NEHEMIA 2:10 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁰ Navutswa lwa mundu walaangwangwa Sanibalati wi litaala lia Horoni, halala na Tobia wali Muamoni vahulila ndio, valeka mu mioyo chiavo; shichila vali ninganakani ndi mundu wundi umali khwitsa khuchingula limenya lia Vaisraeli.

NEHEMIA 2:10 Iomraidhean Croise

NEHEMIA 4:7

Navutswa lwa Sanibalati, Tobia, Vaharabu, Vaamoni nende vandu vi litaala lia Ashidodi, vahulila ndi muhinzilu kukhutsililila khumbakha vuyia lisisi lia Yerusalemi kutsilililanga khumbeli, khandi ndi makova kali nikalikukha mu lisisi kililitswangwa, vali nu vurima vunyishi.

NEHEMIA 2:19

Navutswa lwa Sanibalati wi litaala lia Horoni, Tobia wali Muamoni nende Muharabu wundi walaangwangwa Geshemu, vahulila ka khwenyanga khukhola, vakhukholela shihenye henye, nivakhuchaya. Vavoola, “Ni shina shia mwu kholanga yishi? Ni kilikali, mwenyanga khuhinganyinya khali Mwami Aratashasita?”

TSINGANU 27:4

Vululu nu vu khusalilitsa, khali vurima vutivitsanga; navutswa ni viina unyala khukuura imbotokha?

NEHEMIA 13:4

Shikholwa shienesho nishishili khwikholekha, musalisi Eliashibu yali warovolwa khusinjilila tsinzu tsi livishilu li Litempeli lia Nyasaye weru; khandi wali mwiikho wa Tobia,

NEHEMIA 6:1

Lwa Sanibalati, Tobia, nende mundu Muarabu walaangwangwa Geshemi nende vatsiku veru vandi voosi, vavoolelwa ndi mali khumbakha vuyia lisisi, khandi makova kavulakhuho karikala mulio, khali niiva khwali nu khushili khurechekha miliango mu vilivwa --

VIKHOLWA 5:24

Lwa vasalisi vakali nende mwimilili wa valindi vi litempeli vahulila ndio, vali ni lichenya linyishi, nivavula khumanyakhu shindu shiosi khulondokhana khu varumwa.

VIKHOLWA 4:2

Vasinyikha shichila varumwa vavili venavo veechitsanga vandu ndi Yesu wayisimukha khurula mu likhutsa, likhuva lia havulavu ndi vandu vakhutsa khale valiitsa khwisimukha khurula mu likhutsa.

YEREMIA 48:34

“Mwoyo kwa valilanga kuhulilikhananga mu litaala lia Heshiboni khutukha Elehale nende Yahazi; kutsilililanga khurula mu litaala lia Zohari khutukha Horonahimu nende Egilatsi-shelishiya; khali matsi kali mu Muchela kwa Nimurimu kakhaamila hasi.

YEREMIA 48:5

Vatikulukhanga mu litaala lia Luhitsu, valilanga tsikhwili nivatsia; lwa vakholomokhanga Horonahimu vahulilanga khulila khukhutivitswa.

ISAYA 15:5

Mwoyo kwanje kwavelela shichila shivala shia Moabu; vandu vayilukhayo vatsia mu litaala lia Zohari vatukha havundu halaangwangwa Egulatsi Shelishiya. Vatikulukhanga nivatsia Luhitsu nivalila, nivali khu muhaanda kutsitsanga Horonahimu vikhulanga shichila vativitswa.

MWILWATSI 10:7

Mali khulola varukwa nivanini khu tsifarasi, navutswa vimilili nivachendanga khu vilenje khuli ni varukwa.

TSINGANU 30:22

Murukwa wamihitswi khuva mwami, mundu muyiingwa uli ni shiukhulia shinyishi,

TSABURI 112:10

Vandu vatamanu valolanga kenako ma vitsula vurima; valolanga vutamanu, nivakhutsa mwoyo; lisuuvilitswa liavo liliitsa khuva li shikhaya.

NEHEMIA 13:1

Khulitukhu lienelo, Malako ka Musa kasomwa ikulu nu mwoyo mukali, vandu nivakahulilanga; khandi vasoma havundu ha kali nikahandikwa ndi mundu avulakhuho wosi, ave Muamoni inoho Mumoabu anyala khuhuchililwa khwinjila mu shikhaalo shia Nyasaye;

NEHEMIA 6:16

Lwa vatsiku veru voosi vahulila ndio, vandu vi tsimbia tsiosi, tsiamenyanga himbi na khutsi varia nivanyola tsisoni; shichila vamanya ndi Nyasaye weru neye wakhukhonya khumala muhinzilu kwenoko.

NEHEMIA 13:28

Yohada yali mwana wu Mukali wa vasalisi voosi Eliashibu; navutswa mulala khu vaana va Yohada venavo, yali wahila mwana wi shikhana wa Sanibalati, mundu wi litaala lia Betsi-horoni; namukhunga khurula imbeli wanje shichila kenako.

YEREMIA 41:10

Nalwo lwa Ishimaeli yakumila khuli vavohe vana vi shikhana vi inzu yu vwami nende vandu vandi voosi vali nivarikala mu litaala lia Mizipa, va Nebuzaradani, mwimilili wa valindi yali niyaha Gedalia mwana wa Ahikamu. Ishimaeli mwana wa Netsania yavavukula khuva vavohe, khandi natsia mu lusomo lwa Amoni.