NEHEMIA 4:9 - IBIBILIA INDAKATIFU MU LUTIRICHI LWITAKHO NENDE LWISUKHA

⁹ Navutswa khwasaala khu Nyasaye weru, nu khurovola vandu vanyala khukhulinda mbasu nu vutukhu khurula khuvo.

NEHEMIA 4:9 Iomraidhean Croise

1 PETRO 5:8

Mwilinde vene munjila indahi, khandi muheenze! Mutsiku wenyu, uli Ibilisi, achenda chendanga iyi neyo, nahumanga khuli isimba alole mundu wanyala khumala.

TSABURI 50:15

Musaale khwinzi mumatukhu kamuli mu vutiinyu; niitsa khumukhonya, mulikhuminya.”

LUKA 21:36

Navutswa muheenze tsisaa tsiosi, khandi musaale shia khase khosi khu muve ni tsingulu tsiu khwihonolokha khurula khu vindu viosi viliitsa khwikholekha, khandi mulisinjila imbeli wu Mwana wu Mundu.”

MATAYO 26:41

Muheenze vulahi khandi musaale muvuli khukwa mu machelitso; mwoyo kwanje kwihulilanga, navutswa mmbili kuteteshele.”

LIRAANGA 32:28

Mundu mwenoyo yavoolela Yakobo, “Shiulalaangwakhu lira Yakobo khandi tawe, navutswa ulalaangwa lira Israeli, shichila uruulane minyikha na Nyasaye khandi nende vandu, umali khukuura.”

NEHEMIA 4:11

Khali vatsiku veru vavoola khandi, “Khali nivashili khumanya inoho khulola, khuliitsa khuvaseera, khwiira shia mundu wosi khuvo; nu khutivitsa muhinzilu kwavo.”

NEHEMIA 4:10

Navutswa vandu va Yuda, vavoola, “Khuvwele tsingulu lwa khwitiukhanga misiko militoho, khali khushili nindakala inyishi khurulitswaho. Khuvula tsingulu tsiu khutsililila khumbakha lisisi.”

AYUBU 5:12

Nyasaye yononyinyanga tsinganakani tsia vandu vapele, vavuli khunyola likuura mu ka vakholanga.

TSABURI 33:10

Mwami Nyasaye yononyinyanga lienya lia vandu vi tsimbia tsindi; khali akoyanyinyanga likhola liavo.

TSINGANU 22:12

Mwami Nyasaye alindanga vucheli, navutswa ativitsanga vindu via vandu vatamanu valoshitsanga khukhola.