NEHEMIA 4:6 - IBIBILIA INDAKATIFU MU LUTIRICHI LWITAKHO NENDE LWISUKHA

⁶ Khwatsililila khumbakha vuyia lisisi, khutukha lwa lisisi liosi liatukha hakari hene, shichila vandu vakhola muhinzilu nu mwoyo kwosi.

NEHEMIA 4:6 Iomraidhean Croise

VAFILIPI 2:13

shichila Nyasaye akholanga mihinzilu chiechie mu munyi shia khase khosi, khumulomba khuva ni lienya khandi khukhola ka yenyanga mukhole.

VAHEBRANIA 13:21

amuhe shia shindu shiosi shilahi, khu mukhole lienya lielie; khandi akhole mwene mu khutsi ka muyaanzitsanga khuvirila mu Yesu Kristo; utushili khuheelwa vukhumi mihika ni mihika! Amina.

NEHEMIA 6:15

Vamala muhinzilu ku khumbakha vuyia lisisi khulitukhu lia makhomi kavili na karanu, liu mweli kwa Eluli. Vavukula matukhu makhomi karanu na kavili khumala muhinzilu kwenoko.

1 TSINYINGA 29:14

“Navutswa inzi ni viina, khandi ni vanga viina vandu vaanje, venyekhanga khukhuha vihanwa nu mwoyo mulala? Shia shindu shiosi shirulanga khu yivi, khandi khukhuheetsanga shia yivi mwene walomba.

1 TSINYINGA 29:3

Khumeeta khu vienevo khandi khuvivira, mbani ifetsa nende itsahabu, khurula khu miandu chianje mwene, shichila nayaanza Litempeli lia Nyasaye.

TSABURI 110:3

Vandu valiitsa khwirulitsa khutsia vene, khulitukhu lia uliitsa khukwana vatsiku vovo. Vayayi vovo vavukha valiitsa khukhwitsila khu vikulu vitakatifu, khuli liime lilolekhanga mu mavwevwe.

2 TSINYINGA 29:36

Mwami Hezekia nende vandu voosi vikhoya, shichila vindu via Nyasaye yali nakholele vandu; khandi shichila kikholekha vwangu muno.

NEHEMIA 4:5

Uvuli khwivililakhu vindu vitamanu via vakholanga, inoho khulekha khuvasemeha vwoni vwavo; shichila vakhukholi khuva nu vurima, lwa vanyekanga vumbashi.”

NEHEMIA 4:7

Navutswa lwa Sanibalati, Tobia, Vaharabu, Vaamoni nende vandu vi litaala lia Ashidodi, vahulila ndi muhinzilu kukhutsililila khumbakha vuyia lisisi lia Yerusalemi kutsilililanga khumbeli, khandi ndi makova kali nikalikukha mu lisisi kililitswangwa, vali nu vurima vunyishi.

TSABURI 122:3

Yivi Yerusalemi, nivi wa vumbakha vuyia khuva litaala likali, liakasa vulahhi muno khandi lialindwa ni tsingulu.

HAGAI 1:14

Mwami Nyasaye yatsuva Zerubabeli mwana wa Shalitieli, wali gavana wa Yuda, Mukali wa vasalisi voosi Yoshwa wali nali mwana wa Yehozadaka, halala na vandu voosi vali nivakalushi khurula mu vuhaambe khukhola muhinzilu khu Litempeli. Vitsa nivakhola muhinzilu khu Litempeli liu Mwami Nyasaye wi Mikaanda Chiliihe, uli Nyasaye wavo,