NEHEMIA 4:2 - IBIBILIA INDAKATIFU MU LUTIRICHI LWITAKHO NENDE LWISUKHA

² Yavoola imbeli wa vakhonyani veve voosi nende mukaanda kwa vasikali va Samaria, “Ni shina shia Vayahudi vateteshele yava vakholanga? Vanyala khumbakha vuyia lisisi liavo kilikali? Vanyala khukhola misango chi kilikali? Vanyala khumala muhinzilu kwenoko khulitukhu lilala? Vakanakananga vanyala khukalushitsa machina khurula khu shituma shia mashindi kavunzukhana nu khulaalitswa nu mulilu yaka, khukalukha khuli kavetsanga?”

NEHEMIA 4:2 Iomraidhean Croise

1 VAKORINZO 1:27

Navutswa Nyasaye yarovola kalalani shindu shia vandu vu mu shivala valolanga nashio shiu vusilo, khuha yeshio shili nu vusitsa tsisoni. Nyasaye yarovola khandi shindu shia vandu vu mu shivala valolanga ni shiteteshele, khuha shili ni tsingulu tsisoni.

ZAKARIA 12:8

Khulitukhu lienelo, inzi Mwami Nyasaye, niitsa khulinda vandu va Yerusalemi, valolekhanga khuva vateteshele muvo khunyola tsingulu khuli tsiali tsia Daudi yali natsio. Vitsukhulu va Daudi valiitsa khuvimilila khuli injelosi ya Nyasaye, khuli Nyasaye mwene.

HABAKUKU 3:2

Mwami Nyasaye, mali khuvoolelwa koosi ka wakhola, khali inzi mwene naria muhinzilu kwokwo yivi Mwami Nyasaye. Kalushila nunundi muhinzilu kwenoko khuli wakholanga khale, ukukhole havulavu lwa khushili mwoyo yulu. Mu vululu vwovwo ukhuvele tsimbavasi.

NEHEMIA 12:43

Vakhola misango minyishi khulitukhu lienelo, ma vandu nivikhoya; shichila Nyasaye yali wu vakholi khuva nu vuyaanzi vunyishi muno. Khali vakhali nende vaana vavo vikhoya khandi. Liyooko liarulana khu likhoya liavo mu Yerusalemi liahulilikhana ihale wene muno.

NEHEMIA 4:10

Navutswa vandu va Yuda, vavoola, “Khuvwele tsingulu lwa khwitiukhanga misiko militoho, khali khushili nindakala inyishi khurulitswaho. Khuvula tsingulu tsiu khutsililila khumbakha lisisi.”

NEHEMIA 12:27

Khulitukhu lia lisisi li litaala likali liatakaswa, vandu vu lwivulu lwa Levi, valaangwa khurula shia havundu hosi ha vamenyanga khwitsa mu Yerusalemi. Khali vo vasanga mulikhoya liu khutakasa lienelo, nivimbanga tsinyimbo tsiu khusanditsa, khandi nivakhuvanga manyanga, vukhana nende vilili.

NEHEMIA 6:15

Vamala muhinzilu ku khumbakha vuyia lisisi khulitukhu lia makhomi kavili na karanu, liu mweli kwa Eluli. Vavukula matukhu makhomi karanu na kavili khumala muhinzilu kwenoko.

YEREMIA 26:18

“Mumatukhu kiliamiha liu Mwami Hezekia wa Yuda, Muprofeti Mika warulanga Moreshetsi yaprofeta navoolela vandu voosi va Yuda, ‘Mwami Nyasaye wi Mikaanda Chiliihe avoolanga, Litaala likali lia Sayoni liliitsa khulimwa khuli mulimi, litaala likali lia Yerusalemi liliitsa khukwa khuli lichiinga lia mashindi, khali shikulu shi Litempeli liumbakhwakhu lilikwa khuli muliru.’

YEREMIA 33:24

“Toto, ushili khuhulilakhu ka vandu yavo vavoolanga ndi inzi Mwami Nyasaye nayambakhana Vaisraeli nende vandu va Yuda, nivali vandu vi tsinzivulu tsivili tsia narovola? Vachayanga vandu vaanje, khandi vayambakhana khuvavukula khuli luhia.

ZAKARIA 4:10

Injelosi yambolela, “Vikuru saba vi tsitaaha vili khuli tsimoni saba tsiu Mwami Nyasaye, tsiheenzanga shia havundu hosi khulilova.”

EZIRA 4:4

Nalwo lwa vandu vu mu shivala shienesho vaheenditsa mwoyo vandu va Yuda; khandi nivavarishitsa khumbakha.

TSABURI 83:4

Vavoolanga, “Hambi khutivitsi shivala shiavo, khu Vaisraeli valikora vutswa!”