NEHEMIA 7:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Navavoolela, “Vilivwa via Yerusalemi vikhikulwa liuva nilishili khwakha vululu tawe. Lwa valindi vi vilivwa valiitsa khuva nivashilindanga, nalwo lwa vikala vilivwa ni milondi. Mularovola valindi khurula mu vandu va Yerusalemi, valala valiitsa khuva havundu ha vasinjilanga nivalinda, na vandi imbeli wi tsinzu tsiavo vene.”

NEHEMIA 7:3 Iomraidhean Croise

NEHEMIA 13:19

Khu, lwa shivala shiaranga khumwama ha vilivwa via Yerusalemi, litukhu li Lisabato nilishili khutukha, nahaana lilako miliango khwikalwa maningaya mundu wosi khuvula khwikulakhu miliango chienecho, litukhu li Lisabato nilishili khuvira. Nalwo lwa narovola valala khu varumishi vaanje khusinjilila vilivwa vienevo, khwikalila misiko chia vandu vachinganga nivaleramu khulitukhu li Lisabato.

NEHEMIA 3:23

Benyamini nende Hashubu, navo vumbakha vuyia luveka lundi lwali imbeli wi inzu yavo. Azaria mwana wa Maseya, mwana wa Anania neye yumbakha vuyia luveka lundi lwali imbeli wi inzu yavo.

NEHEMIA 7:2

narovola amwavo wanje Hanani khusinjilila litaala likali lia Yerusalemi, halala na Hanania, wali nali gavana wi imbinga ya Yerusalemi, shichila yali mundu musuuvilwa, khandi yali waha Nyasaye luyali khuvira vandu vanyishi.

NEHEMIA 7:4

Litaala likali liali liakalama khandi livambalalu muno, navutswa isavu indititi ya vandu vonyene vamenyamu, khandi tsinzu shitsiali tsia yumbakhwamu tawe.

TSABURI 127:1

Mwami Nyasaye nakhumbashe inzu, vumbashi vachiumbakhanga vakholanga mihinzilu mu shikhaya. Mwami Nyasaye nakhalindi litaala likali, valindi valilindanga vakholanga mihinzilu mu shikhaya.

TSABURI 147:13

shichila neye utinyinyanga milondi chi vilivwa vienyu, khandi akasitsa vandu venyu.

MATAYO 10:16

“Muhulishitsi! Murumanga khutsia ilwanyi khuli makondi hakari hi visutsi. Muve vacheli khuli tsinzukha khandi vahoma khuli vituti.