NEHEMIA 5:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ Nakanakanakhu shindu khulondokhana khu makhuva kenako mu tsinganakani tsianje, ninundushila vimilili nende varumishi va vandu. Navavoolela, “Shia mulala khu munyi atiukhanga weshie musiko mulitoho.” Nalaanga halala shikhaalo shikali shia vandu, khulola kanyala khuvakhola;

NEHEMIA 5:7 Iomraidhean Croise

LEVI 25:36

Muvuli khunyolela khuye vukhala; navutswa muhe Nyasaye wenyu luyali, khu Muisraeli weshie atsililile khumenya himbi na munyi.

KHURULA 22:25

“Niiva muliitsa khwikopitsa mulala khu vandu vaanje vamanani tsisenti, muvuli khukholakhu khuli vandu viikopitsanga vandi tsisenti vakholanga, mavareeva vanyolelekhu vukhala.

EZEKIELI 22:12

Vandu valala vali mu yivi vaheelwangwa asooya nambula vasuundula shisahi shia vandu. Uvukulanga vukhala nunyola miandu, lwa wurumishilanga vuvehi khu vareende vovo. Wanzivilila muno! Inzi Mwami Nyasaye mali khuvoola.

TSABURI 15:5

Mundu mwenoyo yikopitsanga mundu tsisenti vuchila khwenyelakhu vukhala, khandi shiavukulanga asoya khuvoola vuvehi khunyashitsa vandu vavula vutamanu tawe. Mundu wu kholanga vindu khuli vienevo aliitsa khumenya mu vulindi vulahi.

LEVI 19:15

“Muve vanyala khusuuvilwa khandi vakholanga kali katoto, lwa mukhalachilanga vandu mushiina. Muvuli khwihonelakhu vandu vamanani, inoho khuria vandu vahinda.

TITO 2:15

Wenyekhanga khwechitsa vindu yivi, nu khurumishila vunyali vwovwo vwosi, lwa utinyilitsanga nukondeshela vandu vakhuhulilanga. Mundu akhakhuchayakhu tawe.

1 TIMOTEO 5:20

Kondeshela havulavu vandu voosi nivalolanga, yavo voosi vatsilililanga khukhola vwoni, khulu khwenya vandi yavo khuria khukhola vwoni.

VAGALATIA 2:11

Navutswa lwa Petro yatukha mu litaala lia Antiokia, namuhinjitsa havulavu, shichila ni kilikali, yali ukholi shindu shitamanu.

VAKORINZO 5:16

Khulwa yako, khuvuli khukhalachila mundu khulondokhana khuli vandu vakanakananga. Khali niiva khwakhalachila Kristo mumatukhu kandi khulondokhana khuli vandu vakanakananga, shiukhunyala khumukhalachila khandi tawe.

MATAYO 18:17

Niiva aliitsa khwambakhana khuvahulishitsa, ulahila makhuva kenako mu likanisa. Niiva aliitsa khwambakhana khuhulila khandi khali likanisa, leshi ave vutswa khuli mundu urulanga mu vandu vi tsimbia tsindi tsiosi inoho musololi wu vushuru.

EZEKIELI 45:9

Mwami Nyasaye avoolanga, “Munyi vamihi va Israeli, mwakhola vwoni khumatukhu manyishi! Leshi vindu viu khusalilitsa nu khutambitsa vandi, murweshitse katoto nende likhola liu vulunji. Leshi khukhunganyinya vandu vaanje khurula mu shivala shiavo. Inzi Mwami Nyasaye mali khuvoola.

TSINGANU 27:5

Nu vulahi khuchelihitsa mundu havulavu khuvira khumukaata wamuyaanza.

TSABURI 27:8

Nzivoolelanga mu mwoyo, “Hamba usaale khu Mwami Nyasaye!” Nachipa, “Mwami Nyasaye, nzitsanga khu yivi.”

TSABURI 15:1

Mwami Nyasaye, ni viina unyala khumenya mu Litempeli liolio? Ni viina unyala khusaala khu shikulu shioshio shitakatifu shia Sayoni?

TSABURI 4:4

Khali numuli nu vurima, muvuli khukhola vwoni; numuli mu tsindolo mukonanga, mwireeve numuhonjeli.

TSABURI 109:11

Vandu vamwikopitsa shindu vamunuuli miandu chiechie; khali vandu vacheni vamuyaaye murungu kwekwe.

KHURULA 22:24

khandi namulolela vurima. Niitsa khumwiira muliihe. Vakhali venyu valiitsa khukwa vakhutsakhali, khandi vaana venyu vave vavisandu.

TSABURI 94:16

Ni viina wasinjila nakhonya khurula khu vandu vatamanu? Ni viina wavukula vwiyangu vwanje khurula khu vandu vatamanu?

TSINGANU 28:4

Vandu vivilila khulonda malako vitsominyanga vandu vatamanu, navutswa yavo valondanga malako vahingananga navo.