NEHEMIA 8:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ Lwa vandu vahulila ka malako kenyanga kakholwi, vihulila mu mwoyo, nivaraanga khulila. Nalwo lwa Nehemia, wali nali gavana, musalisi Ezira, wali nali mwechitsi wa malako nende vandu vu lwivulu lwa Levi veechitsanga vandu malako, vavoolela vandu voosi, “Litukhu linu nalio litakatifu khu Mwami Nyasaye, uli Nyasaye wenyu. Muvuli khwikhula inoho khulila tsikhwili.”

NEHEMIA 8:9 Iomraidhean Croise

NEHEMIA 7:70

Valala khu vimilili va vakuuka vi tsinzivulu tsienetso, vakhonyana muhinzilu kwenoko. Gavana yahila mu livishilu itsahabu tsikilo munane, tsingalayi makhomi karanu, nende tsikaanzu tsimia tsiranu na makhomi karanu tsia vasalisi.

NEHEMIA 7:65

Gavana yavakaya khuvula khuliakhu shiukhulia shitakatifu, nivashili khulola musalisi wurumishilanga Urimu nende Tsumimu.

LITSUSHITSWA 12:12

Muliitsa khuva nu vuyaanzi, lwa muliitsa khuva numuli imbeli wu Mwami Nyasaye, uli Nyasaye wenyu, munyi nende vaana venyu, varumishi venyu, nende vandu vu lwivulu lwa Levi vamenyanga mu mataala kenyu. Mwitsushitse ndi vandu vu lwivulu lwa Levi vavula shitonye shiosi shiu mulimi, inoho miandu chiavo vene.

NEHEMIA 8:2

Khulitukhu liu khuraanga, khu mweli kwa saba, Musalisi Ezira yalera imbeli wi shikhaalo shia vandu Shitabu shia Malako. Mu shikhaalo shienesho, khwalimu na vandu vasatsa nende vakhali, khali voosi vali ni limanya khulondokhana khu ka Malako kavoolanga.

LITSUSHITSWA 16:11

Mwikhoye muno imbeli wu Mwami Nyasaye, munyi halala na vaana venyu, varumishi venyu, nende vandu vu lwivulu lwa Levi, vandu vacheni, vavisandu nende vakhali vakhutsakhali vamenyanga mu mataala kenyu. Mukhole ndio havundu halala hele ha mutsitsanga khwakanila khusaala.

ISAYA 61:3

khuha yavo vikhulanga mu Sayoni -- itaachi ya mawua havukono w vuveleli, makura kaleranga vuyaanzi havukono wu khwikhula, khandi inguvu yu khwitsominya havukono wu mwoyo kwi liheenda mwoyo. Navo valiitsa khulaangwa misala chi miseno chi likhola liu vulunji, chiu Mwami Nyasaye yaraaka, aheelwi vukhumi.

MWILWATSI 3:4

Isaa yu khuva nu vuveleli nende isaa yu khuyaanza; isaa yu khwikhula nende isaa yu khusieva.

EZIRA 2:63

Gavana wa Vayahudi yavakaya khulia shiukhulia shitakatifu muno, musalisi wurumishilanga Urimu nende Tsumimu nakhaliho.

LITSUSHITSWA 12:7

Munyi nende vandu vi inzu yenyu muliitsa khulia khandi mwikhoyele vindu vilahi via mwachemulila numunyola havundu henaho, imbeli wu Mwami Nyasaye wamukasitsa.

LEVI 23:24

“Voolela Vaisraeli ndi khulitukhu liu khuraanga liu mweli kwa saba, muliitsa khuva ni litukhu liu khuhulukha. Muliitsa khwakanila halala khusaala, lwa visiliva viliitsa khuva ni vikhuvwangwa.

VAROMA 7:9

Matukhu kandi, inzi mwene namenyanga vuchila Malako; navutswa lwa Lilako liitsa, vwoni vwanyola tsingulu,

VAROMA 3:20

Mundu avulakhuho ukholwangwa khuva wi likhola liu vulunji imbeli wa Nyasaye, shichila akholanga ka malako kenyanga, lwa malako kachilanga mundu ava nu vucheli vu khumanya vwoni.

MALAKI 2:13

Yaka nako makhuva kandi ka mukholanga. Mwitsulitsanga miliika chienyu chia mulilanga khu vwaali vu Mwami Nyasaye, lwa mulilanga nu mwikhula shichila wayambakhana khuhuchililakhu vihanwa via muleranga khuye.

HOSEHA 4:6

Vandu vaanje vativitswangwa shichila vavula vucheli; lwa mwambakhana khuchelihitswa, inzi mali khumwambakhana khuva vasalisi vaanje. Lwa mwambakhana khulonda malako kaanje inzi Nyasaye wenyu, niitsa khwivilila khandi vaana venyu.

NEHEMIA 12:26

Vakhola muhinzilu kwavo, mumatukhu ka Yohakimu mwana wa Yeshwa, mwana wa Yozadaki, khandi mumatukhu ka Nehemia yamihanga khuli gavana, khandi mumatukhu ku musalisi Ezira, wali mwechitsi wa malako.

NEHEMIA 10:1

Mundu wali wu khuraanga khutuuyakhu muhuuli kwekwe yali Gavana Nehemia mwana wa Hakalia; khali Zedekia natuuyakhu khandi muhuuli kwekwe.

EZIRA 7:11

Mwami Aratashasita yahaana ibarwa iyi khu Ezira, wali nali musalisi khandi mundu wasoma, wali wacheliha muno khulondokhana khu malako nende mivaalo ku Mwami Nyasaye yali niyaha Israeli.

2 TSINYINGA 35:3

Mwami Yosia yavoolela vandu vu lwivulu lwa Levi, vahaananga mivaalo khu Vaisraeli voosi; khandi vali nivakholwa khuva vatakatifu khu Mwami Nyasaye, “Vishi Lisanduku li Lilakano Litakatifu mu Litempeli liu Mwami Solomoni, mwana wa Daudi yumbakha. Muvuli khulichinga khu maveeka kenyu; navutswa khutukha murumishile Mwami Nyasaye, uli Nyasaye wenyu nende vandu veve Israeli.

2 TSINYINGA 34:21

“Simushi mutsi khundevela inzi halala na vandu vaanje varikala vamenyanga mu Yerusalemi nende Yuda makhuva kahandikwa mu shitabu shia munyoli yishi. Mwami Nyasaye umali khukhuvukulila vurima vunyishi, shichila vakuuka veru vambakhana khulonda likhuva lielie; khandi valekha khukholakhu shindu shiosi khulondokhana khu ka shitabu yishi shivoolanga.”

2 TSINYINGA 34:19

Lwa Mwami Yosia yahulila makhuva ka vasomanga khurula mu shitabu shienesho, yarandula tsikaanzu tsietsie.

2 TSINYINGA 30:22

Mwami Hezekia yalomoloma natinyilitsa vandu vu lwivulu lwa Levi voosi, valolekhanga khuva vacheli khukhola muhinzilu ku Mwami Nyasaye. Vandu valia shiukhulia shiu Mulukha kwa Pasaka khumatukhu saba, nivakhola misango kwi vihanwa viu khulera milembe nu khwitsominya Mwami Nyasaye, uli Nyasaye wa vakuuka vavo.

2 TSINYINGA 15:3

Vaisraeli vamenyanga khumatukhu manyishi vuchila Nyasaye, vuchila musalisi unyala khuveechitsa, khandi vuchila malako.

2 VAMI 22:19

nuwikanila khandi nuwichehitsa imbeli wanje, nurandula tsikaanzu tsiotsio khandi nuwikhula, lwa wahulila khuli nasioma nasalilitsa Yerusalemi nende vandu vamenyamu. Niitsa khulomba litaala likali lienelo khuva khuli havundu hukhurishitsa, havundu ha vandu valiitsa khurumishila lira lialio khuli shilaamo. Navutswa mali khuhulila lisaala liolio,

2 VAMI 22:11

Lwa Mwami Yosia yahulila makhuva kasomwangwa khurula mu shitabu shia Malako, yarandulanyinya tsikaanzu tsietsie.

LITSUSHITSWA 26:14

Shili khuliakhu khali shitonye shilala khushio lwa nikhulanga. Shili khurulitsakhu mu inzu yanje, khali shitonye shilala khushio lwa nali nimali khwonekha; khandi shili khuhaanakhu khali shitonye shilala khushio, khuli shihanwa khu vandu vakhutsa. Mwami Nyasaye, uli Nyasaye wanje, mali khulonda malako koko; kholi shia shindu shiosi, shia wavoola khole khulondokhana khu injeso.

YAKOBO 4:9

Muve nu vuveleli mu mioyo, mulili numwikhula. Nu vulahi nu mukalukhanyinyi khusekha khwenyu khuva khwikhula; vuyaanzi vwenyu khuva khutuunya!