NEHEMIA 9:10 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁰ Nivi wakhola vikholwa viu khuchenyinya nende viloleshitsu imbeli wu Mwami wa Misri nende varumishi veve, imbeli wa vandu vi shivala shieshie voosi; shichila wali wamanya khuli vatambitsanga vakuuka veru. Nivi wanyola luyali lwolwo mwene, lushitsililanga khuvaho nunundi.

NEHEMIA 9:10 Iomraidhean Croise

YEREMIA 32:20

Nivi wakhola viloleshitsu nende vindu viu khuchenyinya mu shivala shia Misri; khandi nivi ushitsilililanga khukhola khali nunundi mu shivala shia Israeli; khandi khu vandu voosi, khali wamanyikhana shia havundu hosi.

ISAYA 63:14

Khuli tsing'ombe tsikholomokhanga nitsitsia khwaya mu luhoongo, nindio khandi Roho wu Mwami Nyasaye yahulushitsa vandu va Nyasaye. Nindio khandi yivi wimilila vandu vovo, nu wilombela lira liu vukhumi.”

ISAYA 63:12

warumishila tsingulu tsietsie tsiu vukhumi khukhola vindu viu khuchenyinya khuvirila khu Musa, wavukhanyinya matsi imbeli wavo, khwilombela lira liliitsa khuvaho mihika ni mihika?

LITSUSHITSWA 4:34

Toto, khulikhuho na nyasaye wosi wachelitsa khutsia mu shivala shindi khurulitsamu vandu nu khuvakhola khuva veve mwene, khuli Mwami Nyasaye, uli Nyasaye wenyu yakholela mu shivala shia Misri, vene numulolanga? Munyi vene mwalola khuli yarumishila tsingulu tsietsie nende vunyali vwevwe. Yavalerela matiinyu nende liihe, nakhola viloleshitsu nende vindu viu khuchenyinya, khandi nachila vindu viu khurishitsa nivikholekha.

KHURULA 18:11

Manyi nunundi ndi Mwami Nyasaye, ali ni tsingulu tsinyishi, khuvira vanyasaye voosi, shichila yakhola ndio, lwa Vamisri valechelitsanga Vaisraeli.”

KHURULA 5:2

Navutswa Mwami wa Misri yavoola, “Mwami Nyasaye ni viina, unyala khukhola muhulishitsi, mambuchilile Vaisraeli khutsia? Nakorwa Mwami Nyasaye mwenoyo; shinzitsanga khulekha Vaisraeli khutsia tawe.”

1 PETRO 5:5

Munjila indala yeneyo, munyi vasatsa vavukha, muve vichehitsi khu vasakhulu. Munyi voosi mwichehitsane vene khuvene, khandi murumishile vandi; shichila Mahandiko Matakatifu kavoolanga, “Nyasaye ahinganyinyanga vandu vilola, navutswa alolelanga tsimbavasi vandu vichehitsi.”

VAROMA 9:17

Mahandiko Matakatifu kavoolanga makhuva yaka khulondokhana khu Mwami wa Misri, “Nakhwamihitsa, khulu khukhurumishila khumanyinya khuli ndi ni tsingulu khuvirila mu yivi, khwenya lira lianje khulanditswa shia havundu hosi mu shivala.”

VIKHOLWA 7:36

Musa yarulitsa vandu mu shivala shia Misri nakholanga viloleshitsu nende vindu viu khuchenyinya mu shivala shia Misri, khandi ha Inyanza Imuuchi khandi khumihika makhomi kane mu shiangalangwi.

EZEKIELI 20:9

Navutswa nakhola kenako shichila luyali lwanje, khu vandu vi tsimbia tsindi tsia hahimbi vavuli khunjaya, lwa nali ninarulitsa vandu veve mu shivala shia Misri.’

TSABURI 83:18

Lekha vakhumanye ndi nivi Mwami Nyasaye wonyene, uli Nyasaye Uli Ikulu khu Viosi shia havundu hosi khulilova.

KHURULA 7:1

Mwami Nyasaye yavoolela Musa, “Lola, mali khukhukhola khuva khuli Nyasaye khu Mwami wa Misri. Amwavo wowo Haruni atsitsanga khulomoloma khuye, khuli nu muprofeti wowo.

KHURULA 3:20

Niitsa khurumishila tsingulu tsianje, khandi nilisalilitsa Vamisri khuvirila mu vindu viu khuchenyinya via niitsa khukholayo. Nimali khukhola kenako, nalwo lwa aliitsa khumuhuchilila khutsia.

KHURULA 9:16

Navutswa khukhumanyinya ndi ni tsingulu, khuleshi utsililile khuva mwoyo, khu vukhumi vwanje vumanyikhane shia havundu hosi mu shivala.

NEHEMIA 9:16

Navutswa vo nende vakuuka veru vali vayilola khandi vakwa vandu vahaaka; khwambakhana khulonda malako koko.

NEHEMIA 9:29

Wa vachelihitsa khu khukalukha khulonda malako koko, navutswa vali viloli nivachaya malako koko; vambakhana khulonda mechitso koko, nikali yako kachilanga mundu ukalondanga khunyola vulamu. Vakwa vahaaka khuvula khukalukha khu yivi, nivambakhana khukhuhulishitsa.

LITSUSHITSWA 7:19

Kenyekhanga mwitsushitse matiinyu ka mwalola, viloleshitsu nende vindu viu khuchenyinya, khandi khuli Mwami Nyasaye yamuvoholola khuvirila mu tsingulu tsietsie tsiu khuchenyinya nende vunyali vwevwe. Aliitsa khumulula vandu voosi, vachilanga numuria, munjila indala yene khuli yamulula Vamisri.

ISAYA 42:20

Munyi mwalola vindu vinyishi, navutswa shindu shivulakhuho shia mwamanya. Muli na maroyi ku khuhulila, navutswa muvula shia muhulilanga!”