NEHEMIA 9:2 - IBIBILIA INDAKATIFU MU LUTIRICHI LWITAKHO NENDE LWISUKHA

² Vaisraeli viyahula vene khurula khu vandu vi tsimbia tsindi tsiosi. Vasinjila havundu havo niviyama havulavu vwoni vwavo, khandi vutamanu vwa vakuuka vavo vali nivakhola.

NEHEMIA 9:2 Iomraidhean Croise

NEHEMIA 13:3

Lwa vandu vahulila malako kenako, vahula haluveka vandu vi tsimbia tsindi tsiosi khurula mu Israeli.

EZIRA 10:11

Khulwa yako, mwiyame havulavu mwakhola vwoni khu Mwami Nyasaye, uli Nyasaye wa vakuuka venyu, mamukhole lienya lielie. Mwiyahule haluveka khurula khu vandu vamenyanga mu shivala shinu khandi khurula khu vakhali venyu vamwahila khurula mu vandu vi tsimbia tsindi.”

NEHEMIA 13:30

Nalwo lwa natakasa vandu khurula mu vindu vi tsimbia tsindi viosi; khandi ningavila vasalisi nende vandu vu lwivulu lwa Levi mihinzilu chiu khukhola. Shia mundu wosi yakhola mwene muhinzilu kwekwe.

HOSEHA 5:7

Valekha khuva vasuuvilwa khwinzi Mwami Nyasaye; shichila vayivula vaana ilwanyi. Khulwa yako, khulitukhu liu Mulukha ku Khwilavushitsa khu Mweli, viraakwa vienyu viliitsa khwononyinywa.

TSABURI 144:11

Umbonyinyi khurula mu vatsiku vaanje valula; khonya khurula mu tsingulu tsia vandu vacheni, valomolomanga makhuva ku vuvehi, khali vavoola vuvehi lwa visuuhanga.

EZIRA 9:2

Vayahudi vahila vakhali khurula mu vandu vi tsimbia tsindi; khandi vaveshela vaana vavo vi shiyayi vakhali khurulayo. Vandu vuluhia lutakatifu lwa Nyasaye vatsukana na vandu vi tsimbia tsindi. Khali khumeeta khu kenako, vimilili nende vimilili vi shiina, navo vali vu khuraanga khukhola vindu vitamanu vienevo.”

ISAYA 2:6

Yivi Nyasaye, wayivilila vandu vovo vi inzu ya Yakobo. Ni kilikali, vakhumu khuluveka luli ivukwi vayitsula mu munyi khandi valoochi khurula mu shivala shia Vafilisti, shichila valondanga miima chia vandu vi tsimbia tsindi tsinjeni.

TSABURI 144:7

Kholakhu shindu khurula mwikulu, ukhwese mu luliiva lwa matsi, umbonyinyi; umbonyinyi khurula khu tsingulu tsia vandu vacheni,

NEHEMIA 1:6

Mwami Nyasaye, hulishitsa lisaala lianje inzi murumishi wowo, lwa saalilanga varumishi vovo, nivali Vaisraeli mbasu nu vutukhu. Nziyamanga havulavu ndi khali inzi nende Vaisraeli khwakhola vwoni imbeli wowo. Ni kilikali, inzi nende vakuuka vaanje khwakhola vwoni.

EZIRA 9:15

Yivi Mwami Nyasaye, uli Nyasaye wa Israeli, nivi wu kholanga katoto! Nu khutsi vandu vakhwarikala mwoyo nunundi. Khwiyamanga khwakhola vindu vitamanu imbeli wowo; khali shiukhunyala khusinjila imbeli wowo tawe.”

1 VAMI 8:47

hulishitsa lisaala liavo. Niiva valikanila nivamenyanga mu shivala shienesho, khandi vasaale khu yivi, nivavoolanga havulavu vakhola vwoni nende vindu vitamanu, yivi Mwami Nyasaye, uhulishitsi lisaala liavo.

EZIRA 6:21

Nalwo lwa Vaisraeli vali nivakalukha nivarula mu vuhaambe valia shiukhulia shiu musango kwenoko; khali yavo voosi vali nivalekhana ni miima mitamanu chia vandu vi tsimbia tsindi khulu khusaala khu Mwami Nyasaye, uli Nyasaye wa Israeli.

EZIRA 9:1

Lwa vindu yivi viosi viakholwa, valala khu vimilili va Vaisraeli vitsa; nivambolela, “Vaisraeli, vasalisi nende vandu vu lwivulu lwa Levi vayambakhana khwiyahula haluveka khurula khu vandu vi tsimbia tsindi tsia Vakanaani, Vaahitse, Vapeerizi, Vayeebusi, Vaamoni, Vamoabu, Vamisri nende Vaamori. Vakholanga vindu vi shifwavi khuli vandu venavo.

NEHEMIA 10:28

Vandu vandi voosi vali nivarikala nivali vasalisi, vandu vu lwivulu lwa Levi, valindi vi shilivwa, vandu vimbanga tsinyimbo, varumishi vakholanga muhinzilu mu Litempeli, khandi yavo voosi vali niviyahula vene khurula khu vandu vi tsimbia tsindi, khulonda malako ka Nyasaye, vakhali vavo, vaana vavo vi shiyayi, vaana vavo vi shikhana, vandu voosi vacheliha khandi vali ni limanya,

TSINGANU 28:13

Mundu uvisanga vwoni vwevwe aliitsa khuvula khuva muhinda; navutswa woyo wiyamanga nu khwivilila aliitsa khuvelwa tsimbavasi.

YEREMIA 3:13

Voola vutswa vutamanu vwenyu vene, khuli mwahinganyinya inzi Mwami Nyasaye, uli Nyasaye wenyu, khuli mwayaanza vanyasaye va vandu vi tsimbia tsindi hasi ha shia musala kwosi muviisi, khandi khuli mwambakhana khulonda malako kaanje. Inzi Mwami Nyasaye mali khuvoola.’

YEREMIA 14:20

Yivi Mwami Nyasaye, khwiyemanga khwakhola vwoni khandi vutamanu vwa vakuuka veru vakhola; ni kilikali khwakhola vwoni imbeli wowo.

NEHEMIA 10:29

voosi viyunga na veshie, nivisuuha khuva hasi hi shilaamo, niiva valameneka Malako ka Musa, wali murumishi wa Nyasaye yavaha; khandi ndi valiitsa khurweshitsa nu khukhola koosi ka Malako ku Mwami Nyasaye, uli Nyasare weru yenyanga kakholwi; khandi khulonda mechitso keke nende mivaalo keke koosi.