NEHEMIA 9:1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Khulitukhu lia makhomi kavili na kane, khu mweli kwenoko, Vaisraeli vakanila halala. Vahonga vuchila khulia, khumanyinya ndi vavelele mumioyo chiavo. Vifwala tsinguvu tsialombwa khu makunia, khandi nivivekha lukuushi khu mirwi chiavo.

NEHEMIA 9:1 Iomraidhean Croise

NEHEMIA 8:2

Khulitukhu liu khuraanga, khu mweli kwa saba, Musalisi Ezira yalera imbeli wi shikhaalo shia vandu Shitabu shia Malako. Mu shikhaalo shienesho, khwalimu na vandu vasatsa nende vakhali, khali voosi vali ni limanya khulondokhana khu ka Malako kavoolanga.

EZIRA 8:23

Khulwa yako, khwahonga vuchila khulia, manukhureeva Nyasaye weru mu lisaala khulondokhana khu kenako; manachipa lisaala lieru.

YOSHWA 7:6

Yoshwa nende vimilili va Israeli varandula tsinguvu tsiavo, nivavelele mu mwoyo, khandi nivakwa hasi mahunama imbeli wi Lisanduku li Lilakano liu Mwami Nyasaye. Vahongaho khutukha halukolovo, nivimitsili lukuushi nululi khu mirwi chiavo.

SAMWELI 4:12

Mundu musatsa warulanga mu vandu vuluhia lwa Benyamini, yilukhaka narula havundu ha vakwananga liihe natukha mu litaala lia Shilo khulitukhu lienelo. Yali urandushi tsinguvu tsietsie, khandi wiveshi matohi khu murwi kwekwe, khumanyinya ndi uvelele.

ISAYA 22:12

Khulitukhu lienelo, Mwami Nyasaye wi Mikaanda Chiliihe yali ni lienya mulilila nu mwikhula, muliveeka liswi lienyu nu khwifwala tsinguvu tsia makunia.

AYUBU 2:12

Lwa valola Ayubu nali ihale wene khurula khuvo, vakorwa khumumanya. Varanga khulaanjilila nivalila nu mwoyo mukali; varandula tsinguvu tsiavo, khandi niviyuyila lukuushi khu mirwi chiavo.

2 TSINYINGA 20:3

Mwami Yehoshafati yaria, naviritsa khureeveshitsa vukhonyi khurula khu Mwami Nyasaye. Yahaana lilako vandu vahonje vuchila khulia, shia havundu hosi mu shivala shia Yuda.

2 TSINYINGA 7:10

Khulitukhu lia makhomi kavili na kavaka, liu mweli kwa saba, Mwami Solomoni yaseevula vandu khutsia ingo wavo. Vali nu vuyaanzi vunyishi khandi nivasangala, shichila vindu vilahi, viu Mwami Nyasaye yali niyakholela Daudi nende vandu veve Israeli.

2 SAMWELI 1:2

Khulitukhu lia khavaka, mundu musatsa yatukhaho narula mu mukaanda kwa Saulu. Yali wifwali tsinguvu tsiarandukha khandi wiveshe matohi khu murwi kwekwe khumanyinya ndi yikhulanga. Yarulaho natsia khu Daudi, namwinamila khumuha luyali.

VAKHALACHI 20:26

Nalwo lwa Vaisraeli voosi vatikulukha nivatsia mu litaala lia Betseli khwikhulilayo. Vikhalayo imbeli wu Mwami Nyasaye, vuchila khulia shindu shiosi khutukha halukolovo. Vahaana vihanwa viu khusambwa nende viu khulera milembe khu Mwami Nyasaye.

LEVI 23:39

“Lwa muliitsa khuva nu mwakhachesa viraakwa mu milimi chienyu, muliitsa khwikhoyela khumatukhu saba mulukha yuku, khuraanjila khulitukhu li likhomi na kharanu liu mweli wa saba. Muliitsa khuhulukha khulitukhu liu khuraanga, khandi khulitukhu lia munane.

LEVI 23:34

“Voolela Vaisraeli ndi khulitukhu li likhomi na kharanu liu mweli kwa saba, nalwo lwa muliitsa khuraanga Mulukha kwa Matiili. Mulukha kwenoko, kuliitsa khutsililila khumatukhu saba.

LIKHUNULILWA 11:3

Niitsa khuruma vashiahidi vaanje vavili, nivifwali tsinguvu tsi makunia, navo valiitsa khwilwatsa likhuva lia Nyasaye, mumatukhu iheelefu indala tsimia tsivili na makhomi sita.”

SAMWELI 7:6

Lwa vali nivakhakanila halala mu litaala lia Mizipa, vateha matsi, nivasuundula khuli shihanwa shiu Mwami Nyasaye. Vahonga vuchila khulia shiukhulia shiosi khulitukhu lienelo, nivavoola, “Khukholi vwoni imbeli wu Mwami Nyasaye.” Samweli neye wali mukhalachi wa Israeli mu litaala lia Mizipa.

EZIRA 8:21

Nahaana lilako khu vandu voosi va khwali nu khuli himbi ha Muchela kwa Ahava khuhonga vuchila khulia nu khwichehitsa vene imbeli wa Nyasaye weru; khandi khumureeve akhwimilili muluchendo lweru makhulinde khutsia halala na vaana veru nende miandu chieru chiosi.

YOELI 2:12

Mwami Nyasaye avoolanga, “Khali nunundi, kalushi nu mwoyo kwosi khwinzi, numuhonga vuchila khulia, numulila tsikhwili khandi numwikhula.