NEHEMIA 5:1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Matukhu mati nikakhavira, vandu vasatsa nende vakhali vavo varaanga khwililila, shichila Vayahudi veshie.

NEHEMIA 5:1 Iomraidhean Croise

ISAYA 5:7

Vaisraeli nakwo mulimi kwi misabibu ku Mwami Nyasaye wi Mikaanda Chiliihe vandu va Yuda navo misala chi misabibu chimuyaanzitsanga; yalindilila vakhole katoto, navutswa vasuundula shisahi. Yalindilila alole nivakhonga likhola liu vulunji, navutswa yahulila vandu nivali mu vutiinyu nivenya vakhonywi.

YAKOBO 5:4

Mwayambakhana khurunga vandu vakholanga mihinzilu mu milimi chienyu mirungu chiavo. Hulishitsi khuli vikananga! Khulila khwa vandu vamukhonyanga khuchesa viraakwa vienyu, khwatukha khu Nyasaye, uli Mwami Nyasaye.

VIKHOLWA 7:26

Litukhu lialondakhu, Musa yalola Vaisraeli vavili nivakwananga. Yachelitsa khuvalera vave mu milembe navoola, ‘Vandu munyi, muli vamwavo; shichila shina mwenyanga khusalilitsana vene?’

LUKA 18:7

Nyasaye shialiitsa khukholela vandu veve vayarovola katoto, nivali yavo vamulililanga mbasu nu vutukhu? Aliitsa khuvula khuvukula luhono khuvakhonya!

AYUBU 34:28

Vanika vamanani khulila tsikhwili khu Nyasaye, khandi nahulila khuli valilanga nivenya khukhonywa.

KHURULA 3:7

Nalwo lwa Mwami Nyasaye yavoola, “Ni kilikali, mali khulola khuli vandu vaanje vanyakhananga vululu muno mu shivala shia Misri. Mali khuhulila khulila khwavo, khurulananga khu vandu va vasinjililanga mu mihinzilu. Manyi vulahi vwene khuli vanyakhananga.

NEHEMIA 4:23

Khali inzi inoho vamwavo vaanje inoho varumishi vaanje inoho valindi va nali nindi navo, khwalekha khunavula tsinguvu tsieru; shia mulala yali wiyavaale shiuchi shieshie mu mukhono.

YEREMIA 34:8

Mwami Nyasaye yalomoloma khu Yeremia, lwa Mwami Zedekia yali niyakhola lilakano na vandu voosi mu Yerusalemi khukhola vavohe khuva vavoholole.

EZEKIELI 45:9

Mwami Nyasaye avoolanga, “Munyi vamihi va Israeli, mwakhola vwoni khumatukhu manyishi! Leshi vindu viu khusalilitsa nu khutambitsa vandi, murweshitse katoto nende likhola liu vulunji. Leshi khukhunganyinya vandu vaanje khurula mu shivala shiavo. Inzi Mwami Nyasaye mali khuvoola.

MALAKI 2:13

Yaka nako makhuva kandi ka mukholanga. Mwitsulitsanga miliika chienyu chia mulilanga khu vwaali vu Mwami Nyasaye, lwa mulilanga nu mwikhula shichila wayambakhana khuhuchililakhu vihanwa via muleranga khuye.