NEHEMIA 7:1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Lwa lisisi liali niliakhumbakhwa, nimali khuvikha miliango ha chienyekhanga chive, valindi vi vilivwa, vandu vu khwimba tsinyimbo, nende vandu valala khurula mu vandu vu lwivulu lwa Levi varovolwa,

NEHEMIA 7:1 Iomraidhean Croise

2 VAMI 7:10

Vasimukha nivatsia khulaanga valindi vi shilivwa shi litaala, nivavoola, “Khwinjila mu maheemo ka vasikali va Vasiria vamenyamu, navutswa mundu avulakhuho wa khwalolakhu, inoho khwahulilakhu nalomolomanga. Khwalola vutswa tsifarasi nende tsipunda nitsiavohwa, maheemo ku khumenyamu, nikashili vutswa khuli Vasiria vakalekha.”

2 TSINYINGA 31:2

Mwami Hezekia yarechekha khandi muhinzilu kwa vasalisi nende vandu vu lwivulu lwa Levi, kwa shia mulala khuvo yenyekhanga akhole. Muhinzilu kwavo kwali ku khuhaana vihanwa viu khusambwa nende vihanwa viu khulera milembe, khwiyunga khwa halala khusaala mu Litempeli, khandi khwitsominya nu khusanditsa Mwami Nyasaye shia havundu hosi henyekhanga mu Litempeli.

EZIRA 3:8

Vandu varaanga muhinzilu mweli kwa khavili khumuhika kwa khavili lwa vali nivakhatukha ha Litempeli lia Nyasaye mu Yerusalemi. Zerubabeli mwana wa Shalitieli, Yeshwa mwana wa Yozadaki nende veshie vandi, vasalisi, vandu vu lwivulu lwa Levi na yavo voosi vakalukha mu Yerusalemi nivakharula mu vuhaambe vakhonyana muhinzilu. Varovola vandu vu lwivulu lwa Levi vali nivatushitsi mihika makhomi kavili inoho vahindila khusinjilila muhinzilu ku khumbakha vuyia Litempeli liu Mwami Nyasaye.

NEHEMIA 10:39

shichila Vaisraeli nende vandu vu lwivulu lwa Levi, valiitsa khulera vihanwa viavo vi imu, idivai, makura ku musayituni mu tsinzu tsi livishilu li vindu, Havundu Hatakatifu ha vavikhanga, khandi havundu ha vasalisi varumikhanga, valindi vi shilivwa nende vandu vimbanga tsinyimbo vamenyanga. “Shiukhunyala khwivilila inzu ya Nyasaye weru tawe.”

NEHEMIA 11:3

Navo vali vimilili vi tsisomo vamenyanga mu Yerusalemi; navutswa valala khu Vaisraeli, vasalisi, vandu vu lwivulu lwa Levi, varumishi vi Litempeli nende vitsukhulu va varumishi va Solomoni, vamenya mu milimi chiavo mu mataala ka Yuda.

NEHEMIA 12:24

Yaka nako mira ka vandu vu lwivulu lwa Levi: Hashiabia, Sherebia, nende Yeshwa mwana wa Kadimieli, halala na vakhonyani vavo va vimililanga. Vali vaheelwa muhinzilu ku khwitsominya nu khusanditsa khulondokhana khu mivaalo ka Daudi, mundu wa Nyasaye. Shia shituma shia vandu shialondokhananga ni shituma shindi mu shikha shiashio.

NEHEMIA 6:1

Lwa Sanibalati, Tobia, nende mundu Muarabu walaangwangwa Geshemi nende vatsiku veru vandi voosi, vavoolelwa ndi mali khumbakha vuyia lisisi, khandi makova kavulakhuho karikala mulio, khali niiva khwali nu khushili khurechekha miliango mu vilivwa --

NEHEMIA 6:15

Vamala muhinzilu ku khumbakha vuyia lisisi khulitukhu lia makhomi kavili na karanu, liu mweli kwa Eluli. Vavukula matukhu makhomi karanu na kavili khumala muhinzilu kwenoko.

NEHEMIA 6:19

Khali ndio, vandu vambolelanga vikholwa vilahi khulondokhana khuye, khandi nivamuvoolela makhuva khulondokhana khwinzi. Nikhali, Tobia yaruma tsibarwa tsiu khuchelitsa khurishitsa inzi.