NEHEMIA 5:11 - IBIBILIA INDAKATIFU MU LUTIRICHI LWITAKHO NENDE LWISUKHA

¹¹ Muvakalushitsile nunundi milimi chiavo, milimi chiavo chi misabibu, milimi chiavo chi misayituni nende tsinzu tsiavo. Muvuli khuhuchilila khwenya khurungwa khandi makoovi kenyu, ka vali nako, kave ni tsisenti, imu, idivai nende makura ka vamurunganga shia khase khosi.”

NEHEMIA 5:11 Iomraidhean Croise

ISAYA 58:6

“Khuhonga vuchila khulia khwa nyenyanga nakhwo yukhu, Khuvoholola yavo vavohwa mucheela vuchila vutamanu vwosi vwa vakhola, khuvoholola vanyashitswangwa khuva valakhule, khandi khulakhula yavo vatambitswangwa khuva vavoholole!

LUKA 3:8

Mukhole vindu vinyala khumanyinya ndi mwayikanila khurula mu vwoni vwenyu. Muvuli khuraanga khuvoolelana vene khuvene ndi Aburahamu ni kuuka weru. Muvoolelanga kilikali ndi Nyasaye anyala khukalukhanyinya machina yaka khuva vitsukhulu va Aburahamu!

2 SAMWELI 12:6

Arunji hali khane vukuli vwali vwi likondi lienelo, shichila yakhola shikholwa khuli shienesho, navula khumulolelakhu tsimbavasi.”

SAMWELI 12:3

Ninzi uli hanu uyu. Niiva nakholakhu shindu shitamanu, nzaali nunundi imbeli wu Mwami Nyasaye nende mwami wewe wayavekha makura. Nyala khuva navukulakhu ing'ombe yu mundu wosi, inoho ipunda yu mundu wosi? Nyala khuva nakaatakhu mundu inoho natambitsakhu mundu wosi? Nyala khuva nahuchililakhu khuheelwa asoya nu mundu wosi? Niiva nakholakhu khali shindu shilala khu vindu vienevo, niitsa khurunga shia shindu shiosi, shia navukula.”

LITSUSHITSWA 6:11

tsinzu tsitsula vindu vinyishi lukanu, na lukanu via mwakhavikhamu, visima via mwakhayeeva, khandi milimi chi misabibu nende misayituni, chia mwakharaaka tawe; lwa muliitsa khuliakhu khandi muve numwakhikura,

NEHEMIA 5:10

Khali ndio, inzi, vashianje nende varumishi vaanje vandi navo, khwikopitsanga khandi vandu tsisenti nende imu. Khuvula vukhala vwa khutsitsanga khwenya khurungwa.

NEHEMIA 5:12

Vimilili vavoola, “Khutsitsanga khuvakalushitsila. Shindu shivulakhuho shia khutsitsanga khuvareeva vakhuhe. Khuli lwa uvooli.” Nalaangamu vasalisi, nivavoolela visuuhi khukhola ka vali nivalachi khukhola.