NEHEMIA 5:2 - IBIBILIA INDAKATIFU MU LUTIRICHI LWITAKHO NENDE LWISUKHA

² Valala khuvo vavoolanga, “Khutsi nende vaana veru vi shiyayi nende vi shikhana khwayivulana mu vunyishi; nu khwenyi khwalia khandi khutsililile khuva mwoyo, khutukha khukhave shiakhulia.”

NEHEMIA 5:2 Iomraidhean Croise

MALAKI 2:2

Niiva mulambakhana khuhulishitsa, inoho muvuli khulonda makhuva kaanje khuhaana vukhumi khu lira lianje, niitsa khumulaama munyi. Niitsa khulaama khandi vindu vimukhonyanga mu limenya lienyu. Ni kilikali, mali khuvilaama khale, shichila mwa yambakhana khulonda mivaalo kaanje.

LIRAANGA 43:8

Yuda yavoolela tata wewe, “Nduma nu mwana wi shiyayi uyu, khulu khutsia vwangu; na khutsi khutsililile khuva mwoyo -- yivi, khutsi nende vaana veru vatititi.

LIRAANGA 42:2

Mali khuvoolelwa ndi shiukhulia shili mu shivala shia Misri. Kholomoshi mutsiyo mukuule shiukhulia khu inzala ivuli khukhumala.”

LIRAANGA 41:57

Vandu vitsa mu shia Misri, khurula shia havundu hosi mu shivala khwitsa khukuula shiukhulia khurula khu Yosefu, shichila inzala yali indulu muno shia havundu hosi khulilova.

LITSUSHITSWA 23:19

“Muvuli khurunjitsa Muisraeli weshie vukhala, kave khu tsisenti inoho khu shiukhulia inoho khu shindu shindi shiosi shinyala khumulerela vukhala.

2 VAMI 4:1

Mukhali wu mundu warulanga mu shituma shia vaprofeti, yasimukha natsia khu Elisha navoola, “Murumishi wowo wali musatsa wanje, umali khukhutsa; khandi wamanya ndi yaheetsanga Mwami Nyasaye luyali. Navutswa mundu wa yali ni likoovi lielie li tsisenti, yitsanga khuvukula vaana vaanje vi shiyayi vavili, khutsia khuvakhola khuva varukwa veve.”

NEHEMIA 5:3

Khwaliho khandi na vandu vandi vavoolanga, “Khutsitsanga khukoteshitsa milimi chieru, milimi chieru chi misabibu, nende tsingo tsieru khunyole shia khunyala khulia mumatukhu ki inzala.”

HAGAI 1:6

Mwaraaka mu vunyishi, numuchesa viti; muliitsanga shiukhulia, navutswa khali shimutukhanga tawe. Mung'wetsanga, navutswa vuluhu shiuvuvwetsanga tawe. Mwifwalanga tsinguvu, navutswa khali mundu avulakhuho khu munyi unyolanga luya; khandi mundu unyolanga murungu akuvikhanga mu visikolo viahuutukha.”

LIRAANGA 47:19

Shichila shina wenyanga khutsi khukhutsili imbeli wowo? Shichila shina wenyanga shivala shieru shirikale shiele vutswa vuchila vandu vamenyamu? Nu vulahi nu khukuuli ni tsisenti, khutsi halala ni milimi chieru khu khunyole shiukhulia. Khutsi vene khutsitsanga khuva varukwa vu Mwami wa Misri, khandi milimi chieru chiliitsa khuva chiechie. Khuhe imu inyala khuchila khutsililile khuva mwoyo, khandi vukuutsa vwa khuraaka mu milimi chieru.”