NEHEMIA 8:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Yaka nako mira ka vandu varulanga mu vandu vu lwivulu lwa Levi vakhonyana nu khwivaalila vandu shia malako kavoolanga, vandu nivashisinjile havundu ha vali nivali: Yeshwa, Bani, Sherebia, Yamini, Akubu, Shabetsai, Hodia, Maseya, Kelita, Azaria, Yozabadi, Hanani, Pelaya.

NEHEMIA 8:7 Iomraidhean Croise

NEHEMIA 9:4

Khwaliho ni shiiko shiu khuseenakhu, shia vandu vu lwivulu lwa Levi vasinjilakhu. Yeshwa, Bani, Kadimieli, Hashabuneya, Buni, Sherebia, Bani, nende Kenani, navo vasinjila havundu henaho. Vasaala ikulu nu mwoyo mukali khu Mwami Nyasaye, uli Nyasaye wavo.

LEVI 10:11

Uliitsa khwechitsa Vaisraeli voosi malako koosi, ka inzi Mwami Nyasaye muheele khuvirila khu Musa.”

NEHEMIA 3:23

Benyamini nende Hashubu, navo vumbakha vuyia luveka lundi lwali imbeli wi inzu yavo. Azaria mwana wa Maseya, mwana wa Anania neye yumbakha vuyia luveka lundi lwali imbeli wi inzu yavo.

MALAKI 2:7

Musalisi ali nu muhinzilu ku khwechitsa vandu vucheli vwatoto khulondokhana khu Nyasaye. Vandu venyekhanga vatsi khuye khwechitswa lienya lianje, shichila musalisi neye murumwa wu Mwami Nyasaye wi Mikaanda Chiliihe.

NEHEMIA 12:33

khali vasalisi Azaria, Ezira, Meshulamu,

NEHEMIA 11:19

Valindi vi vilivwa vamenyayo vali Akubu, Talumoni nende vakhonyani vavo. Isavu yavo voosi yali vandu imia indala makhomi saba na vavili.

NEHEMIA 11:16

Shebatsahi nende Yozabadi, nivali vimilili va vandu vu lwivulu lwa Levi, navo vasinjililanga muhinzilu kwa kholekhanga ilwanyi wi Litempeli lia Nyasaye.

NEHEMIA 10:18

Hodia, Hashi imu, Bezai,

NEHEMIA 10:2

Seraya, Azaria, Yeremia,

NEHEMIA 8:4

Mwechitsi wa malako Ezira, yasinjila khu shikuru shiu khwilwatsilakhu, shiali ni shialombwa khu musala, shiali ni shiumbakhwa shichila shikholwa shienesho. Vandu vasinjila himbi naye vali Matitsia, Shema, Anaya, Uria, nende Hilikia. Maseya yasinjila khuluveka lu mukhono kwekwe musatsa. Pedaya, Mishaheli, Malikiya, Hashumu, Hashibadana, Zakaria, nende Meshulamu, navo vasinjila khuluveka lu mukhono kwekwe mukhali.

NEHEMIA 3:19

Ezeri mwana wa Yeshwa, nali mwamihi wi litaala lia Mizipa, neye yumbakha luveka lundi luli imbeli wa havundu ha vavikhanga viuchi, khali khutsia khutukha havundu hi lisisi liashiamila.

NEHEMIA 3:17

Vandu vuluhia lwa Levi va mira kavo kahandikwa yava, navo vumbakha vuyia tsimbeka tsindi tsilondakhu tsi lisisi. Rehumu mwana wa Bani, yumbakha vuyia luveka lundi lulondakhu. Mwamihi Hashabia wamihanga inusu yu lusomo lwa Kehila, yumbakha vuyia luveka lulondakhu havukono wu lusomo lwelwe;

EZIRA 8:18

Vakhurumila mundu walaangwangwa Sherebia, mundu uli nu vunyali khukhola, mundu warulanga mu vandu vu lwivulu lwa Levi mu vandu vu lwivulu lwa Mahuli; vaana veve vi shiyayi likhomi na munane halala na vamwavo veve vitsa naye.

2 TSINYINGA 30:22

Mwami Hezekia yalomoloma natinyilitsa vandu vu lwivulu lwa Levi voosi, valolekhanga khuva vacheli khukhola muhinzilu ku Mwami Nyasaye. Vandu valia shiukhulia shiu Mulukha kwa Pasaka khumatukhu saba, nivakhola misango kwi vihanwa viu khulera milembe nu khwitsominya Mwami Nyasaye, uli Nyasaye wa vakuuka vavo.

LITSUSHITSWA 33:10

Valiitsa khwechitsa vandu vovo mivaalo koko; valiitsa khwechitsa Vaisraeli malako koko. Vandu vuluhia lwa Levi valiitsa khusambila vubani imbeli wowo, vihanwa viu khusambwa viosi khu vwaali vwovwo.

2 TSINYINGA 35:3

Mwami Yosia yavoolela vandu vu lwivulu lwa Levi, vahaananga mivaalo khu Vaisraeli voosi; khandi vali nivakholwa khuva vatakatifu khu Mwami Nyasaye, “Vishi Lisanduku li Lilakano Litakatifu mu Litempeli liu Mwami Solomoni, mwana wa Daudi yumbakha. Muvuli khulichinga khu maveeka kenyu; navutswa khutukha murumishile Mwami Nyasaye, uli Nyasaye wenyu nende vandu veve Israeli.

NEHEMIA 8:6

Ezira yasaala khu Mwami Nyasaye, uli Nyasaye Uli Ikulu khu Viosi; vandu voosi nivachipa, “Amina, Amina,” nivachinguli ikulu makhono kavo. Vinama hasi, nivasaala khu Mwami Nyasaye, uli Nyasaye Uli Ikulu khu Viosi.

NEHEMIA 8:8

Vasoma vulahi vwene Shitabu shia Malako ka Nyasaye; khandi nivavoolela vandu shia kavoolanga khumanya lisomo lia vasomi.

NEHEMIA 8:12

Vandu voosi vasimukha nivatsia khulia nu khung'wa, khandi khutsia khuhaakhu vandi shitonye shia valia, khutsia khwikhoya; shichila vahulila makhuva ka vavoolelwa.

1 VAMI 8:14

Lwa Vaisraeli voosi vali nivasinjileho, Mwami Solomoni yishevukha navaheenza, khandi nakasitsa vandu venavo voosi.

NEHEMIA 9:3

Vasinjila havundu ha vali nivali, khu tsisaa tsivaka nivasoma Malako ku Mwami Nyasaye, uli Nyasaye wavo. Vamala tsisaa tsindi tsivaka khulu khwiyema vakhola vwoni, nu khusaala khu Mwami Nyasaye, uli Nyasaye wavo.