NEHEMIA 9:12 - IBIBILIA INDAKATIFU MU LUTIRICHI LWITAKHO NENDE LWISUKHA

¹² Nivi warumishila malesi khuvimilila mbasu, mu vutukhu nurumishila mulilu khuvamanyinya injila ya valondelakhu.

NEHEMIA 9:12 Iomraidhean Croise

NEHEMIA 9:19

Navutswa khali shiuwali wa valekhakhu mu shiangalangwi tawe; shichila wayitsula tsimbavasi tsinyishi muno; shiuwali warulitsaho malesi ka vimililanga mbasu inoho mulilu kwa vaheetsanga vulavu khulola injila yu khulondelakhu tawe.

TSABURI 143:8

Umanyinyi mu mavwevwe vuyaanzi vwovwo, shichila suuvililanga mu yivi. Unzechitsi mwiima kwandushili khulonda, shichila nivi wasaalakhu.

TSABURI 107:7

Yavimilila khunjila inunji khutsia khutukha mu litaala likali lia vamenyamu.

TSABURI 105:39

Nyasaye yakhunikha vandu veve na malesi; khali navaha mulilu khuvakholitsila mu vutukhu.

TSABURI 78:14

Nyasaye yavimilila mbasu khuvirila mu malesi; vutukhu vwosi khuvirila mu vulavu vu mulilu.

KHURULA 15:13

Nivi wimilila vandu va wahonyinya shichila vuyaanzi vwovwo vwi mihika ni mihika; nivi wavahila mu shivala shioshio shitakatifu khuvirila mu tsingulu tsiotsio.

LIVALITSWA 9:16

Nindio malesi kenako katsililila khuvaho; malesi kalikhunikha, nikalolekha khuli mulilu mu vutukhu.

LITSUSHITSWA 1:33

wa mwimilila khutsia khusakala havundu ha munyala khumenya khuvirila mu mulilu kwakhanga mu vutukhu; khandi mu malesi mbasu, khumumanyinya muhaanda kwa mulondelakhu.

LIVALITSWA 9:21

Matukhu malala, malesi katsililila khuvaho, khuraanjila khulukolovo khutukha mu mavwevwe; khandi varaanganga luchendo vwangu lwa malesi karulaho. Lwa malesi karulaho, varaanganga luchendo lu khurulaho.

EZEKIELI 20:6

Khulitukhu lienelo, ninzi wavisuuhila ndi niitsa khuvarulitsa mu shivala shia Misri, nu khuvahila mu shivala shia nali ninarovola niitsa khuvaha, shivala shili ni lilova lilahi khandi linuulu nende vushi, shivala shilahi khuvira vivala vindi viosi.