NEHEMIA 7:2 - IBIBILIA INDAKATIFU MU LUTIRICHI LWITAKHO NENDE LWISUKHA

² narovola amwavo wanje Hanani khusinjilila litaala likali lia Yerusalemi, halala na Hanania, wali nali gavana wi imbinga ya Yerusalemi, shichila yali mundu musuuvilwa, khandi yali waha Nyasaye luyali khuvira vandu vanyishi.

NEHEMIA 7:2 Iomraidhean Croise

NEHEMIA 1:2

mulala khu vamwavo vaanje Hanani yatukhaho, halala na vandu vandi khurula Yuda. Namureeva makhuva shichila Vayahudi vashieru vali nivihonolokha khuhilwa mu vuhaambe, khandi mareevo kandi khulondokhana khu litaala likali lia Yerusalemi.

MATAYO 25:21

Muruchi wewe yamuchipa, ‘Yivi murumishi mulahi khandi musuuvilwa, wakhola shikholwa shilahi. Shichila wali musuuvilwa khu shindu shitititi, nakhuha vunyali vu khusinjilila vindu vinyishi. Hamba usanje mu vuyaanzi vwanje inzi muruchi wowo.’

TSABURI 101:6

Niitsa khuhuchilila yavo vasuuvilanga Nyasaye khandi valeshe vamenye mu inzu yanje yu vwami. Vandu vamenyanga limenya lilahi valiitsa khuhuchililwa khundumishila.

NEHEMIA 10:23

Hosheha, Hanani, Anaya,

NEHEMIA 2:8

Nareeva khandi ibarwa yanyala khuhila khu Asafu, wali nali mulindi wu Muliru kwi Inzu yu Vwami, nimwivaalilanga khuli anyala khumba tsimbaho, tsiu khurumishila khumbakha vilivwa vi Litempeli, masisi ki litaala likali, khandi inzu yanje yu khumenyamu. Mwami Aratashasita yamba shia shindu shiosi, shia nali nindevi, shichila Nyasaye yali ninzi khuvirila mu vulahi vwevwe.

1 VAMI 18:3

Ahabu yalaanga Obadia, wali mundu wasinjililanga inzu yu vwami. (Obadia yali ayihaana nu mwoyo kwosi khu Mwami Nyasaye.

2 TIMOTEO 2:2

Vukula mechitso ka wahulila ninzilwatsanga imbeli wa vashiahidi vanyishi; nu khwechitsa vandu vatoto vatushili, vanyala khwechitsa khandi vandi.

1 VAKORINZO 4:2

Khali ndio, shindu shilala shitushili khurula khu vandu vaheelwa muhinzilu khuli kwenoko, nu khwenya ndi vave vasuuvilwa mu shia shindu shiosi.

AYUBU 1:1

Khwaliho khale nu mundu mu shivala shia Uzi walaangwangwa Ayubu. Mundu mwenoyo mu limenya lielie yali mundu wi likhola liu vulunji vuchila imbala yosi. Ayubu mwenoyo yali waha Nyasaye luyali, khandi yali waria khukhola vwoni.

NEHEMIA 13:13

Narovola musalisi Shelemia, mwechitsi wa malako Zadoko, nende mundu wundi warulanga mu vandu vu lwivulu lwa Levi walaangwangwa Pedaya, khusinjilila tsinzu tsi livishilu. Narovola Hanani mwana wa Zakuri, mwana wa Matania khuva mukhonyani wavo, shichila vandu venavo vali vavukulwa khuva vasuuvilwa. Vaheelwa muhinzilu ku khukavulila veshie vindu via venyekhanga khuheelwa.

NEHEMIA 5:15

Vagavana voosi vamihanga imbeli wanje, inzi nishili khurovolwa vatiukhanga vandu misiko militoho. Vavoolelanga vandu venavo vavahe shiukhulia nende idivai ya vang'wa, khumeeta khu tsisenti tsiali nitsialombwa khu ifetsa, tsia vaheelwangwa shia khulitukhu. Khali varumishi vavo vatiukhanga vandu misiko militoho. Navutswa inzi nambakhana khukhola ndio, shichila naheetsanga Nyasaye luyali.

1 VAMI 18:12

Nikave karina, niiva Roho wu Mwami Nyasaye aliitsa khukhuchinga akhuhili havundu hambula khumanya, lwa mba ninakharula havundu uli hanu? Lwa nzia khuvoolela Mwami Ahabu ndi uli hanu, navutswa avuli khukhunyola, anyala khunziira. Khutukha umanye ndi inzi navetsanga murumishi wali niyihaana nu mwoyo kwosi khusaala khu Mwami Nyasaye, khurula nishili muvukha.

2 SAMWELI 23:3

Nyasaye wa Israeli umali khulomoloma; woyo uli khuli lwanda lulindanga Israeli yambolela, “Mwami wamihanga vandu khuvirila munjila yu vulunji, yamihanga khuha Nyasaye luyali.

LIVALITSWA 12:7

Navutswa nyala khuvula khwimanyinya ndio, khu murumishi wanje Musa; muheele vunyali vu khusinjilila vandu vaanje Vaisraeli voosi.

KHURULA 18:21

Navutswa khumeeta khu yaka, uliitsa khurovola vandu vali ni tsingulu, nu khuvaha vunyali vu khwimilila vandu: Vimilili va vandu tsiheelefu ni tsiheelefu, tsimia ni tsimia, makhomi karanu na makhomi karanu, khandi makhomi na makhomi. Navo vatushili khuva vandu vanyala khuha Nyasaye luyali, vanyala khusuuvilwa khandi vanyala khuvula khuhuchilila asooya.

LIRAANGA 42:18

Khulitukhu lia khavaka, Yosefu yavavoolela, “Kholi kambolanga, mutsililile khuva mwoyo; shichila ndi mundu uheetsanga Nyasaye luyali.

MATAYO 24:45

“Ni viina murumishi uli musuuvilwa khandi uli nu vusitsa? Nu murumishi wu muruchi wewe yaha vunyali vu khusinjilila vandu vi inzu yeye, khuvaha shia valia mumatukhu kenyekhanga.

NEHEMIA 7:3

Navavoolela, “Vilivwa via Yerusalemi vikhikulwa liuva nilishili khwakha vululu tawe. Lwa valindi vi vilivwa valiitsa khuva nivashilindanga, nalwo lwa vikala vilivwa ni milondi. Mularovola valindi khurula mu vandu va Yerusalemi, valala valiitsa khuva havundu ha vasinjilanga nivalinda, na vandi imbeli wi tsinzu tsiavo vene.”