NEHEMIA 2:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Navoolela Mwami Aratashasita, “Yivi mwami, uhindile muno! Shichila shina mbuli khuva nu vuveleli mu mwoyo kwanje, lwa ndolanga ni tsimoni tsianje litaala likali, li mivili chia vakuuka vaanje vayeveelwamu, ni liapomolanyinywa liakwa lichiinga, khandi vilivwa vialio vialaalitswa nu mulilu?”

NEHEMIA 2:3 Iomraidhean Croise

1 VAMI 1:31

Betsisheba yamwinamila, navoola, “Yivi mwami, nzikombanga ndi uhindile!”

2 VAMI 25:8

Khulitukhu lia saba liu mweli kwa kharanu, khumuhika kwi likhomi na chiranu, kwa Mwami Nebukadineza wa Babilonia yamihanga, Nebuzaradani, wali nali mwimilili wa vasikali, khandi murumishi wu Mwami Nebukadineza wa Babilonia yatukha mu Yerusalemi.

2 TSINYINGA 21:20

Yehoramu yaraanga khwamiha nali ni mihika makhomi kavaka na chivili. Yamiha mu Yerusalemi khumihika munane. Mundu avulakhuho wamuvelela, lwa yakhutsa. Vayeveela mmbili kwekwe mu litaala likali lia Daudi; navutswa shiyayeveelwa mu vilindwa via vami vayeveelwamu tawe.

2 TSINYINGA 28:27

Mwami Ahazi yakhutsa, mmbili kwekwe nu kuyeveelwa mu litaala likali lia Yerusalemi; nikhali valekha khukuyeveela mu vilindwa via vami va Israeli vayeveelwamu. Mwana wewe Hezekia yamiha havukono hehe.

2 TSINYINGA 32:33

Hezekia yakhutsa, mmbili kwekwe nu kuyeveelwa mu shilindwa khuluveka luli ivuluka wi vilindwa via vandu vi inzu yu vwami. Vandu voosi va Yuda nende Yerusalemi vamuha luyali lunyishi muno niyakhutsa. Mwana wewe walaangwangwa Manaase yamiha havukono hehe.

2 TSINYINGA 36:19

Vasamba Litempeli lia Nyasaye, nivapomola lisisi lia Yerusalemi, nivasamba tsinzu tsiosi tsiu vwami khandi nivononyinya vindu vialio viosi vili nu vukuuli vululu.

NEHEMIA 1:3

Vanjipa, “Vandu vihonolokha khuhilwa mu vuhaambe, vamenyanga mu lusomo lwenolo vavirilanga mu vutiinyu vunyishi nu khuheelwa tsisoni. Lisisi lia Yerusalemi limali khupomolanyinywa, khandi vilivwa vi litaala likali vialaalitswa nu mulilu.”

NEHEMIA 2:13

Narula mu litaala likali, nimbirila mu Shilivwa shiu Luhoongo khuluveka luli imbo nuvushili vutukhu, ninzia ikuvanda nu wakhavira Musinji kwi Inge khutukha khu Shilivwa shia Masiingo. Nakola kola khu masisi ka Yerusalemi, kali nikapomolanyinywa nende vilivwa viali nivialaalitswa nu mulilu.

TSABURI 102:14

Varumishi vovo va vayaanza, khali niiva litaala likali lia Sayoni liativitswa; valilolelanga tsimbavasi, khali niiva liapomolwa.

TSABURI 102:15

Vandu vi tsimbia valiitsa khuha Mwami Nyasaye luyali; vami voosi vamihanga khulilova valiitsa khuhaana vukhumi khu tsingulu tsiotsio.

TSABURI 137:6

Mbuli khuva nu vunyali vu khwimbakhu khandi, niiva nyala khuvula khukhwitsushitsa, niiva nakhaywa khukhuvukula khuva litaala likali lichilanga nimba nu vuyaanzi muno.

TSABURI 38:7

Murengo kwa ngumila muno shimbulilanga vulahi mu mmbili kwanje tawe.

YEREMIA 52:12

Khumweli kkwa kharanu, khulitukhu li likhomi liu mweli kwenoko, nu kuli muhika kwi likhomi na tisa muliamiha liu Mwami Nebukadineza wa Babilonia, Nebuzaradani wali nali mwimilili wa valindi varumishilanga Mwami wa Babilonia, yatukha mu Yerusalemi.

LWIKHULU 2:9

Vilivwa vialio viakwa hasi, wasambula manutong'olanyinya milondi chialio. Mwami nende vimilili valio vamenyanga mu vandu vi tsimbia tsindi, malako kavula shia kakholanga. Khali vaprofeti shivanyolanga malolo khurula khu Mwami Nyasaye tawe.

LEVI 26:31

Niitsa khusambulanyinya mataala kenyu, sambulanyinyi havundu henyu ha musaalanga khwinzi, khandi mbuli khuhuchilila misango chienyu.