NEHEMIA 4:21 - IBIBILIA INDAKATIFU MU LUTIRICHI LWITAKHO NENDE LWISUKHA

²¹ Khwatsililila khukhola muhinzilu, inusu ya vandu niviyavaale marimu, khuraanjila mu mavwevwe khutukha lwa tsinyining'ini tsilolekhanga mu vutukhu.

NEHEMIA 4:21 Iomraidhean Croise

VAGALATIA 6:9

Khutsililile khuva ni tsingulu tsiu khukhola malahi; shichila niiva khunyala khuvula khukhutsa mwoyo, inyinga yenyekhanga iliitsa khutukha lwa khuliitsa khuchesa.

1 VAKORINZO 15:58

Khulwa yako, vasuuvili vashianje va nayaanza, mutsililile khusinjila ni tsingulu nu khulekha khuhaya haya. Muvuli khukoyanyinywa! Shia khase khosi mutsililile khukhola ni tsingulu muhinzilu ku Mwami, shichila mwamanya vulahi ndi muhinzilu kwosi kwa mukholanga mu Mwami, shiukuliitsa khuva kwi shikhaya tawe.

1 VAKORINZO 15:10

Navutswa khuvirila khu tsimbavasi tsia Nyasaye ndi khuli lwa mulolanga; khandi tsimbavasi tsietsie tsia yandolela, shitsili tsi shikhaya tawe. Khuluveka lundi, nakhola muhinzilu ni tsingulu tsinyishi khuvira varumwa vandi voosi, khali niiva ni kilikali shiali ninzi wakhola mwene muhinzilu tawe; navutswa tsimbavasi tsia Nyasaye, natsio tsia kholanga muhinzilu mwinzi.

VAKOLOSAI 1:29

Nunyola yaka kikholekha, kholanga muhinzilu kwanje ni tsingulu ninjemulila, nindumishila tsingulu tsiu vunyali tsia Kristo ambetsanga, khandi tsikholanga muhinzilu mwinzi.

NEHEMIA 4:20

Havundu hosi ha muliitsa khuhulila shisiliva nishikhuvwangwa, naho ha mutsitsanga khwiyunga na khutsi; shichila Nyasaye weru aliitsa khukhukwanila!”

NEHEMIA 4:22

Mumatukhu kenako, navoolela vandu, “Shia mulala khu munyi aliitsa khukhola nashirikala mu Yerusalemi vutukhu vunu, nikanyakha ave khuli mulindi mu vutukhu khandi khukhola muhinzilu mbasu.”