NEHEMIA 7:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Vitsayo na Zerubabeli, Yeshwa, Nehemia, Azaria, Rahamia, Nahamani, Modekai, Bilishani, Misiperetsi, Bigivai, Nehumu, nende Bahana. Iyi nayo isavu ya Vaisraeli voosi khulondokhana khu lwivulu lwavo:

NEHEMIA 7:7 Iomraidhean Croise

EZIRA 2:2

Vimilili vavo venavo vali Zerubabeli, Yeshwa, Nehemia, Seraya, Relaya, Moredekai, Bilushani, Misipari, Bigivai, Rehumu, nende Bahana. Yaka nako mira ka vi tsinzivulu tsia Israeli, vakalukha nivarula mu vuhaambe:

EZIRA 5:2

Lwa Zerubabeli mwana wa Shalitieli nende Yeshwa, wali mwana wa Yozadaki vahulila vuprofeti vwavo, varaanga khumbakha vuyia Litempeli lia Nyasaye mu Yerusalemi. Vaprofeti va Nyasaye vavili venavo vavakhonya khukhola muhinzilu kwenoko.

NEHEMIA 11:3

Navo vali vimilili vi tsisomo vamenyanga mu Yerusalemi; navutswa valala khu Vaisraeli, vasalisi, vandu vu lwivulu lwa Levi, varumishi vi Litempeli nende vitsukhulu va varumishi va Solomoni, vamenya mu milimi chiavo mu mataala ka Yuda.

NEHEMIA 12:1

Yaka nako mira ka vasalisi nende vandu vu lwivulu lwa Levi, vitsa halala na Zerubabeli mwana wa Shalitieli, nende Mukali wa vasalisi voosi Yeshwa. Vandu venavo vali Seraya, Yeremia, Ezira,

NEHEMIA 12:10

Yeshwa neye wivula Yohakimu, Yohakimu wivula Eliashibu; Eliashibu niyivula Yohada.

NEHEMIA 12:3

Shekania, Rehumu, Meremotsi,

NEHEMIA 12:7

Salu, Amoku, Hilikia, nende Yedaya. Navo vali vimilili va vasalisi nende vakhonyani vavo mumatukhu ka Yeshwa.

NEHEMIA 2:2

Mwami Aratashasita yandeva, “Shichila shina ulolekhanga uli nu vuveleli mu mwoyo kwokwo, navutswa shiuli mulwale tawe? Shikali ni shindu tawe; navutswa nu vuveleli mu mwoyo kwanje.” Nalwo lwa namanya nindia muno.

NEHEMIA 7:6

Vandu vanyishi khu yavo, vali nivahilwa mu vuhaambe varula mu lusomo lwa Babilonia, nivakalukha Yerusalemi nende Yuda, shia mulala natsia mu litaala liavo. Vandu vi tsinzu tsiavo vali nivamenyanga mu vuhaambe mu Babilonia, khuraanjila khulitukhu liu Mwami Nebukadineza yali niyavahilayo khuva vavohe.

NEHEMIA 7:8

Vitsukhulu va Paroshi, vali tsiheelefu tsivili imia indala na makhomi saba na vavili;

EZEKIELI 1:11

Nindio khandi vilombe vili mwoyo vienevo viali nu vweni. Viali ni tsimbaha tsiali nitsiavambukha khwikulu khwavio; shia shilombe shiosi shiali ni tsimbaha tsivili, shia luvaha lwitiilanga khu lundi, tsimbaha tsivili nitsikhunikha mivili chi vilombe vienevo.

HAGAI 1:1

Khulitukhu liu khuraanga liu mweli wa sita khumuhika kwa khavili, nu kuli muhika kwa Dario wa Perisia yamihanga, Mwami Nyasaye yalomoloma nu Muprofeti Hagai. Yamuvoolela atsi khuvoolela Zerubabeli mwana wa Shalitieli, wali nali gavana wa Yuda nende Mukali wa vasalisi voosi Yoshwa mwana wa Yehozadaka, makhuva ka yali navooli.