NEHEMIA 8:2 - IBIBILIA INDAKATIFU MU LUTIRICHI LWITAKHO NENDE LWISUKHA

² Khulitukhu liu khuraanga, khu mweli kwa saba, Musalisi Ezira yalera imbeli wi shikhaalo shia vandu Shitabu shia Malako. Mu shikhaalo shienesho, khwalimu na vandu vasatsa nende vakhali, khali voosi vali ni limanya khulondokhana khu ka Malako kavoolanga.

NEHEMIA 8:2 Iomraidhean Croise

LEVI 23:24

“Voolela Vaisraeli ndi khulitukhu liu khuraanga liu mweli kwa saba, muliitsa khuva ni litukhu liu khuhulukha. Muliitsa khwakanila halala khusaala, lwa visiliva viliitsa khuva ni vikhuvwangwa.

MALAKI 2:7

Musalisi ali nu muhinzilu ku khwechitsa vandu vucheli vwatoto khulondokhana khu Nyasaye. Vandu venyekhanga vatsi khuye khwechitswa lienya lianje, shichila musalisi neye murumwa wu Mwami Nyasaye wi Mikaanda Chiliihe.

LIVALITSWA 29:1

Khulitukhu liu khuraanga liu mweli kwa saba, muliitsa khwakanila halala khusaala. Muvuli khukholakhu muhinzilu kwenyu kwa shia khosi. Nalio litukhu lienyu, lia muliitsa khukhuva visiliva.

VIKHOLWA 15:21

Malako ka Musa kasomwangwa mu masinagogi shia litukhu li Lisabato khumihika minyishi, khandi makhuva keke ka yilwatswa mu shia litaala.”

ISAYA 28:9

Vakholelanga shihenye henye nivavoola, “Ni viina wayechitsa vucheli, ni viina wayivaalila likhuva? Anyala khwechitsa yavo vonyene valeshitswa khununa maveele, yavo varulitswa khu vakhali vanunyinyanga!

LITSUSHITSWA 17:18

Lwa aliitsa khwamihitswa, aliitsa khwihandichilwa, mwene shitabu shieshie, shia malako kahandikwa mu shitabu shia malako ka Nyasaye nende mechitso keke kahandikwa khurula khu mechitso ku khuraanga kene, ka vasalisi vuluhia lwa Levi vavikha.

NEHEMIA 8:9

Lwa vandu vahulila ka malako kenyanga kakholwi, vihulila mu mwoyo, nivaraanga khulila. Nalwo lwa Nehemia, wali nali gavana, musalisi Ezira, wali nali mwechitsi wa malako nende vandu vu lwivulu lwa Levi veechitsanga vandu malako, vavoolela vandu voosi, “Litukhu linu nalio litakatifu khu Mwami Nyasaye, uli Nyasaye wenyu. Muvuli khwikhula inoho khulila tsikhwili.”

NEHEMIA 9:1

Khulitukhu lia makhomi kavili na kane, khu mweli kwenoko, Vaisraeli vakanila halala. Vahonga vuchila khulia, khumanyinya ndi vavelele mumioyo chiavo. Vifwala tsinguvu tsialombwa khu makunia, khandi nivivekha lukuushi khu mirwi chiavo.

YOSHWA 8:35

Yoshwa yasomela Vaisraeli voosi shia lilako liosi khurula mu Malako ka Musa; khali yako kavoolanga makhuva khulondokhana khu vandu vakhali nende vaana vatititi halala na vandu vacheni vamenyanga muvo.

NEHEMIA 8:18

Ezira yasoma mu Shitabu shia Malako ka Nyasaye khu shia litukhu, khuraanjila khulitukhu liu khuraanga khutukha khulitukhu liukhumalilikha. Vikhoyela mulukha khumatukhu saba; khandi khulitukhu lia munane, khwali nu mulukha kukhumalila khulondokhana khuli Malako kenyanga.

NEHEMIA 10:29

voosi viyunga na veshie, nivisuuha khuva hasi hi shilaamo, niiva valameneka Malako ka Musa, wali murumishi wa Nyasaye yavaha; khandi ndi valiitsa khurweshitsa nu khukhola koosi ka Malako ku Mwami Nyasaye, uli Nyasare weru yenyanga kakholwi; khandi khulonda mechitso keke nende mivaalo keke koosi.

NEHEMIA 13:1

Khulitukhu lienelo, Malako ka Musa kasomwa ikulu nu mwoyo mukali, vandu nivakahulilanga; khandi vasoma havundu ha kali nikahandikwa ndi mundu avulakhuho wosi, ave Muamoni inoho Mumoabu anyala khuhuchililwa khwinjila mu shikhaalo shia Nyasaye;