yalaanjilila nu mwoyo mukali, “Muhe Nyasaye luyali nu khumwitsominya, shichila nu wi tsingulu tsinyishi! Isaa yeye yu khukhalachila vandu voosi, imali khutukha. Musaale khu woyo waloonga likulu, lilova, inyanza, nende tsisieveye tsia matsi!”

TSABURI 36:6

Vulunji vwovwo vuli khuli vikulu viraambi; katoto koko kali khuli luliiva lwi inyanza; Mwami Nyasaye, nivi ulindanga vandu nende tsinyama tsiumbulimu.

1 VAMI 8:27

“Navutswa Nyasaye anyala khumenya khulilova? Khali shianyala khutukha mwikuli, mwakhavambalala tawe. Litempeli lia mali khumbakha yili, linyala khuva munjila shina livambalalu?

VAHEBRANIA 1:3

Mwana yang'ang'anga vulavu vu vukhumi vwa Nyasaye; khandi neye likoondo liatoto li liiva lia Nyasaye, ulindanga likulu nende lilova khuvirila mu tsingulu tsi likhuva lielie. Niyakhasemeha vandu voosi khurula mu vwoni vwavo, wayikhala mwikulu khuluveka lu mukhono musatsa ku Mwami Nyasaye.

VAHEBRANIA 1:6

Navutswa lwa Nyasaye yaruma Mwana wewe mukhulundu mu shivala, yavoola, “Nu vulahi tsinjelosi tsia Nyasaye tsiosi khusaala khuye.”

ISAYA 37:20

Khulwa yako, yivi Mwami Nyasaye, khuhonyinyi khurula khu Mwami Senakeribu, khu vwami vwosi khulilova vumanye ndi nivi wonyene vutswa uli Mwami Nyasaye.”

TSABURI 86:10

Uli ni tsingulu tsinyishi khandi nivi wu kholanga vindu viu khuchenyinya; nivi wonyene uli Nyasaye.

2 VAMI 19:19

Mwami Nyasaye, uli Nyasaye weru, umali khukhuhonyinya khurula khu Vashuria, khukhola vandu vi tsimbia tsiosi khulilova vamanye ndi nivi Mwami Nyasaye, uli Nyasaye wonyene.”

EZEKIELI 20:11

Ninzi wavaha mivaalo kaanje khandi niveechitsa mechitso kaanje, ku mundu alondanga atsililile khuva mwoyo.

TSABURI 146:6

waloonga likulu nende lilova, inyanza, nende shia shindu shiosi shilimu; urweshitsanga lilaaka lielie mihika ni mihika;

TSABURI 103:21

Mwitsominye Mwami Nyasaye, munyi voosi vamuli ni tsingulu mwikulu, munyi varumishi veve, vamukholanga khuli yenyanga!

TSABURI 33:6

Likulu lialombwa khuvirila khu likhuva liu Mwami Nyasaye, khali liuva, mweli, nende tsinyining'ini khuvirila khu miuya chiechie.

1 VAMI 22:19

Khulwa yako, Mikaya yatsililila khuvoola, “Hulishitsa likhuva liu Mwami Nyasaye avoolanga! Nalola Mwami Nyasaye niyikhale mwikulu khu shisoko shieshie shiu vwami, tsinjelosi tsietsie tsiosi, nitsisinjile himbi khuye.

YOHANA 10:30

Inzi nende Tata wanje khuli shilala.”

LIRAANGA 32:2

Lwa yalola tsinjelosi tsienetso, yavoola, “Yuku nu mukaanda kwi liihe kwa Nyasaye;” Yakobo yakulikha havundu henaho lira Mahanahimu.

VIKHOLWA 4:24

Lwa vakahulila, voosi khulala vasaala khu Nyasaye, nivavoola, “Mwami Nyasaye, nivi waloonga likulu nende lilova, inyanza nende vindu viosi vilimu.

NEHEMIA 9:5

Vandu vuluhia lwa Levi, navo vinjilitsa vandu khwitsa khusaala khu Mwami Nyasaye. Vandu venavo vali Yeshwa, Kadimieli, Bani, Hashabuneya, Sherebia, Hodia, Shebania, nende Petsaya. Vavoolela vandu, “Sinjili mwitsominye Mwami Nyasaye, uli Nyasaye wenyu; khumwitsominya mihika ni mihika! Leshi shia mulala yitsominyi lira lielie liu vukhumi, khali niiva khwitsominya khwa vandu khuvula tsingulu tsiosi.”

TSABURI 24:10

Ni viina Mwami wu vukhumi uyu? Neye Mwami Nyasaye wi Mikaanda Chiliihe, neye Mwami wu vukhumi!

TSABURI 102:25

waloonga lilova mumatukhu kakhale, khandi nulomba likulu.

TSABURI 115:15

Mwami Nyasaye walomba likulu nende lilova amukasitse!

ISAYA 45:12

Ninzi walomba lilova, khandi waloonga mundu khumenya khulio. Ninzi warumishila tsingulu tsianje khuvambalalitsa likulu; ma liuva, mweli, nende tsinyining'ini nitsiva hasi ha malako kaanje.

YONA 1:9

Yona yachipa navoola, “Ndi Muhebrania; khandi naria Mwami Nyasaye, uli Nyasaye wu mwikulu, walomba likulu nende lilova.”

LIRAANGA 1:9

Nyasaye yavoola, “Matsi kali hasi hi likulu karemeele halala, khu shivala shiumu shiveho.” Nikava kario.

LITSUSHITSWA 32:39

“‘Inzi, khandi ninzi wonyene, neye Nyasaye; khali nyasaye wundi avulakhuho uli watoto. Nziiranga mambana vulamu, salilitsanga khandi mbonyinya, mundu avulakhuho unyala khuhinganyinya kakholanga.

TSABURI 124:8

Vukhonyi vweru vurulanga khu Mwami Nyasaye, waloonga likulu nende lilova.

YEREMIA 32:17

“Mwami Nyasaye, nivi walomba likulu nende lilova khuvirila khu tsingulu tsiotsio tsi tsingulu khandi vunyali vwovwo! Shindu shivulakhuho shinyala khukhutinyila.