NEHEMIA 6:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ Voosi vachelitsa khuli vanyala khukhurishitsa, nivakanakana, “Valateteshela, ma muhinzilu kuvuli khuvwa.” Nasaala, nimbola, “Nyasaye wanje, nuyaanza umbe tsingulu nunundi!”

NEHEMIA 6:9 Iomraidhean Croise

TSABURI 138:3

Lwa nakhulilila, wanjipa; khali numeeta tsingulu tsiu khundinyinya.

1 PETRO 5:10

Navutswa lwa muliitsa khuva nu mwakhanyakhana hatititi vutswa, Nyasaye wi tsimbavasi tsiosi tsirulakhu, wamulaanga khusanga naye mu vukhumi vwevwe vwi mihika ni mihika khuvirila mu Kristo, neye mwene uliitsa khumukhola vaseletse, aliitsa khumumbakha ni tsingulu, aliitsa khumuha tsingulu nu khumulomba muve khuli musinji kwatoto.

VAHEBRANIA 12:12

Khulwa yako, chinji ikulu makhono kenyu, khandi musinjile vulunji!

VAFILIPI 4:13

Nyala khukhola shia shindu shiosi khuvirila mu woyo uchilanga nimba ni tsingulu.

VAEFESO 3:16

Saalanga khu Nyasaye, khurulana khu vuhinda vu vukhumi vwevwe, amuhe tsingulu khuvirila mu Roho wewe khu muve ni tsingulu mu mioyo chienyu;

VAKORINZO 12:9

Navutswa Mwami yambolela, “Tsimbavasi tsianje natsio tsia wenyekhanga unyole, shichila tsingulu tsianje tsikholwangwa khuva tsiseletse mu vuteteshele.” Khulwa yako, nasangala ninzichinjilila shichila vuteteshele vwanje, khu Kristo atsililile khuninda khuvirila mu tsingulu tsietsie.

ISAYA 41:10

lekha khuria, shichila ndi nivi! Lekha khuheenda mwoyo, shichila ndi Nyasaye wowo! Niitsa khukhutinyilitsa, niitsa khukhukhonya; niitsa khukhulinda nu khukhuhonyinya.

SAMWELI 30:6

Daudi yali mu vutiinyu vunyishi muno, shichila vandu veve valomolomanga khuli vanyala khumulesa na machina. Shia mundu wosi yali nu vurima vululu mu mwoyo kwekwe, shichila vaana veve vi shiyayi nende vi shikhana. Navutswa Mwami Nyasaye yaha Daudi tsingulu.

VAEFESO 6:10

Lukhumalilikha, muve ni tsingulu mu Mwami, khandi mu tsingulu tsiu vunyali vwevwe.

YEREMIA 38:4

Khulwa yako, vimilili vavoolela Mwami Zedekia, “Mundu uyu utukhane khwiirwa; shichila ukholi vasikali varikala mu litaala likali khukhutsa mwoyo, khali vandu vandi voosi, khurulana khu vindu via alomolomanga yivi. Mundu uyu shikali ali ni lienya liu khukhonya vandu vamenye vulahi tawe; navutswa avenyelanga vindu vitamanu khuvakwila.”

2 TSINYINGA 15:7

Navutswa muve ni ikholo! Leshi khukhutsa mwoyo, shichila muhinzilu kwa mukholanga kuliitsa khuchila mwanyola murungu.”

TSABURI 71:1

Mwami Nyasaye, nzilushilanga khu yivi; lekha khunzivala tsisoni!

TSABURI 56:3

Lwa ndanganga khuria, suuvililanga mu yivi.

NEHEMIA 6:14

Namanya nisaala, nimbola, “Yivi Nyasaye wanje, yitsushitsakhu ka Tobia nende Sanibalati vamali khukhola, khandi ka muprofeti wi shikhali Nohadia nende vaprofeti vandi vakholi, khulu khukhola khuria.”

TSABURI 68:35

Nyasaye wa Israeli nu witsingulu tsinyishi nu vunyali mu Litempeli lielie, khandi akhulombanga khuva ni tsingulu nende vunyali. Khwitsominyi Nyasaye!

2 TSINYINGA 32:18

Varumishi veve venavo valaanjilila mululomolomo lu Muluhebrania khu vandu va Yerusalemi vali nivali mu lisisi, khuvatechelitsa nu khuvarishitsa khu vavukuli ni tsingulu litaala likali.

ZAKARIA 10:12

Navutswa inzi mwene niitsa khukhola vandu vaanje khuva ni tsingulu; valiitsa khusaala nu khulonda malako kaanje. Inzi Mwami Nyasaye mali khuvoola.”

EZIRA 1:6

Vareende vavo voosi va vakhonya ni vindu vialombwa khu ifetsa nende itsahabu, miandu nende miruku, nende vihanwa vindi viu vukuuli, khumeeta khu vihanwa vindi via vali nivirulitsa khuhaana nu mwoyo mulala.

EZEKIELI 30:24

Niitsa khumeeta tsingulu Mwami wa Babilonia; niitsa khumuha tsingulu tsiu khukwana ni shivavi; navutswa niitsa khutong'ola mikhono chiu Mwami wa Misri khali aliitsa khulila imbeli wu Mwami wa Babilonia khuli mundu wasalilitswa vululu muno.

ISAYA 40:29

Aheetsanga vandu vashiindanga tsingulu, nu khumeeta mundu uvula vunyali vwosi tsingulu.