NEHEMIA 13:7 - IBIBILIA INDAKATIFU MU LUTIRICHI LWITAKHO NENDE LWISUKHA

⁷ maningalukha Yerusalemi. Nalwo lwa niitsa khumanya vutamanu vu musalisi Eliashibu yali nakholi, lwa yalombela Tobia inzu mu lwanyi lwi Litempeli lia Nyasaye.

NEHEMIA 13:7 Iomraidhean Croise

NEHEMIA 13:5

khandi yali waha Tobia inzu ingali ya vavikhamu vihanwa vi imu, vubani nende vindu viarumikhanga mu Litempeli, injeso yi imu, idivai, nende makura ka vandu vu lwivulu lwa Levi vaheelwa varumishile, vandu vimbanga tsinyimbo nende valindi vi vilivwa venyekhanga khuheelwa, khali khumeetakhu vindu via vasololanga khulu khuha vasalisi.

1 VAKORINZO 1:11

Vasuuvili vashianje, vandu valala khurula mu inzu ya Kiloe vambolele havulavu makhuva khulondokhana khuli mulembananga vene khuvene.

LWIKHULU 1:10

Vatsiku vamali khunyiila makhono kavo, khuvukula vindu vialio viosi viu vukuuli vululu; ni kilikali, khali lilolanga khuli vandu vi tsimbia tsindi vaseeranga Havundu Hatakatifu halio, vandu va yivi mwene wakaya khwinjilakhu mu vandu vovo.

NEHEMIA 13:1

Khulitukhu lienelo, Malako ka Musa kasomwa ikulu nu mwoyo mukali, vandu nivakahulilanga; khandi vasoma havundu ha kali nikahandikwa ndi mundu avulakhuho wosi, ave Muamoni inoho Mumoabu anyala khuhuchililwa khwinjila mu shikhaalo shia Nyasaye;

EZIRA 9:1

Lwa vindu yivi viosi viakholwa, valala khu vimilili va Vaisraeli vitsa; nivambolela, “Vaisraeli, vasalisi nende vandu vu lwivulu lwa Levi vayambakhana khwiyahula haluveka khurula khu vandu vi tsimbia tsindi tsia Vakanaani, Vaahitse, Vapeerizi, Vayeebusi, Vaamoni, Vamoabu, Vamisri nende Vaamori. Vakholanga vindu vi shifwavi khuli vandu venavo.

1 TSINYINGA 3:24

Eliohenai yivula vaana vi shiyayi saba, nivali Hodavia, Eliashibu, Pelaya, Akubu, Yohanani, Delaya, nende Anani.