NEHEMIA 5:16 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁶ Khali inzi mwene nakhola ni tsingulu tsianje tsiosi muhinzilu ku khumbakha lisisi. Miandu chivulakhuho chia nanyolakhu. Varumishi vaanje voosi vakanilaho khukhola muhinzilu.

NEHEMIA 5:16 Iomraidhean Croise

VAGALATIA 6:9

Khutsililile khuva ni tsingulu tsiu khukhola malahi; shichila niiva khunyala khuvula khukhutsa mwoyo, inyinga yenyekhanga iliitsa khutukha lwa khuliitsa khuchesa.

1 VAKORINZO 15:58

Khulwa yako, vasuuvili vashianje va nayaanza, mutsililile khusinjila ni tsingulu nu khulekha khuhaya haya. Muvuli khukoyanyinywa! Shia khase khosi mutsililile khukhola ni tsingulu muhinzilu ku Mwami, shichila mwamanya vulahi ndi muhinzilu kwosi kwa mukholanga mu Mwami, shiukuliitsa khuva kwi shikhaya tawe.

VAROMA 2:7

Vandu vachelitsanga khukhola malahi khuvirila mu vwikhutsili, nivakhava khuheelwa vukhumi, luyali, khandi khuvula khukhutsa, navo va Nyasaye aliitsa khuha vulamu vwi mihika ni mihika.

LUKA 8:15

Vukuutsa vwakwa mulilova lilahi, navo vandu vahulilanga likhuva, vahaanda khulio nu mwoyo mulahi khandi kwi lisuuvila, mavikhutsila khutukha lwa vama matunda.

LIVALITSWA 16:15

Musa yali nu vurima, navoolela Mwami Nyasaye, “Uvuli khuhuchililakhu shihanwa shiosi, shia vandu yava vakhulerela. Shili khukholelakhu khali mulala khuvo shindu shitamanu. Khali shili khuvukulakhu, indala khu tsipunda tsiavo.”

NEHEMIA 5:15

Vagavana voosi vamihanga imbeli wanje, inzi nishili khurovolwa vatiukhanga vandu misiko militoho. Vavoolelanga vandu venavo vavahe shiukhulia nende idivai ya vang'wa, khumeeta khu tsisenti tsiali nitsialombwa khu ifetsa, tsia vaheelwangwa shia khulitukhu. Khali varumishi vavo vatiukhanga vandu misiko militoho. Navutswa inzi nambakhana khukhola ndio, shichila naheetsanga Nyasaye luyali.

NEHEMIA 5:17

Khali ndio, nali na vandu imia indala na makhomi karanu, nivali Vayahudi nende vimilili vavo. Naliho khandi na valala khu vandu vali nivaruli mu vandu, vi tsimbia tsindi tsili himbi khu shivala shieru.